José Vega y Verdugo
José de Vega y Verdugo (Ciempozuelos, 1624-Madrid, 1696) foi un cóengo e fabriqueiro da Catedral de Santiago de Compostela, cidade na que estivo entre 1649 e 1672.
Nome completo: José de Vega y Verdugo
Datas: 1623-1696
Lugares: Cienpozuelos, Madrid-Madrid
Campo de actividade: Relixión; Arquitectura
Grupo asociado: Catedral de Santiago; Igrexa Católica
Ocupación: Cóengos, Arquitectos
Lingua: Latín
A súa formación intelectual iniciouse na escola de Ciempozuelos. De aí pasou ás aulas do seminario de El Escorial. Non se pode verificar se completou os seus estudos.
A súa presenza en Roma está documentada a partir de 1647. A súa vida alí, ademais do seu papel de cofrade, está relacionada coas figuras do cardeal Albornoz e do VIII conde de Oñate, a quen se refería como o seu señor.
En 1649, convértese en cóengo da catedral por bula de Inocencio X. Na súa casa, situada na parte sur da praza da Quintana, escribiría o seu Informe, o seu plan de reformas para a Catedral, que contaba con 48 follas e 11 debuxos. Centrábase na búsca da magnificación do altar maior, na mellora do aspecto exterior e na ordenación das prazas. Peña de Toro será o que leve a cabo algunhas das propostas de Verdugo. Domingo de Andrade tamén o cita como un dos seus mentores, baseando o seu baldaquino nas ideas do cóengo.
Polo tanto, podemos considerar a Vega y Verdugo como o impulsor teórico do Barroco na cidade de Santiago de Compostela.
Bibliografía:
VICENTE, S., Vega y Verdugo, Peña de Toro y la introducción del barroco en Compostela, Santiago de Compostela: Teófilo/Consorcio de Santiago, 2012.
CASAS MAYO, Vanesa. Vega y Verdugo, José de. En Xacopedia https://xacopedia.com/Vega_y_Verdugo_José_de (consulta [03 de febreiro de 2020).
VIANA GARCÍA, María del Camino: Baldaquino de la Catedral de Santiago. En: La cámara de arte https://www.lacamaradelarte.com/2019/09/baldaquino-de-la-catedral-de-santiago.html (consulta 3 de febreiro de 2020)
Imaxes:
José Vega y Verdugo (1623-1696), Catedral de Santiago, fachada Vega y Verdugo 1657 b, marcado como dominio público