Asociación Abeiro

Castran e controlan colonias de gatos en Santiago de Compostela e arredores, e rescatan cans e gatos da rúa, buscándolles os mellores fogares posíbeis. Traballan con casas de acollida, e en casos excepcionais en residencias, xa que non teñen refuxio propio nin subvencións de ningún tipo. Coa asociación colaboran varias empresas, principalmente clínicas veterinarias. Tamén venden produtos para poderen financiarse, en mercadiños ou na súa tenda solidaria online. Colaboran en diferentes plataformas de defensa animal, como Galicia mellor sen touradas ou a Plataforma pola defensa da fauna salvaxe.

En 2020, ante a baixada de ingresos en moitas casas debido á crise provocada pola Covid-19, a asociación inaugurou un banco de alimentos para animais, para así liberar ás familias con mascotas de parte do gasto que estas supoñen.  

Bibliografía:

• Asociación Abeiro (s.d.). Asociación Abeiro. Recuperado de http://asociacionabeiro.org/ [consulta 5/02/2024]

• Asociación Abeiro (2012). Asociación Abeiro - Perfil Teaming. Recuperado de https://www.teaming.net/asociacionabeiro [consulta 9/02/2024]

• Asociación Abeiro (s.d.). Asociación por la protección animal Abeiro, Asociación protectora de animales cerca de Santiago de Compostela, La Coruña. Recuperado de https://www.adopta-un-animal.es/buscar-pet-friendly/protectora/asociacion-por-la-proteccion-animal-abeiro-cerca-de-santiago-de-compostela [consulta 9/02/2024]

• Redacción (14 de xuño de 2020). A Asociación Abeiro inaugura o primeiro banco de alimentos para animais. Nós Diario. Recuperado de https://www.nosdiario.gal/articulo/social/asociacion-abeiro-inaugura-primeiro-banco-alimentos-animais-compostela/20200613135817099525.html [consulta 9/02/2024]

Imaxes: