لو حصلت "مشكلة" هتتصرف بعقلك ولا بمشاعرك؟
Embedded Files
Coach Ahmed Zaki - Career Coach & HRD Consultant
لو حصلت "مشكلة" هتتصرف بعقلك ولا بمشاعرك؟
"لحظة وقوع المشكلة". في الشغل، المشاكل نوعين، وكل نوع محتاج "عضلة" مختلفة عشان تعرف تحله وتقوم منه أقوى من الأول
في جلسات الكوتشينج، بنتعلم إن رد فعلك وقت الأزمة هو اللي بيحدد وزنك الحقيقي في الشركة
(Technical Issue)1️⃣
لو حصلت معاك "مشكلة فنية"
وقعت في غلطة في تقرير، أو سيستم وقع، أو عميل غضب بسبلك؟
القاعدة الذهبية: "لا ترفع المشكلة بدون حل"
لما تروح لمديرك، متروحش تقوله "الحقنا فيه مصيبة"، روح وقوله: "
حصلت المشكلة (أ)، وأنا فكرت في حلين (1 و 2)، وشايف إن الحل الأول هو الأنسب". هنا أنت بتتحول من "مصدر قلق" لـ "صانع حلول"، وده اللي بيميز المحترفين
(Conflict) 2️⃣
لو حصلت معاك "مشكلة شخصية" مع زميل
حد رخم عليك، أو أخد مجهودك، أو حصل سوء تفاهم؟
ابعد عن "الرد اللحظي": المشاعر وقت الغضب بتعمي العقل
.المواجهة الهادئة: اتكلم مع الزميل "وجهاً لوجه" بعيداً عن الإيميلات والجروبات
ابدأ بكلمة "أنا حسيت بـ كذا لما حصل كذا" بدل "أنت عملت كذا"
HR لو المشكلة كبرت، خلي الـ
أو المدير هو "الحكم" بناءً على وقائع مش مشاعر
الدرس المستفاد من واقع الكوتشينج
النجاح المهني مش إنك تعيش في "يوتوبيا" مفيهاش مشاكل، النجاح هو إنك تملك "أدوات الحل"
الوقعة الحقيقية هي إنك تفقد أعصابك أو تهرب من المسؤولية. تذكر دايماً: "الخبطة اللي متموتش بتكبر"، والمشاكل هي اللي بتصقل خبرتك وتخليك "تقيل" في مجالك
Coach Ahmed Zaki
HRD & Career Coach
مدرب ومقدم استشارات للأفراد والشركات.
[https://sites.google.com/view/coachahmedzaki/home]
#azaki #Coaching #First90Days #دروس_من_الواقع #وظيفة_جديدة #تطوير_مهني #نجاح
8-2-2026 "Coach Ahmed Zaki جميع الحقوق محفوظة لـ"
الصحاب في الشغل.. "سند" يقوّيك ولا "فخ" يوقعك؟
بعد ما اتكلمنا عن إثبات شطارتك في أول 90 يوم، لازم نتكلم عن حاجة أهم بكتير من "التاسكات"
وهي: العلاقات والصدقات في الشغل
في جلسات الكوتشينج، بشوف ناس شاطرة جداً سابت شغلها مش عشان هما مش ناجحين، لكن عشان "مقدروش يتأقلموا مع الناس" أو وقعوا في صراعات كان ممكن يتفادوها
الإنسان كائن اجتماعي، ونات عندك لـ 8 ساعات يومياً مع ناس متعرفهمش بيخليك تدور على "ونس". لكن في الشغل، #الصداقة ليها قواعد مختلفة عشان "تقوم" صح و#متتكسرش
1️⃣ الدوائر القريبة (The Inner Circle):
بلاش "تندمج" بزيادة مع أول حد يضحك في وشك أول يوم. خد وقتك في مراقبة "الدينامو" بتاع المكان. اختار الناس الإيجابية اللي بتساعدك تطور، وابعد عن "دائرة الشكائين" اللي بيسحبوا طاقتك وبيهدموا حماسك للوظيفة الجديدة.
2️⃣ الحدود المهنية (Professional Boundaries):
الجملة اللي دايماً بقولها في الجلسات: "الزملاء مش أصدقاء، والأصدقاء مش زملاء".
خلي في "مساحة أمان". احكِى عن طموحك، عن نجاحاتك، لكن بلاش تخلي أسرارك الشخصية هي مادة الكلام في وقت البريك.
