Xosé Fernando Filgueira Valverde
Xosé Fernando Filgueira Valverde, nacido en Pontevedra e finado na mesma cidade, foi un historiador, arqueólogo, antropólogo e escritor galego, ao que se lle adicou o Día das Letras Galegas de 2015.
Dende pequeno, estivo involucrado en numerosos proxectos culturais, xa dende o Bacharelato que cursou en Pontevedra, e con maior énfase na súa época de estudo en Santiago de Compostela.
Nome completo: Xosé Fernando Filgueira Valverde
Datas: 1906-1996
Lugares: Pontevedra-Pontevedra
Campo de actividade:
Grupo asociado: Seminario de Estudos Galegos; Real Academia Galega; Museo de Pontevedra
Ocupación: Intelectuales; Escritores; Políticos; Arqueólogos
Lingua: Galego; Castelán
Finalmente, no ano 1936, rematou o Doutorado en Filosofía e Letras, sección de Historia, o que o levou a ser profesor do Instituto de Ensino Medio.
Traballou no Seminario de Estudos Galegos, como director do Museo de Pontevedra, e inclusive, foi nomeado membro da Real Academia Galega, polo que chegou a formar parte das máis importantes esferas intelectuais do momento.
Ademais do eido profesional, tamén sentiu paixón polo mundo da política, o que o levou a militar no Partido Galeguista dende os seus comezos. En maio de 1935, liderou a un grupo de militantes deste partido, en contra dos pactos coa esquerda, organizando así, a dereita galeguista.
No período que abrangue dende o 10 de Novembro de 1959 ata o ano 1968, foi nomeado alcalde de Pontevedra, cargo dende o que estimulou a acción cultural e promoveu medidas orientadas á conservación do conxunto histórico e monumental.
A súa participación na vida política non rematou co seu papel como alcalde, senón que, xa nos anos de Xerardo Fernández Albor, ocupou o cargo de conselleiro de Cultura.
A súa obra foi extensa, levándonos dende a literatura medieval ata cancioneiros galegos, guías, historias e ata ensaios breves cun denominador común, a cultura galega.
A súa primeira obra en galego titúlase, “Os nenos” (1925) , unha serie de textos breves nos que cada un dos protagonistas fala de accidentes da súa infancia, nunha obra chea de dilemas e aspectos escuros. Ademais deste título, atopamos outros como Historias de Compostela, Estudios sobre lírica medieval: traballos dispersos (1925-1987), etc.
Bibliografía:
Boletín da Real Academia Galega. (2015) Nº 376 Real Academia Galega. http://publicacionsperiodicas.academia.gal/index.php/BRAG/issue/view/40 [Consultado o 12/05/2020]
GONZÁLEZ FERNÁNDEZ, H. (s.d.) Xosé Fernando Filgueira Valverde. Real Academia de la Historia, dispoñible en http://dbe.rah.es/biografias/27266/xose-fernando-filgueira-valverde [Consultado o 12/05/2020]
Xosé Filgueira Valverde (s.d.). Na Wikipedia, dispoñible en https://es.wikipedia.org/wiki/Xos%C3%A9_Filgueira_Valverde [Consultado o 12/05/2020]
Imaxes:
Filgueira Valverde: Autor descoñecido, J.F. Filgueira, a los 17 años., marcado como dominio público