Diego Bernal López
Diego Bernal López naceu en Santiago de Compostela en decembro de 1940. Licenciouse en Xornalismo na Escola Oficial de Xornalismo en Madrid e tamén era Graduado Social pola Universidade de Santiago de Compostela.
Estivo vinculado durante tres décadas á axencia EFE, onde foi xefe de sección e delegado xeral de Asturias e Galicia. Foi director de Galicia Diario Digital e da cadea radiofónica Cadena Noroeste.
Diego Bernal tamén colaborou cun gran número de medios de comunicación en Galicia, tanto en prensa escrita como radiofónica ou televisiva.
Nome completo: Diego Bernal López
Datas: 1940-2001
Lugares: Santiago de Compostela
Campo de actividade: Xornalismo
Grupo asociado: Asociación de Periodistas de Galicia (APG)
Ocupación: Xornalistas; Escritores
Lingua: Castelán; Galego
Ademais da súa faceta como xornalista tamén foi escritor, xa que escribiu obras como Soutomaior, Crónica de la transición gallega, Historias de Compostela ou Siete puertas a Compostela, ademais de escribir tamén unha biografía do cardeal Quiroga Palacios.
A súa vida profesional foi recoñecida en numerosas ocasións e foi galardoado co premio Nacional de Literatura Julio Camba. Tamén recibiu o premio de Galicia de Xornalismo que concede a Xunta de Galicia.
Diego Bernal tamén foi un home moi activo na vida cultural compostelá e galega, sendo membro da Fundación Valle Inclán e doutros grupos culturais e sociais. Foi vicepresidente da Asociación de Periodistas de Galicia (APG), e tras a súa morte en 2001 a APG acordou que o Premio Anual APG se pasase a denominar Premio Diego Bernal na súa homenaxe.
Bibliografía:
ALVARELLOS CASAS, H. et al., De oficio, periodista: homenaje a Diego Bernal. Vigo: Ir Indo, 2002.
BERNAL MODÍA, N., Diego Bernal López: o periodista con maiúsculas. A Coruña: Asociación da Prensa da Coruña, 2010.
Diego Bernal López (s.d.) en Galicia Digital. Disponible en http://galegos.galiciadigital.com/es/diego-bernal-lopez, [consultado o 28/01/2015]
HERMIDA, Xosé (8 de agosto de 2001) Diego Bernal López, periodista. El País. Disponible en https://elpais.com/diario/2001/08/08/revistaverano/997221619_850215.html [consultado o 28/01/2015].
Imaxes:
Diego Bernal