3️⃣ الذكاء الاجتماعي (Political Savvy):
الصداقة في الشغل مش بس "خروجة وغدا"، هي "دعم". ابنِ علاقات طيبة مع كل المستويات، من عامل الأسانسير لحد المدير العام. الناس هي اللي بتبني سمعتك المهنية لما تغيب عن المكان.
الدرس المستفاد من واقع الكوتشينج: الوقعة الحقيقية مش إنك متعرفش تعمل "تاسك"، الوقعة هي إنك تلاقي نفسك وحيد وسط زحمة، أو إنك تدخل في "شللية" (Cliques) تخسرك احترام الناس أو تظلمك في تقييمك.
التوازن هو السر؛ خليك "ودود مع الكل، وقريب من القلة الموثوقة".
الخلاصة: العلاقات هي "الزيت" اللي بيخلي تروس شغلك تمشي بسهولة. لو محاط بناس صح، الوقعة هتبقى أخف لأنك هتلاقي اللي يسندك، ولو محاط بالناس الغلط، الوقعة هتبقى أصعب
سؤال ليكم: من واقع تجربتكم.. هل بتأيدوا فكرة إن "الشغل ملوش صحاب"؟
ولا ليك صديق عمر قابلته في الشغل وغير حياتك للأحسن؟ شاركونا قصصكم
Coach Ahmed Zaki
HRD & Career Coach مدرب ومقدم استشارات للأفراد والشركات.
[https://sites.google.com/view/coachahmedzaki/home]
#azaki #Coaching #WorkFriendship #دروس_من_الواقع #علاقات_العمل #ذكاء_اجتماعي #تطوير_مهني
2-2-2026 "Coach Ahmed Zaki جميع الحقوق محفوظة لـ"
أول 90 يوم في الشغل
استلمت وظيفتك الجديدة! بس خليني أقولك سر من كواليس الـ HR وجلسات الكوتشينج: "فترة الاختبار" (Probation Period) مش مجرد إجراء ورقي، دي الفترة اللي بيتحسم فيها مستقبلك في الشركة. يا إما بتبني صورة "النجم الصاعد"، يا إما بتبدأ تقع في فخ "الموظف العادي" اللي محدش بيحس بوجوده.
في الكوتشينج بنطبق قاعدة الـ 90 Days Plan، ودي خطة بتخليك تسيطر على أول 3 شهور بذكاء:
1️⃣ أول 30 يوم (التعلم والاستيعاب): بلاش تدخل "تعدل المايل" من أول يوم. اسمع أكتر ما تتكلم. افهم ثقافة المكان، مين بياخد القرارات؟ إيه المشاكل اللي بتواجه قسمك؟ ابنِ علاقات طيبة مع زمايلك قبل ما تبدأ تظهر مهاراتك التقنية.
2️⃣ تاني 30 يوم (تحقيق انتصارات صغيرة - Quick Wins): ابدأ دور على "وجع" بسيط عند مديرك وحله. تقرير كان بياخد وقت واختصرته، فكرة بسيطة نظمت الشغل.. الحاجات دي بتدي انطباع إنك جيت عشان "تضيف قيمة" مش بس عشان "تنفذ أوامر".
3️⃣ تالت 30 يوم (وضع بصمتك): هنا الوقت إنك تبدأ تعرض رؤيتك وتتحمل مسؤولية أكبر. اطلب "Feedback" صريح من مديرك: "أنا بقالي شهرين، هل أدائي متماشي مع توقعاتكم؟". السؤال ده لوحده بيبين إنك شخص محترف ومهتم بالنمو.
الدرس المستفاد من واقع الكوتشينج: أكبر وقعة بيقع فيها الموظف الجديد هي "الراحة الزيادة". بيفتكر إن بما إنه اتقبل خلاص يبقى الشغل خلص. الحقيقة إن الشغل الحقيقي لسه بيبدأ. النجاح مش إنك تلاقي شغل، النجاح إنك " تثبت إنك كنت الاختيار الصح"
الخلاصة: أول 90 يوم هما اللي بيحددوا سقف طموحاتك في المكان ده. خليك ذكي، مبادر، وقبل كل ده "مرن" في التعامل مع التغييرات الجديدة
سؤال ليكم: إيه أكتر تحدي واجهته في أول شهر ليك في أي وظيفة جديدة؟ هل كانت "المهام" ولا "الناس" والبيئة المحيطة؟
Coach Ahmed Zaki
HRD & Career Coach
مدرب ومقدم استشارات للأفراد والشركات.
