Mas gipahamugaway ug gipasayon ang access sa transportasyon ilabi na sa mga pasahero nga anaa nagpuyo sa kabukiran tungod kay sugod sa Sabado, May 2, 2026, ang Metro Cebu Autobus Corporation magsugod na sa biyahe sa Cebu to Pinamungajan via Bunga / Lamac.

Sa usa ka FB post gikan sa Barangay Lamac, Pinamungajan, malipayon kining gipahibalo sa mga konstituente ang maong kalambuan sa transportasyon. Dugang pa nila dako kaayo ug tabang ang maong pag-bukas sa MCAC sa ruta paingon sa ilahang barangay ilabi na sa mga estudyante ug mga trabahante.

Ang Metro/Island Autobus Corp.  mobiyahe na sa ruta nga mogikan sa Cebu South Bus Terminal paingon sa eskina Naga diretso sa Lutopan sa Toledo City. Mo-left turn kini sa gamay nga dalan paingon sa Barangay Bunga nga sakop pa sa Toledo City ug molabang sa Barangay Lamac sa Pinamungajan diin adunay 30 minutes nga route stop sa maong dapit usa mopadayon sa biyahe lapos na sa mga barangay sa Punod, Lut-od ug Poblacion Proper sa Pinamungajan. Ang endpoint anhi gihapon mahuman sa bag-ong Pinamungajan Bus Terminal nga anhi mahimutang sa Barangay Pandacan sa naasoy nga lungsod.

Ang ruta pabalik sa Cebu South Bus Terminal subayon gihapon niini ang mga gi-agian nga mga kadalanan.

Mao kini ang OFFICIAL TRIP SCHEDULES sa maong ruta:

PINAMUNGAJAN - CEBU SOUTH BUS TERMINAL

via BUNGA / LAMAC

6:00 AM

(with 30 minutes route stop at Barangay Lamac)

₱126.00 regular one way fare

CEBU SOUTH BUS TERMINAL - PINAMUNGAJAN

via BUNGA / LAMAC

9:00 AM and 5:00 PM

(with 30 minutes route stop at Barangay Lamac)

₱126.00 regular one way fare

Bus unit MCAC 808 ang gamiton nga bus sa maong ruta.

Ang Metro Cebu Autobus Corporation mao sad ang bus company nga nagbukas usab sa usa ka ruta: Cebu South Bus Terminal to Pinamungajan via San Fernando. Sumatotal 2 ka na ruta paingon sa Pinamungajan ang gibukas sa maong bus company.

Aduna pud sila'y mga biyahe sa mga mosunod nga ruta:

1. Cebu North Bus Terminal - Hagnaya and vv.

2. Cebu South Bus Terminal -

Bato via Oslob and vv.

3. Cebu South Bus Terminal -

Bato via Barili and vv.

--

Kasayuran gikan sa Barangay Lamac, Pinamungajan ug Turismo Sa Pinamungajan / Public Information Office

Hulagway gikan ni JeaneL1218

AJS / CBS