Pedro Muñiz

Pedro Muñiz foi unha persoa activa no social, cultural e relixioso, favorecendo ás ordes mendicantes, os estudos de Humanidades e buscando ilustrar ao clero. Ademais, durante o seu mandato suavizouse o férreo control eclesiástico sobre a cidade.

Tiña fama de nigromante, de que estaba versado en ocultismo e que buscaba a pedra filosofal. Así, a súa figura relacionouse con varias lendas como unha curación milagrosa da febre ou unha viaxe voando de Roma a Santiago. Segundo o escritor e eclesiástico López Ferreiro non existe ningunha proba fehaciente coa que se lle poida achacar a práctica da nigromancia, sendo o máis probable que a súa fama de "bruxo" fose debida á elocuencia e inteligencia demostrada ao longo da súa vida.

Os seus restos están situados ao pé do Pórtico da Gloria, diante do santo dos croques e cubertos por unha lápida de bronce. Foi sucedido no cargo por Bernardo II