Verónica Boquete Giadáns
Verónica Boquete Giadáns (Santiago de Compostela 1987-) é unha futbolista profesional de fútbol feminino galega.
Xoga de dianteira actualmente no Bayern de Múnich alemán así coma na Selección Española de Fútbol Feminina na que, habitualmente, é a capitana
Nome completo: Verónica Boquete Giadáns
Datas: 1987
Lugares: Santiago de Compostela
Campo de actividade: Deporte; Futbol
Grupo asociado:
Ocupación: Deportistas; Futbolistas
Lingua: Castelán; Galego
Twitter: https://twitter.com/VeroBoquete
Comezou non hai tanto a súa carreira, nas categorías inferiores do Xuventude Aguiño de Ribeira, na Coruña e os equipos mais prestixiosos non tardaron en seguirlle o rastro. Ademáis, tamén ten unha gran traxectoria nacional, pasando polo Español e polo Prainsa Zaragoza, así como a nivel internacional, no Energiya Voronezh ruso e o Tyresö sueco, este último, proclamado subcampeón europeo en 2013 e polo FFC Frankfurt. No 2010 fichou pola liga estadounidense, comezando a súa traxectoria internacional, concretamente polo Buffalo Flash of the United States. Tamén pasou polo Portland Thorns e o Chicago Red Stars.
Goza dun prestixioso palmarés, pois conta con varios títulos, entre eles a gañadora da W- League en 2010 co Búffalo Flash e coa Copa da Raíña de fútbol en 2009 e 2010 respectivamente coa RCD Español.
Pero posiblemente o maior mérito que posúe foi ser nominada ao Balón de Ouro en 2014 (é a primeira futbolista española que optou ao galardón), ao estar entre as dez candidatas a conseguilo xunto con outras profesionais que xa o ganaran en edicións anteriores e incluso máis dunha vez comp a brasileira Marta, que o gañou en 5 ocasións. Nas súas declaracións ao recibir a candidatura dixo sentirse unha privilexiada por ser candidata, polo recoñecemento do público e polo apoio da Federación.
En 2005 foi convocada pola Selección Española e foi a capitana daquel conxunto que logrou, por primeira vez, o pase ao Mundial que se xogou en Canadá en 2015. Ese mesmo ano, foi escollida como embaixadora da UEFA para o desenvolvemento do fútbol feminino.
O 8 de novembro de 2018 o Concello de Santiago aprobou o cambio de nome do estadio de San Lázaro en recoñecemento a Verónica Boquete.
Bibliografía:
EFE (2014, 24 Outubro). Vero Boquete, nominada para el Balón de Oro. El País. Dispoñible en : http://deportes.elpais.com/deportes/2014/10/24/actualidad/1414149492_357870.html [Consultado o 3/06/2016]
LA VOZ DE GALICIA (1/04/2016). Verónica Boquete Giadáns. La Voz de Galicia. Dispoñible en: https://www.globalgalicia.org/noticia/deportistas/2016/03/28/veronica-boquete-giadans/00031459173989194549434.htm [Consultado o 3/06/2016]
GÓMEZ, P. (31/05/2016). Verónica Boquete: «Me gustaría volver pronto» La Voz de Galicia. Dispoñible en: https://www.lavozdegalicia.es/noticia/deportes/2016/05/31/me-gustaria-volver-pronto/0003_201605G31P47997.htm [Consultado o 3/06/2016]
Vero Boquete. (2020, 20 de abril). Wikipedia, La enciclopedia libre. Fecha de consulta: 15:27, mayo 11, 2020 desde https://es.wikipedia.org/w/index.php?title=Vero_Boquete&oldid=125348705.
Imaxes:
Vero Boquete: M. Pereira, 4f3c0a4ec8960-Verónica Boquete, Praza Pública, 2012, CC BY-SA 3.0