Arquivo Histórico Universitario da USC (Ahus)
Pequeno texto introductorio
Nome: Arquivo Histórico Universitario
Sigla: AHUS
Tipo: Arquivos
Datas (Fundación): 1495; 1968
Fundador:
Sede:
Dirección: Rúa das Casas Reais, 5, 15704 Santiago de Compostela
Teléfono: 881812880
Coordenadas: 42°52′56″N 8°32′32″O
Páxina Web: https://www.usc.gal/gl/servizos/arquivo/index.html
Entidade Superior: Universidade de Santiago de Compostela
O Arquivo Universitario da USC( AHUS) está ligado á Universidade dende o ano da súa creación, en 1495. A partir de entón comezou a custodiar documentación que emanaba do Claustro e do Reitor como mostra da súa dobre función directiva e docente.
Ademais, custodia documentación anterior á data fundacional. A súa análise revela un carácter xurídico- económico, pois a maioría son contratos de propiedades e permítenos ver a formación dos patrimonios que por sucesivas transmisións foron a desembocar na Universidade.
Este edificio non foi nomeado Arquivo Histórico Universitario dende a súa creación, senón xa no século XX, en 1968 coa Orde Ministerial( B.O.E. n.º 23 do 25 de novembro).
O Arquivo, sempre baixo a custodia do Secretario, ocupaba un lugar apropiado na Sancristía do Colexio ata 1769, cando foi trasladado.
Xa no século XIX, coa entrada das tropas francesas, o Arquivo sufriu saqueos que causaron innumerables perdas e deterioro dos documentos. Foi neste período cando se realizaron as reformas dos inventarios e dos índices que chegan a día de hoxe ata nós. É nese edificio onde permaneceu ata o ano 1990 ( no terceiro andar da Facultade de Xeografía e Historia) xa que non reunía as condicións pertinentes para a conservación nin para a consulta dos fondos.
Logo de varias decisións escolleuse o emplazamento actual, un edificio do casco histórico adaptado para este fin.
Composto por 6 plantas, catro delas están dedicadas ao depósito de documentos. As outras reparten as zonas de Exposicións e Consultas, unha delas para a lectura en microfilme. A instalación da documentación está case na súa totalidade en estanterías móviles e o laboratorio de Restauración completamente equipado.
A información que comparte non procede só dun organismo: por un lado posúe o fondo universitario mentres que por outro ten fondos familiares, fundacionais,… O fondo universitario é o máis voluminoso. Dividido en seccións, os seus fondos abarcan dende o século XII ata hoxe.
Polo seu volume e importancia sobresae a Serie de Expedientes Académicos, que datan dende o século XVI ata 1980, data da última incorporación debido á nova estruturación do sistema de Xestión de Alumnos. Comprende ademais documentación dos Órganos de Goberno, Servizos e Facultades.
No tocante ao Sistema e Política Arquivística confórmase por:
· O Arquivo Histórico Universitario que cumple funcións de Arquivo Intermedio e Histórico.
· Os arquivos das dúas unidades de Xestión Académica, froito dunha reorganización no terreo da xestión de alumnas e alumnos, no ano 1993, que deu lugar a que os negociados nas diversas Facultades e Escolas deses fondos académicos se trasladasen a estas novas creadas, o que obrigou a unha nova ubicación e ao Arquivo Histórico incorporáronse os documentos académicos anteriores a 1980 e os novos posteriores.
Este cambio foi aproveitado para ordenar os arquivos que xa existían antes do seu traslado. Así, eliminouse o préstamo de documentación xa que as certificacións son efectuadas polo Secretario Xeral e a Dirección do Arquivo.
Á parte, están os Arquivos de Xestión dos Órganos de Goberno e os Servizos da Universidade, todas elas en contacto constante co Arquivo Histórico.
Para a conservación e a descrición de fondos está en marcha un proxecto adaptado ás novas tecnoloxías, a dixitalización e informatización do Arquivo. Isto é un salto cualitativo pois o acceso será moito mais doado para as investigadoras e investigadores.
Bibliografía:
JUSTO, María José, Archivo Histórico Universitario. Universidad de Santiago de Compostela, Boletín de la ANABAD,Tomo 47, Nº 3-4, 1997, pp. 211- 217.
Imaxes:
Enlaces a datos e catálogos