Ramona Vaamonde
Nace en Santiago de Compostela o 28 de abril de 1907 e falece no ano 1997. Filla do doutor Joaquín Vaamonde Rodríguez, prestixioso médico compostelán considerado pioneiro no mundo da Radioloxía en Galicia.
Ramona cursou os estudos de Farmacia entre os anos 1925 e 1929 cun expediente salientable con 12 sobresaíntes e matrículas das 14 materias das que constaba a carreira. No ano 1937, durante a Guerra Civil e na súa etapa no Laboratorio de Farmacia Militar de Santiago, obtivo o título de enfermeira.
Nome completo: Ramona Vaamonde Fernández
Datas: 1907-1997
Lugares: Santiago de Compostela
Campo de actividade: Farmacia; Microbioloxía
Grupo asociado: Universidade de Santiago, Facultade de Farmacia
Ocupación: Microbiólogas; Farmacéuticas
Lingua: Castelán
Vinte anos despois lerá a súa tese de doutoramento que se titulaba Sobre el metabolismo de los ácidos nucleicos de las bacterias, dirixida por Benito Regueiro. Antes traballou como axudante de clases de Microbioloxía dende 1952 ata 1956, cando foi nomeada adxunta da Cátedra de Microbioloxía. Cinco anos despois aprobou a oposición para profesora adxunta e dende 1967 exercerá de docente encargada de Microbioloxía e Técnica microbiolóxica ao tempo que é nomeada profesora agregada de Parasitoloxía.
Tamén se dedicou á investigación publicando :
Influencia de la composición del medio de cultivo dobre la acción enzimática de las bacterias no IV Congreso de Bioquímica de Viena.
Estudio sobre el metabolísmo de los ácidos nucleicos de las bacterias: I. Relación entre crecimiento y contenido en ácidos nucleicos de bacterias en caldo común.
Metabolismo de los ácidos nucleicos de Escherichia colien medio sintético.
Actividad enzimática específica de filtrados de Escherichia coli y Sarcina lútea sobre ácidos nucleicos.
Todos eles en colaboración con Benito Regueiro.
En setembro de 1975 detectou un brote de cólera evitando así unha epidemia. Xubilouse no ano 1977.
Bibliografía:
Pintos Barral, Xoana (2016) As mulleres nos estudos esperimentais na Universidade de Santiago: 1910 - 1960. Tese doutoral, Santiago de Compostela. Pp 242 – 245. http://hdl.handle.net/10347/14763 (consultado o 7/2/2019)