Mestre Esteban
O mestre Esteban (s. XI-s. XII) foi un mestre de obras que traballou na catedral de Santiago en tempos do arcebispo Xelmírez.
Hai indicios que o sitúan traballando tamén en San Isidoro de León e na catedral de Pamplona. Nesta última, sen confirmar.
Nome completo: Esteban
Datas: 2ª metade S. XI- 1ª metade S. XII
Lugares:
Campo de actividade: Arquitectura
Grupo asociado: Románico
Ocupación: Arquitectos
Lingua:
Na catedral de Santiago de Compostela, os capiteis do cruceiro son obra do mestre Esteban. Crese que pasou a traballar a esta catedral logo de San Isidoro de León, ao falecer o que ata entón era mestre de obras Bernardo o Vello, seguramente pai de Esteban, e por orde de Afonso VI.
Esteban rematou a cabeceira e engadiu dúas capelas. Posteriormente, levou a cabo a construción do cruceiro e das súas capelas, dotándoo da mesma estrutura que as naves lonxitudinais, cunha nave central cuberta por bóveda de canón e dúas laterais cubertas por bóvedas de arista.
Pero a gran obra do mestre Esteban nesta catedral foi a porta das Praterías, que consta de dous arcos con triplos arquivoltas sobre columnas con capiteis e fustes con decoración escultórica. Os tímpanos corresponden a outro autor anterior e o Cristo bendicindo que se atopa na parte central da porta atribúese ao mestre Mateo, autor tamén do Pórtico da Gloria nesta mesma catedral.
O resto das esculturas atribúense ao mestre Esteban e están realizadas en alto relevo, representando apóstolos, profetas, anxos e patriarcas, unhas en mármore branco e outras en granito. As proporcións das imaxes son máis esveltas que as realizadas anteriormente en San Isidoro e a figura de Santiago á beira do Cristo central está labrada case en vulto redondo. O seu rostro, mans e pés é realista e o seu modelado é suave e brando cos mesmos pliegues característicos do mestre.
Bibliografía:
IES Leopoldo Cano (Valladolid) Recuperado de: Catedral de Santiago http://iesleopoldocano.centros.educa.jcyl.es/aula/archivos/repositorio/0/5/html/web/csantiago.html, [consulta 18/02/2020]
Méndez, Iria, Esteban, maestro En Xacopedia (en rede, http://xacopedia.com/Esteban_maestro ) [consulta 18/02/2020].
Martínez de Aguirre Aldaz, Javier, Maestro Esteban, en Real Academia de la Historia, Diccionario Biográfico electrónico (en red, http://dbe.rah.es/biografias/16051/maestro-esteban ) [consulta 18/02/2020].
Imaxes:
Fachada das Pratarías nun gravado de 1868: Dibuxo:Federico Ruiz creator QS:P170,Q17504819 Grabado:Enrique Laporta Valor creator QS:P170,Q17505630, Catedral de Santiago, fachada das Platerías, de Ruiz, marcado como dominio público, para máis detalles véxase Wikimedia Commons
Brazo norte do cruceiro da catedral: Lancastermerrin88, Brazo derecho del crucero de la Catedral de Santiago de Compostela, CC BY-SA 4.0