[https://sites.google.com/view/coachahmedzaki/home]
#azaki #Coaching #First90Days #دروس_من_الواقع #وظيفة_جديدة #تطوير_مهني #نجاح
2-2-2026 "Coach Ahmed Zaki جميع الحقوق محفوظة لـ"
فن التفاوض على الراتب (Salary Negotiation)؟
أخيراً، اللحظة اللي كنت مستنيها حصلت! جالك الإيميل أو المكالمة: "إحنا اخترناك تنضم لفريقنا، وده عرض العمل
(Job Offer)". الفرحة بتخليك عايز تمضي فوراً، بس في جلسات الكوتشينج بنسمي اللحظة دي "لحظة الحقيقة"
أكبر وقعة بيقع فيها المحترفين هي إنهم بيقبلوا بأول رقم يتعرض عليهم خوفاً من إن "الشركة تغير رأيها". الحقيقة؟ الشركة صرفت وقت ومجهود وفلوس عشان تلاقيك، هما مش هيسيبوك عشان سألت عن حقك، بالعكس.. التفاوض بذكاء بيبين إنك "عارف قيمة نفسك".
إزاي تتفاوض على مرتبك من غير ما تبان طماع؟
1️⃣
" (Range) متكونش أول واحد يقول رقم: لو سألوك عن توقعاتك، حاول تعرف "الرينج
الخاص بالوظيفة عندهم الأول. لو اضطررت تقول، قول رقم بناءً على "دراسة السوق" مش بناءً على التزاماتك الشخصية
2️⃣
" (Benefits) التفاوض مش بس فلوس: لو الشركة ميزانيتها مقفولة في المرتب، فاوض على "المميزات
تأمين طبي أفضل، بدل مواصلات، ساعات عمل مرنة، أو حتى كورس تدريبي على حسابهم. كل ده "فلوس" بس بشكل تاني
3️⃣
استخدم لغة القيمة بلاش تقول " أنا محتاج مبلغ كذا عشان مصاريفي كتير". قول " بناءً على خبرتي في (كذا) والنتائج اللي حققتها قبل كده، أنا شايف إن القيمة اللي هقدمها للشركة تتناسب مع مرتب (كذا)"
الدرس المستفاد من واقع الكوتشينج: الوقعة الحقيقية مش إنك تقبل بمرتب قليل، الوقعة هي إحساس "المظلومية" اللي هيلازمك كل يوم وأنت رايح الشغل لأنك عارف إنك تستحق أكتر. التفاوض مش "خناقة"، ده "اتفاق" يضمن إن الطرفين مبسوطين. لو محرج تطلب حقك النهاردة، هتتعب جداً بكره
الخلاصة: المرونة النفسية اللي اتكلمنا عنها في أول السلسلة بتشمل برضه "الشجاعة المهنية". اطلب اللي تستحقه بأدب وبأدلة قوية، واللي فيه الخير هيقدمه ربنا
سؤال ليكم: إيه أكتر جملة بتخافوا تقولوها وقت الكلام عن المرتب؟ وهل جربتم تتفاوضوا قبل كده ونجحتوا؟ شاركونا في التعليقات
استنونا في الدرس رقم (8):
مضيت العقد وبدأت فعلياً.. إزاي تضمن إن "أول 90 يوم" يكونوا هما الانطلاقة لترقية سريعة ومكانة قوية؟
Coach Ahmed Zaki
HRD & Career Coach
مدرب ومقدم استشارات للأفراد والشركات. [https://sites.google.com/view/coachahmedzaki/home]
#azaki #Coaching #Negotiation #دروس_من_الواقع #تفاوض_على_الراتب #نجاح_مهني #استشارات
1-2-2026 "Coach Ahmed Zaki جميع الحقوق محفوظة لـ"
إتيكيت المتابعة Follow-up
خلصت الإنترفيو؟ لسه "اللمسة الأخيرة"
ZOOM كثير مننا بيفتكر إن بمجرد ما قال "شكراً" وقفل باب المكتب أو قفل
، دوره انتهى. بيبدأ يرمي الموبايل جنبه ويستنى "المكالمة المنتظرة"، ولو اتأخرت يومين يبدأ يحس بالوقعة تاني ويقول: أكيد رفضوني
" Follow-up في جلسات الكوتشينج، دايماً بنركز على حاجة اسمها " إتيكيت المتابعة
HR دي الخطوة اللي بتبين للـ
Professional إنك مش بس شخص شاطر، لا أنت كمان شخص
وبيهتم بالتفاصيل اللي غيره بيطنشها
"Follow-up" إزاي تعمل
يخلي اسمك يلمع في ذهن المدير؟
1️⃣
إيميل الشكر (The Thank-You Email): خلال 24 ساعة بالكتير، لازم تبعت إيميل بسيط. اشكرهم على وقتهم، واذكر حاجة محددة عجبتك في المناقشة. ده بيبين إنك كنت مركز مش مجرد "حافظ كلمتين وجاي تقولهم".
2️⃣
التوقيت هو السر: لو قالولك هنرد عليك خلال أسبوع، متكلمهمش تاني يوم! استنى الأسبوع يخلص، وبعدها بيوم ابعت "Follow-up email" ذكي بتستفسر فيه عن الخطوات الجاية. الصبر بيبين ثقتك في نفسك، لكن الإلحاح بيبين "قلق".
3️⃣
الذكاء الاجتماعي: لو عرفت اسم الشخص اللي عملك الإنترفيو، ممكن تبعتله طلب إضافة على
LinkedIn برسالة شكر رقيقة. حتى لو مصلش نصيب في الوظيفة دي، أنت كسبت "Network"
. قوية للمستقبل
الدرس المستفاد من واقع الكوتشينج: النجاح المهني 20% مهارة تقنية و80% مهارات تواصل وذكاء اجتماعي. أحياناً المدير بيكون محتار بين اتنين بنفس الشطارة، فبيختار اللي "ذوقه أعلى" واللي مهتم بمصلحة الشركة فعلاً وظهر ده في متابعته.
الخلاصة: الوقعة الحقيقية هي إنك تضيع مجهودك في التحضير والإنترفيو عشان "كسلت" تكتب إيميل من 3 سطور. (Leave a Trace) خليك دايماً الشخص اللي بيسيب أثر وراه
سؤال ليكم: هل جربتم تبعتوا إيميل شكر بعد الإنترفيو قبل كده؟ وهل حسيتم إنه فرق في رد فعل الشركة؟
احكولنا تجاربكم.
(Offer) استنونا بكره في الدرس رقم (7): مبروك! جالك العرض
بس الرقم مش عاجبك؟ بكره هنتعلم "فن التفاوض" إزاي تطلب اللي تستحقه من غير ما تخسر الفرصة.
Coach Ahmed Zaki
HRD & Career Coach مدرب ومقدم استشارات للأفراد والشركات
[https://sites.google.com/view/coachahmedzaki/home]
#azaki #Coaching #FollowUp #دروس_من_الواقع #ذكاء_اجتماعي #تطوير_مهني #CareerTips
24-1-2026 "Coach Ahmed Zaki جميع الحقوق محفوظة لـ"
أول 5 دقائق في Interview
(دروس من واقع الـ Career Coaching وحياتنا)
! أول 5 دقائق في الإنترفيو.. يا "خطفته" يا "خسرت الفرصة"
مبروك! الـ CV اللي عدلناه مع بعض وصل للـ HR، وجالك المكالمة اللي مستنيها: "عندك إنترفيو بكره". هنا بتبدأ ضربات القلب تزيد، والتوتر بيسيطر، وأسئلة زي "هقول إيه؟" و"لو سألني سؤال محرج هرد إزاي؟" بتبدأ تطاردك
في جلسات الكوتشينج، دايماً بنقول إن الإنترفيو مش "تحقيق"، ده "بيزنس ميتنج". الطرف التاني عنده مشكلة ومحتاج حد يحلها، وأنت الشخص اللي رايح يعرض الحل. وعشان تسيطر على الموقف وتقوم من وقعة القلق، لازم تتقن فن الـ Storytelling.
أهم 3 نصائح عشان تخطف الأنظار في أول المقابلة:
1️⃣
سؤال "عرف نفسك" (The Elevator Pitch): ده مش معناه تقول اسمك وسنك وتخرجت منين (كل ده مكتوب قدامه). ده معناه تقول: "أنا مين، إيه أكتر حاجة شاطر فيها، وإزاي هساعد شركتكم تحقق أهدافها". اختصر قصة نجاحك في دقيقتين بتركيز وشغف
2️⃣
قاعدة STAR في الإجابة: لما يتسأل سؤال عن موقف صعب، بلاش إجابات عايمة.
احكي موقف محدد (Situation)، المهمة المطلوبة منك (Task)، الفعل اللي خدته (Action)، والنتيجة اللي وصلت لها (Result). الأرقام والنتائج هي اللي بتثبت إنك "عملي"
3️⃣
لغة الجسد (Confidence):
عينك في عين اللي بيكلمك، ضهرك مفرود، وابتسامة هادية. لو أنت مش واثق في نفسك، متتوقعش منه هو يثق فيك ويديك عهدة شركة أو مرتب كبير
.الدرس المستفاد من واقع الكوتشينج: في ناس كتير بتترفض مش لأنها مش شاطرة، لكن لأنها "معرفتش تبيع شطارتها". الانطباع الأول بيدوم، والثقة بتعدي
. الوقعة الحقيقية هي إنك تروح الإنترفيو وأنت حاسس إنك "أقل" من الوظيفة. أنت رايح تكسب وهما رايحين يكسبوا موظف شاط دي علاقة توازن مش تفضل
الخلاصة: جهّز قصص نجاحك، اتدرب قدام المراية، وافتكر إن كل إنترفيو هو "تمرين" بيقوي عضلاتك المهنية حتى لو مصلش نصيب
دلوقتي قولولي: إيه أصعب سؤال اتسألته في إنترفيو وخلاك "تتجمّد" مكانك ومش عارف ترد؟ شاركوني في التعليقات وهرد عليكم بالحل.
استنونا في الدرس رقم (6): خلصت الإنترفيو ومشيت؟ لسه في خطوة "سحرية" 90% من الناس بينسوها،
!وهي دي اللي بتفرق بين اللي بيتقبل واللي بيتركن على الرف
Coach Ahmed Zaki
HRD & Career Coach مدرب ومقدم استشارات للأفراد والشركات
[https://sites.google.com/view/coachahmedzaki/home]
#azaki #Coaching #InterviewTips #دروس_من_الواقع #مقابلة_عمل #ثقة_بالنفس #تطوير_مهني
22-1-2026 "Coach Ahmed Zaki جميع الحقوق محفوظة لـ"
زاي تكون "مطلوب"
(دروس من واقع الـ Career Coaching وحياتنا)
إزاي تكون "مطلوب" مش مجرد "بيدور"؟
في البوستات اللي فاتت اعترفنا بالوجع وشخصنا المشكلة.. النهاردة جه الوقت عشان نقوم، والقيام الصح بيبدأ بكلمة واحدة: "الظهور".
في جلسات الكوتشينج، بسأل العميل دايماً: "لو حد بحث عن اسمك النهاردة، هيشوف إيه؟". للأسف، ناس كتير شاطرة جداً ومجتهدة بس "مستخبية"، مفيش حد يعرف عنها حاجة،
ولا حتى الـ LinkedIn بروفايل بتاعهم محدث من سنين!عشان تقوم من وقعتك وتفتح لنفسك أبواب جديدة، لازم تبني "براند شخصي" يخلي الـ Recruiters هما اللي يسعوا وراك، وده بيحصل بـ 3 خطوات بسيطة بس مفعولهم سحر:
1️⃣
صورتك هي عنوانك: بلاش صور المصيف أو الصور المقصوصة من فرح. صورتك لازم تعكس احترافيتك وهدوءك. الناس بتثق في اللي بتشوفه الأول قبل ما تقرأ اللي كاتبه.
2️⃣
الـ Headline مش مجرد مسمى وظيفي: بلاش تكتب "ببحث عن عمل" أو "Unemployed". اكتب أنت "بتقدم إيه"؟ إيه المشكلة اللي بتقدر تحلها؟ الشركات بتدور على "حلول" مش على "باحثين".
3️⃣
اتكلم.. خلي صوتك مسموع: متخليش بروفايلك مهجور. شارك معلومة، احكي موقف اتعلمت منه (زي ما بنعمل في السلسلة دي)، أو علق عند خبراء مجالك بذكاء. ده اللي بيخلي الخوارزميات ترفعك وتظهرك للناس الصح.
الدرس المستفاد من واقع الكوتشينج: قيمتك ثابتة فعلاً زي ما قلنا، بس "سعر قيمتك" في السوق بيحدده مدى رؤية الناس لشطارتك. لو أنت أشطر واحد في العالم ومحدش يعرفك، هتفضل مكانك. الوقعة الحقيقية هي إنك تفضل "مستخبي" ومستني الحظ يخبط على بابك.
انفض غبارك، افتح الـ LinkedIn بتاعك النهاردة، وابدأ عدل فيه ولو حاجة واحدة بسيطة. خلي العالم يشوف "النسخة الجديدة" منك اللي اتعلمت من الوقعة دي.
Checklist محتاج مساعدة في ترتيب بروفايلك؟ اكتبلي كلمة "بروفايل" في التعليقات، وهبعتلك
بسيطة تخلي البروفايل بتاعك يبان بشكل احترافي في 10 دقائق.
CVاستنونا بكره في الدرس رقم (4): بعد ما الناس شافتك، إزاي تخلي الـ
؟ "ATS بتاعك يعدي من "حارس البوابة الإلكتروني "
Coach Ahmed Zaki
HRD & Career Coach مدرب ومقدم استشارات للأفراد والشركات
[https://sites.google.com/view/coachahmedzaki/home]
#azaki #Coaching #LinkedInTips #دروس_من_الواقع #براند_شخصي #توجيه_مهني #نجاح
19-1-2026 "Coach Ahmed Zaki جميع الحقوق محفوظة لـ"
التشخيص ؟!
(دروس من واقع الـ Career Coaching وحياتنا)
هو العيب في الشغل.. ولا العيب فيّ أنا؟
في البوست اللي فات اتكلمنا عن "الوقعة" واعترافنا إن الثقل اللي بنحس بيه الصبح ده وراه سبب. بس السؤال الأهم اللي بيجيلي في جلسات الكوتشينج هو: "يا كوتش، أنا كرهت شغلي.. استقيل وأمشي ولا أنا اللي محتاج أتغير؟".
التشخيص الصح هو نص العلاج. عشان كده، محتاجين نوقف "جلد الذات" شوية ونحلل الموقف بهدوء. في الكوتشينج بنقسم المشكلة لـ 3 احتمالات، شوف أنت فين منهم:
1️⃣ المشكلة في "البيئة" (Toxic Environment):
لو مديرك بيستنزفك نفسياً، أو زمايلك بيحفروا لبعض، أو مفيش تقدير مهما عملت.. هنا المشكلة في "المكان". الوقعة هنا مش ذنبك، والعيب مش في قدراتك، أنت بس بتزرع وردة في أرض ملحية.
2️⃣ المشكلة في "التخصص" (Wrong Career):
لو أنت شاطر جداً وبتحقق تارجت بس حاسس إنك "مخنوق" وبتمثل إنك مهتم.. غالباً أنت في المسار الغلط. أنت بتبذل مجهود مضاعف عشان تنجح في حاجة مش شبه شغفك ولا مهاراتك الفطرية.
3️⃣ المشكلة في "المهارات" (Skill Gap):
أحياناً بنكره الشغل لمجرد إننا "مش عارفين نعمله". التطور السريع في السوق، والذكاء الاصطناعي، خلى ناس كتير تحس إنها "تأخرت"، فبدل ما يطوروا نفسهم، بيقرروا يكرهوا الشغل عشان يهربوا من إحساس التقصير.
الخلاصة: لو مشخصتش صح، هتهرب من "نار" شركة وتروح لـ "جنة" شركة تانية تكتشف إنها نفس النار، لأنك أخدت معاك نفس المشكلة! الوقعة الحقيقية مش إنك تفشل، الوقعة إنك تفضل تعيد نفس الأخطاء وتتوقع نتائج مختلفة.
افتكر دايماً: "الخبطة اللي متموتش بتقوى"، بس بشرط إنك تفهم الخبطة دي جاية منين بالظبط عشان المرة الجاية تعرف تتفاداها.
دلوقتي دورك.. جاوبني بصراحة في التعليقات: لو قيمت وضعك الحالي من (1 لـ 10)، كام في المية المشكلة في "المكان" وكام في المية في "تطويرك لنفسك"؟
بعد ما شخصنا الحالة، إزاي تبدأ تبني "براند شخصي" يخلي الشركات هي اللي تدور عليك مش العكس؟
Coach Ahmed Zaki
HRD & Career Coach مدرب ومقدم استشارات للأفراد والشركات.
[https://sites.google.com/view/coachahmedzaki/home]
#azaki #Coaching #دروس_من_الواقع #توجيه_مهني #استشارات #نجاح #مرونة_نفسية
15-1-2026 "Coach Ahmed Zaki جميع الحقوق محفوظة لـ"
Page updated
Google Sites
Report abuse