Dokumentado sa Team Cebu Bus Spotters ang unang pag-arangkada sa Modern Jeepney Operator Mango Jeep nga nagserbisyo sa rutang Carcar City - IT Park, ug naghatag ug direct one-ride option sa duha ka lugar.

Ang dokumentasyon sa bag-o nga mga units ug ruta nasigpatan mismo sa Team Cebu Bus Spotters, ug sa mga kaubanan nga mga bus enthusiasts ug mga indibidwal sa habagatan nga bahin sa Sugbo pinaagi sa mga social media accounts and pages.

Ang pag-arangkada sa maong ruta sa maong modern jeepney operator nakadani ug dakong interes sa mga pasahero nga sagad mag-gikan sa Naga City, San Fernando ug Carcar City.

Apan karon lamang higayon sa pagkakutlo-a niining balita-a, ang Carcar - I.T. Park nga ruta gikatahong gipahunong una sa pagbiyahe. Sa pagobeserbar sa dagan ug gikan sa mga tinubdan, nabantayan sa mga commuters ug mga bus spotters nga nagbiyahe-an pa gihapon ang 5 ka mga bag-ong mga MPUJs, pero aduna na'y tinapakan nga mag-tabon sa rutang Carcar ug ang I.T. Park na lang ang gipabilin nga makita.

Matud pa sa mga pasahero nga daw ang Carcar - I.T. Parks a Mango Jeep basin nga gihikay pa daw sa LTFRB para sa hearing or regulatory proceeding. Hinuon ang Team Cebu Bus Spotters wala pa kini mapamatud-i sa kaugalingon nga pamaagi kon unsay dagan sa maong kaso, o si kinsa ba ang nagpalyo niining maong pagpa-hunong o di ba kaha aduna ba'y pormal nga suspension nga gi-isyu. Ang mga impormasyon gibase lamang kini sa mga netizens nga nagkomento sa maong isyu.

𝗔𝗡𝗚 𝗞𝗔𝗦𝗔𝗚𝗠𝗨𝗬𝗢 𝗦𝗔 𝗠𝗚𝗔 𝗣𝗔𝗦𝗔𝗛𝗘𝗥𝗢

Ang gikatahong pag-pahunong sa maong ruta nakadani ug dakong kasagmuyo sa mga pasahero ilabi na sa kadtong nag-hinam-hinam na ug pagpangita sa pinaharuhay nga alternatibo nga serbisyo sa transportasyon.

Sa usa ka post sa social media, nasorpresa ang usa ka pasahero tungod kay ang Mango Jeep nga iyang giatngan sa dalan wala na naabot sa gikatakda nga schedule sa sayo sa kabuntagon. Didto na niya nasayran pag-abot sa I.T. Park nga ang gipahunong usa ang pagpabiyahe sa Carcar - I.T. Park route tungod daw kuno ang operator nag atubang pa ug LTFRB hearing.

Ni-apela pa ang pasahero sa kagamhanan sa transportasyon para mahatagan ug katin-awan sa nahitabo ug usab pagpadayag ug sentimyento ug hangyo kabahin sa pagpabalik sa maong ruta ilabi na nga ang kinabag-an sa mga pasahero dakong uyon para sa ilaha nga mobiyahe na sa hingpit ang nabalda nga maong route line.

Para sa mga trabahante ilabin na nga nagtrabaho sa Business Processing Outsource sa I.T. Park nga mogikan sa Siyudad sa Carcar, ang kamahinungdanon sa ruta labaw pa sa haruhay tungod kay sa usa ka sakayan lang nagpasabot nga ang diretsong biyahe nagpasabot og mas dyutay nga balhin-balhin, mas mubo nga oras sa hinuwatay ug masakyan sa dalan, ug mas sayon nga pagpauli human sa trabaho, ilabi na sa mga pasahero nga layo og biyahe.

𝗨𝗡𝗦𝗔 𝗨𝗦𝗔𝗕 𝗔𝗡𝗚 𝗬𝗔𝗡𝗚𝗢𝗡𝗚𝗢 𝗦𝗔 𝗣𝗜𝗞𝗔𝗦 𝗣𝗔𝗥𝗧𝗜𝗗𝗢?

Sumala sa mga publikong diskusyon nga naobserbaran, ang mga kasamtangang operator ug kooperatiba sa pampublikong sakyanan sa habagatang Sugbo adunay lehitimong katungod sa regulatory and operational interests kon may laing operator nga nga gustong mosulod o mosapaw sa ilang ruta.

Ang maong isyu makompara pa kini sa usa ka artikulo nga gikan sa The Freeman niadtong Pebrero 2023, nga adunay nadokumentaryo nga susamang isyu ug kini mahitungod sa proposal sa usa ka dakong Bus Company sa Pilipinas ang plano untang mag-bukas ug rutang I.T. Park - SImala, Sibonga, ug kini gisupak sa usa ka Transportation Cooperative sa habagatang Sugbo. Sumala pa sa nagdumala sa maong kooperatiba, ang mismong kooperatiba nila adunay mga minibuses ug modern jeepneys nga kini 'igo' na para maserbisyuhan ang mga pasahero.

Mabasa ang artikulo pinaagi aning link: https://www.philstar.com/.../cebu-transport-coop.../amp

Hinuon sa pagkakutlo niining balita-a, dili pa makompirma ug ang pagkahunong sa maong ruta bunga ba kini sa susamang aksyon nga gihimo niadtong Pebrero 2023 o lahi lamang kini nga kaso.

Para sa mga pasahero, usa ra gyud ang gustong mahitabo ug mao ang mahapsay ug maharuhay ang biyahe sa ilang mga destinasyon. Para usab sa mga kasamtangang mga operators nga apektado, nanginabuhi usab sila ug tarong ilabi na nga apektado usab sila sa pagsaka sa presyo sa krudo, ug kini ilang gipaningkamutan nga makasapi para usab makaserbisyo pa sa mga pasahero.

Para sa mga commuters nga nakakita na ug pag-laum sa usa ka biyahean sa Carcar ug I.T. Park, simple lang kaayo ang pangutana: Unsay nahitabo nganung gihunong ang ruta, ug makabiyahe na ba sila pag-usab?

Ang Team Cebu Bus Spotters mamalihog unta sa mga kagamhanan o sa mga apektadong partido ug mangayo ug katin-awan sa nahitabo, nga dili tagna-tagna, mugna-mugna o hawshyaw. See less

AJS / CBS