Federación de Asociacións Galegas de Familiares de Enfermos de Alzhéimer e outras demencias (FAGAL)
Entidade sen ánimo de lucro, fundada en 1998, que nace da unión de catros asociacións familiares de persoas con Alzhéimer: AGADEA, AFACER, AFACO e AFAOR, integrándose nos primeiros anos, outras sete organizacións, AFAMO, AFAL Ferrolterra, AFALU, AFABER, AFAPO e AFACHANTADA. En 2010 e 2011 anexáronse AFAVI e AFASAL, estando composta por 13 asociacións.
O seu programa céntrase en prestar servizos de atención a persoas afectadas pola enfermidade de Alzheimer e outras demencias neurodegenerativas, así como aos seus familiares e coidadores, promovendo a adaptación a esa nova realidade.
Nome: Federación de Asociacións Galegas de Familiares de Enfermos de Alzhéimer e outras demencias
Sigla: FAGAL
Tipo: Federación
Datas (Fundación): 1998
Fundador: AGADEA; ACOSTUMBRE; AFACO; AFAOR
Sede: Santiago de Compostela
Dirección: Centro Cadoiro, Rúa República Checa, 52. 15707 Santiago de Compostela.
Coordenadas: 42.905188761659886, -8.50510618650586
Páxina Web: https://fagal.org/index.php
Entidade Superior:
Historia
O 18 de maio de 1998 nace a Federación de Asociacións Galegas de Familiares de Enfermos de Alzhéimer e outras demencias, conformada por AFACO, AGADEA, AFAOR e AFAGA. En 1999 apróbase a entrada a FAGAL de AFAL Ferrolterra nunha asemblea, e, neste mesmo ano, publícase o primeiro Plan galego de atención ao enfermo de Alzhéimer e outras demencias. En 2001 a asemblea de FAGAL admite a entrada de AFAMO (Asociación de Familiares de Enfermos de Alzhéimer do Morrazo), e no 2003, a da de AFAMON (Asociación de Familiares de enfermos de alzhéimer, outras demencias e enfermidades neurodegenerativas de Monforte de Lemos). En febreiro de 2003, FAGAL leva a cabo a primeira edición das súas xornadas formativas en alzhéimer e outras demencias. En 2004 ingresan AFALU e AFABER, e en 2005, apróbase a de AFAPO.
En 2008 instáurase en Santiago de Compostela e constrúese a estrutura para ampliar os plans da asociación e o 7 de Febreiro, créase a Rede Pública de centros especializados en alzhéimer, poñéndoo en marcha a Xunta de Galicia. A AFACHANTADA entra o 28 de xuño e o 2 de outubro, Vigo celebra o II congreso Nacional de Alzhéimer. No 2010, o Grupo de Traballo de Psicólogos de FAGAL publica o Manual de Formación especializada en demencias para coidadores non profesionais, coincidindo neste tempo, a incorporación de AFA Viveiro. No seguinte ano, temos a última integración, a de AFASAL.
A FAGAL no 2011, comeza a dar cursos “Xuntos nos coidados” para os coidadores de persoas con algunha demencia, e en 2013, da man da Fundación Barrié, asigna o programa Rede de paraugas Alzhéimer, co fin de amparar ao mundo rural galego. No 2012 por petición de FAGAL, a Xunta de Galicia declarou este ano como Ano galego do Alzhéimer.
En 2015, a FAGAL realizou a primeira campaña propia, polo Día Mundial do Alzhéimer baixo o slogan “No Alzhéimer ti es unha peza importante”. Por esta mesma conmemoración, no 2016, a federación realizou a súa I camiñada solidaria.
En 2017, publícanse o Manual de Terapia ocupacional en alzhéimer e outras demencias, e o Manual de Traballo social en Alzhéimer e outras demencias neurodegenerativas. Por último, no 2018, publícase o Manual de Fisioterapia especializado en alzhéimer e outras demencias neurodegenerativas.
Bibliografía:
FAGAL - Federación de Asociaciones Gallegas de Familiares de Enfermos de Alzheimer y Otras Demencias. (s/f). Rede Galega de Investigación En Demencias. Dispoñible en https://www.redegalegademencias.com/entorno-social/fagal/ [Consultado o 8/02/2024]
FAGAL | F.A. (s/f). FAGAL Galicia| Federación Alzhéimer Galicia. fagal.org. Dispoñible en https://fagal.org/trayectoria-fagal-federacion-alzheimer-galicia-20-anos-haciendo-caminos-haciendo-memoria-agadea-acostumbre-afaco-afaor-es.html [Consultado o 8/02/2024]
FAGAL | F.A. (s/f). FAGAL Galicia| Federación Alzhéimer Galicia. fagal.org. Dispoñible en https://fagal.org/federacion-alzheimer-galicia-care-programs-familiares-programas-apoyo-cuidadores-personas-demencia-promocion-redes-sociales-empleo-tic-red-may-es.html [Consultado o 8/02/2024]
FAGAL (s/f). FAGAL Galicia| 20 Anos de FAGAL. Dispoñible en https://www.tiki-toki.com/timeline/entry/966376/20-Anos-de-FAGAL/ [Consultado o 8/02/2024]
Galicia, F. | F.A. (s/f). FAGAL Galicia| Federación Alzhéimer Galicia. fagal.org. Dispoñible en https://fagal.org/index.php?V_dir=MSC&V_mod=centrosAtencion&V_idmod=171&newlang=spanish [Consultado o 8/02/2024]
Imaxes: