Sa usa ka komunidad nga mahiligon sa mga buses ug modern jeepneys, ang Cebu Bus Spotters aduna'y ipaambit nga mga pamahayag nga may kalabutan sa usa ka isyu.

Nakasabot mi nga ang ingon-ani nga mga insidente sa kadalanan usa ka seryoso nga matang sa isyu nga makaapekto sa mga nanikaysikay nga mga bus drivers, konduktor ug sa mga pamilya niini.

Dili pa lang dugay, nakadawat kami ug mga impormasyon nga adunay usa ka indibidwal nga naghimo ug content nga may kalabutan sa bus pinaagi sa pagsulod sa unit sa usa ka impounding area ug gipost kini sa usa ka social media platform. Ang maong indibidwal adunay account name nga duol-duol sa pangalan sa amoang grupo.

Amo ni giklaro nga ang maong indibidwal dili sakop sa amoang grupo ug dili mi maghimo ug usa ka lakang nga ikahatag ug negatibong imahe sa transportasyon.

Ang maong gibuhat sa indibidwal usa ka dili maayo nga gibuhat ug adunay tsansa nga makompromiso ang mga ebidensya sa sulod sa bus, ug usa pa, "trespassing" na ang gibuhat sa maong indibidwal ilabi na kung wala ni pagtugot sa mga opisyales nga nagkupot sa kaso.

Ang Team Cebu Bus Spotters nagatuo nga ang pagbuhat ug usa ka content ug ipost sa social media kabahin sa sitwasyon nga ingon-ani dili kinahanglan i-risgo ang kaugalingon, ug respetaran unta nato ang reputasyon sa usa ka bus company, mga empleyado nga nalambigit niini ug sa balaod.

Ato unta himuon nga usa ka lingaw-lingaw pero responsable ang pagbus-spot!

Stay safe and amping kanunay sa biyahe mga ka-CBS!