Antonio Neira de Mosquera
Antonio Neira de Mosquera (Santiago de Compostela, 1818-A Coruña, 1854) foi un escritor e xornalista galego, nacido en Santiago de Compostela e coñecido como un dos iniciadores do Rexurdimento.
A súa traxectoria iníciase, coa colaboración en diferentes xornais, ademais de chegar a dirixir El Eco de Galicia.
Nome completo: Antonio Neira de Mosquera
Datas: 1818-1854
Lugares: Santiago de Compostela-A Coruña
Campo de actividade: Literatura; Xornalismo
Grupo asociado: Romanticismo; Academia Literaria de Santiago
Ocupación: Escritores; Xornalistas; Dramaturgos
Lingua: Castelán
A súa paixón polo mundo da literatura comezou cando era moi novo. Inicialmente, a súa carreira como escritor dirixiuno ao mundo dos estudos históricos, políticos e literarios, sobre a instrución pública en España; é dicir, realidades do momento que fosen susceptibles de ser estudadas dende unha nova perspectiva.
Un dos puntos máis importantes da súa carreira chegou coa súa incorporación á Real Academia Galega, un feito que o levará a coñecer o mundo intelectual compostelán.
A pesares de non escribir en galego, foi un dos mais salientables fomentadores culturais do primeiro grupo provincialista. Unha ideoloxía que rematará por dar lugar ao posterior rexionalismo, tan importante na política e sociedade galegas.
As súas practicas levárono a pertencer á Academia Literaria de Santiago de Compostela, cun funcionamento moi similar ao Liceo de Madrid e pola que pasaron numerosos persoeiros da cidade. Rematou por tomar conciencia política, en parte, polos círculos liberais nos que se movía. Unha cuestión moi presente nos seus artigos xornalísticos e dende o inicio da súa actividade intelectual.
Ademais do mundo xornalístico, tamén estreou dramas históricos, coleccións de novelas breves , contos, etc. Cabe resaltar, El día 24 de Julio de 1840 (1840), El moribundo (1841), La marquesa de Camba y Rodeiro (1845) El reinado de las musas (1851).
Toda unha serie de producións que mostran a súa importancia na literatura española do Romanticismo e que fixeron que unha rúa de Compostela leve o seu nome, facendo que a súa figura estea sempre no maxín dos composteláns.
Bibliografía:
Miralles García, Enrique: Antonio Neira de Mosquera. Recuperado de: GICES XIX: Universidad Autónoma de Barcelona o 29 de Xaneiro do 2015 : http://gicesxix.uab.es/showAutor.php?idA=224
Vilavedra Fernández, Dolores, Antonio Neira de Mosquera, en Real Academia de la Historia, Diccionario Biográfico electrónico (en red, http://dbe.rah.es/)
Vicenti, Alfredo (28/3/1880)."Historias Literarias. D. Antonio Neira de Mosquera, su tiempo, su obra (conclusión)" . La Ilustración Gallega y Asturiana
Imaxes:
Neira de Mosquera: Dibuxo:José Fernández Cuevas creator QS:P170,Q20740446 Gravado:Arturo Carretero creator QS:P170,Q15982477, Antonio Neira de Mosquera, marcado como dominio público, para máis detalles véxase Wikimedia Commons