Colexio da Compañía de María

Clemente Sarela foi o encargado de realizar os planos. Caracterízase por unha acusada horizontalidade, só interrompida polos torreóns laterais e pola igrexa, situada no centro, e cuxa fachada se caracteriza pola sobriedade do Neoclasicismo propio do momento. No frontón aparece o escudo do arcebispo Múzquiz, finalizador da obra, e, sobre este, San Gabriel, a Asunción e San Rafael. No exterior, nunha esquina do edificio, consérvase un tímpano gótico do século XIV que probablemente pertenceu ao convento das clarisas que ocupaba anteriormente este terreo.

Foi un colexio soamente feminino dende os seus inicios ata o curso 1985-1986, no que se incorporan os nenos. A partir do curso 1987-1988, o centro dá resposta a nenas e nenos que necesitan unha educación especial. Hoxe en día impártese nel dende Educación Infantil ata Bacharelato.

Bibliografía:

• Convento do Colégio da Companhia de Maria. (5 de setembro, 2013). Wikipedia. Recuperado o 20 de febreiro de 2020 de https://gl.wikipedia.org/wiki/Colexio_Compa%C3%B1%C3%ADa_de_Mar%C3%ADa_de_Santiago_de_Compostela

• Sanz González, M. (1994). Notas sobre la educación femenina en Santiago de Compostela: la Compañía de María: 1759-1835. Compostellanum: revista de la Archidiócesis de Santiago de Compostela, 39, 3-4 (485-519) 

• Turismo de Galicia. (s.d.). Compañía de María o Enseñanza. Recuperado o 20 de febreiro de 2020 de https://www.turismo.gal/recurso/-/detalle/3450/compania-de-maria-o-ensenanza?langId=gl_ES&ctre=34&tp=8

Imaxes:

1. Luis Miguel Bugallo Sánchez (Lmbuga), Colexio Compañía de María. Santiago de Compostela - Galiza-2, CC BY-SA 3.0