Cebu Bus Classics > 2024 Compilations

Gihimuan ug usa ka artwork ang Juliet Express bus pinaagi sa usa ka cross-stitch agig paghinumdum sa nabantog na nga bus company sa Toledo City niadtong dekada '80.

Sumala pa sa artist, saksi kaayo siya sa kaagi sa Juliet Express ilabi na ang iyahang amahan usa ka bus driver nianang bus company. Niining higayuna iyang gihimuan ug rendition pinaagi sa cross-stitch sanglit naa pa sa iyang panumduman ang itsura ug livery sa usa ka bus sa Juliet Express.

Saysay pa niya, ang Juliet Express adunay 7 ka units ug kini gipanang-iya ni Mr. Cerilo Borgonia. Nagsilbi pani sa rutang Cebu City to Toledo City kaniadto.

Mahinumduman pa niya ang mga 7 ka pangalan sa buses sa Juliet Express. Mao ni ang Jul Joe, Jul Kris, Jul Cil, Jicemer, Mark, Cer Mar ug Jul Jun.

Artwork hinimo ug ang hulagway gikan ni Mr. Archie Suero Camañan para sa Cebu Bus Spotters Team ug adunay permiso gikan sa iyaha.

#CebuBusSpotters

#CebuBusPhotography

#MamitikaySaCebu

#TeamLarasCBS

#JulietExpress

#CebuToledo

Dili malimod nga ang Rogelio Trans nga magruta ug Cebu - Dumanjug ang usa sa mga banggiitan nga bus company sa Sugbo niadtong tuig 80's ug 90's. Usa sa makasaksi sa kamaayo sa serbisyo sa bus company ang atong kauban nga si Mr. Rumel Villegas Erojo diin gitagaan ta niya ug mga bililhon kaayo nga mga litrato na may koneksyon sa Rogelio Trans.

Sumala pa niya, daghan kaayo siyag mga souvenir gikan sa Rogelio Trans nga iyahang nahipos, sama sa brochure sa mga listahan sa sponsorships sa fieata, diin usa ang naasoy nga bus company ang nisponsor sa fiesta sa Santa Ana sa Poblacion sa Barili. Dili siya makahatag sa saktong tuig pero naissue ang brochure niadtong mga mid to late 90's.

Usa sad sa iyahang pinakahandumanan nga butang gikan sa Rogelio Trans kay ang Free Pass Card sa kompanya. Sumala pa niya, gissue ni sa bus company sa iyaha, sa iyahang amahan ug iyahang igsuon kay ang tag-iya sa Rogelio Trans nagpatabang sa iyahang amahan nga nagtrabaho sa trial court. Ang makatag-iya nianing Free Pass Card libre kini ug usa ni ka pribelihiyo nga mosakay sa bus nga di na singlon ug plete, basta mapakita ni sa mga inspector ug konduktor bisan asa nga bus ubos sa maong kompanya. Asoy pa niya, kapila ni nagamit sa iyahang mga biyahe kaniadto.

Usa sad nga nakuha niya nga litrato ang kuha ni Mr. Dela Vega sa litrato sa Rogelio 183 diin nagbiyahe kini lulan sa mga pasahero ug mga kargamento sa top load.

Mapasalamaton kaayo mi kay Mr. Rumel Villegas Erojo sa pagpaambit sa mga litrato para sa Cebu Bus Spotters.

Kuha sa lente ni Cebuanoy Pitik ang usa sa mga bus sa Villahermosa Bus Liner nga may unit number 1084 didto sa usa ka gasolinahan duol sa University of San Jose - Recoletos niadtong tuig 2019. Kini nga bus nagruta ni para Mantalongon, Dalaguete.

Aduna ba kamoy handumanan samtang nagsakay mo sa mga buses sa Villahermosa Bus Liner? Share your thoughts in the comments section.

Mapasalamaton kami kay Mr. Cebuanoy Pitik sa pagpahulam sa mga kuha niya para sa Cebu Bus Spotters. Amping kanunay sa biyahe!

Sa usa ka dapit sa Siyudad sa Carcar, aduna kita'y nadiskubre nga usa ka wall painting diin gipakita ang kasaysayan sa nahitabo kaniadtong panahuna.

Sa wall painting nakapinta ang bus sa Amadora Trans nga usa sa mga ilado kaayo nga bus company sa habagatang bahin sa Sugbo kaniadtong 1980's.

Samtang makita usab ang rebulto sa usa ka pinalangga nga Arsobispo Teofilo Camomot nga naa sa kilid sa dalan.

Ang wall painting makita ni ninyo sa entrada sa Daughters of Saint Teresa nga mahimutang sa Valladolid, Carcar City, Cebu.

Usa sa kinaham sa mga pasahero sa kaniadtong panahon ang pagsakay sa Rogelio 2. Mao kini ang legendary bus liner nga magruta ug Cebu City - Dumanjug sa tuig 1980's. Ang nakanindot ani kay usa sa mga units nga anaa sa ila kay airconditioned.

Asoy pa sa mga tinubdan nga nakasakay na, ang likod sa bahin sa bus makompara gyud nimo sa typical nga pang-VIP ang datingan tungod kay adunay lamesa sa tunga ug ang sofa nga mag-atbang. Ang nasambit nga bus aduna kini seating configuration nga 2x2. 

Usa sa mga paboritong bus company nga sakyan sa mga pasahero padulong sa Tuburan via Toledo ang bus sa Corominas. Pero kahibalo ba mo nga colorful kaayo ang fleet sa CP Corominas tungod sa one-color livery sa ilahang buses?

Mao ni ang kuha ni Mr. Alvin Ace Pujida sa mga units sa Corominas sa garahean kaniadtong December 24, 2015, tangkod 9 ka tuig na ang nilabay.

Mao kini ang mga mosunod nga mga color ug unit number:

Pink: Y35

Orange: Y36

Violet: Y37

Yellow: Y38

Light Blue: C33

Mapasalamaton kita kay Mr. Alvin Ace Pujida sa pagpahulam sa iyahang mga litrato para sa Cebu Bus Spotters.