Adunay mga reports nga nadawat ang Cebu Bus Spotters nga kuno ang usa sa mga tanyag nga Luzon-based bus company ang gikatahong moabli ug ruta paingon sa probinsya sa Sugbo.

Sa kasayuran nga nakaykayan sa #TeamCBS gikan sa Land Transportation Franchising and Regulatory Board (LTFRB) portal, adunay gipasaka nga Board Resolution ang maong ahensya nga naglatid sa pagaprobar sa usa ka Luzon-based bus company nga hatagan ug permiso nga makabiyahe sa ilahang mga bus gikan sa Manila padulong sa Cebu.

Ang maong resolusyon aprobado ug napirmahan kini niadtong Abril 17, 2026.

Basi sa dokumento, ang Board Resolution no. 164 nagkanayon nga adunay kinatibuk-ang 1,109 kilometros ang ruta nga usa lang ka dagat ang labangan. Mogikan ang maong bus sa pribado nila nga bus terminal sa kaulohan ug tadlason ang mga kadalanan sa Southern Tagalog, Bicol, Eastern Visayas Regions ug ang mga lungsod ug 2 ka syudad sa Sugbo.

Kon ugaling mahinayon ang maong bus company, aduna'y posibilidad nga naay kompetisyon nga mahitabo tali sa Vallacar Transit Inc. sa maong ruta nga mokonektar sa duha ka Highly Urbanized Cities sa Pilipinas.

Kahinumduman nga ang Vallacar Transit Inc - Batangas Branch, naglusad na sa ilahang biyaheng Manila to Cebu via Western Nautical Highway pinaagi sa LTFRB Board Resolution 260-2025 ug hangtud karon padayon kining nagbiyahe sa maong ruta.

Ang kining maong bus company, mobiyahe kini gikan sa Cubao, Quezon City ug padulong kini sa Cebu pinaagi sa ruta nga Eastern Nautical Highway. Mosakay kini ug RoRo vessel nga adunay rutang Palompon Port sa Leyte paingon sa Polambato Port sa Bogo City, Cebu.

Apan sa naasoy gihapon nga resolusyon nagkanayon nga inay sa Cebu North Bus Terminal o Cebu South Bus Terminal ang end route, ari ra kini kutob sa Liloan, Cebu.

Wala pa'y gidugang nga kasayuran bahin niini ug gilauman pa nga aduna pa'y mga kabag-uhan sa maong ruta. Pero base sa giluwatan nga resolusyon nga ang labing siguro niining bahina kay naa nay laing bus company gikan sa kaulohan ang interesadong magbukas ug ruta paingon sa Queen City of the South.

Ang Cebu Bus Spotters maningkamot nga makakuha pa ug dugang nga mga kasayuran 

AJS / CBS