Lope Gómez de Marzoa
Lope Gómez de Marzoa (Marzoa, primeira metade do s. XV-Santiago de Compostela, 1501) foi un notario e fundador do Estudo de Gramática de Santiago, precedente da Universidade de Santiago de Compostela.
Nome completo: Lope Gómez de Marzoa
Datas: 1ª metade do s. XV-1501
Lugares: Marzoa, Oroso, A Coruña-Santiago de Compostela
Campo de actividade: Dereito; Gramática
Grupo asociado: Estudo de Gramática de Santiago; Universidade de Santiago de Compostela
Ocupación: Notarios
Lingua:
A finais do século XV, faltaba en Galicia un centro cultural importante que se encargase de difundir a cultura. Soamente as persoas de boa posición social tiñan acceso a ela. O primeiro que se preocupou por elevar o nivel cultural de Galicia foi Lope Gómez de Marzoa, preparando o acceso a estudos superiores, incluso para os máis pobres.
No 1495, obtiña do abade de San Martiño Pinario, Juan de Melgar, a cesión dunha parte do mosteiro de Antealtares, creando un colexio para estudantes pobres destinado ao estudo de Gramática, dotándoo de notables rendas para asegurar o seu funcionamento. A reforma monástica obrigou a que deixasen o mosteiro, fundando, xunto co deán Diego de Muros III e xunto co bispo das Canarias, Diego de Muros II, un Estudo de Gramática no 1501, mesmo ano da súa morte, acontecida tras ver o seu desexo feito realidade. Este proceso foi culminado no ano 1526 da man de Alonso III de Fonseca, coa fundación da Universidade propiamente dita.
Bibliografía:
Yáñez Neira, Damián, «Lope Gómez de Marzoa», en Real Academia de la Historia, Diccionario Biográfico electrónico (en red, http://dbe.rah.es/)
http://estudiosgallegos.revistas.csic.es/index.php/estudiosgallegos/article/view/189/192, (consulta [12/02/2020]).
Imaxes:
Juan José Cancela del Río (Santiago de Compostela 20/10/1803 – 31/01/1886), Lope Gómez de Marzoa, marcado como dominio público, para más detalles véase Wikimedia Commons