Cebu Bus Classics

THE ARGAO LINERS

#CebuBusClassics: July 9, 2026 

Trip down memory lane mode ta sa mga hulagway nga gipadangat sa atoa ni Mr. Rogelio Alviola, kun diin usa sa mga nahatagan ug mga sticker designs ang mga bus liners sa Argao.

Makita sa mga hulagway ang duha ka bus nga adunay kaparehong kolor sa pink nga bumper. Ang usa ka air-conditioned bus adunay windshield print nga "Vanette", samtang ang usa ka non-air-conditioned unit adunay windshield print nga "Nhe Carl."

Presko pa sa panumduman ni Alviola ang mga ingon-aning mga bus nga kanunayng makit-an nga nagdagan sa kadalanan sa habagatang bahin sa Sugbo, nga nagsilbi sa daghang mga pasahero sa ilang inadlaw'ng biyahe nga mogikan pa sa lungsod sa Argao.

Sumala pa niya, ang mga ingon aning mga bus dili lamang kutob sa paghulat sa terminal sa lungsod, kundi moungasong pa sa mga eskinahon nga mga bahin sa Argao para sayon lang sa mga pasahero nga mosakay ug di na kinahanaglan pa nga maghatag ug daghang kahasol arun lamang mosakay sa bus.

Ang mga hulagway sama niini dili lamang nagpakita sa hitsura sa mga bus sa ilang kapanahonan, apan usa usab ka mahinungdanong bahin sa kasaysayan sa pampublikong transportasyon sa Sugbo. Ang matag unit adunay kaugalingong persona pinaagi sa iyang pintal, dekorasyon, ug ngalan sa windshield, mga detalye nga nahimong timaan sa usa ka panahon nga daghan pa ang nakahinumdom.

Dakong garbo ang kaniadtong trabaho si Alviola kay sa iyahang trabaho isip sticker designer ug dili ni niya ikalimod ang dakong tampo niya sa paghatag ug kulay sa mga sakyanan, ilabi na sa mga pampublikong mga buses sa Sugbo.

AJS / CBS