Business Permit

Ma-ayong adlaw mga business partners!

Amo kamong gipahibalo nga available o ana-a pa tay mga business registration plate.

2023 new business registrant nga wala pay business plate, mamahimo nga kuha-on kini sa buhatan o opisina sa City Business Permit and Licensing Office.

Salamat ug Padayon sa Paglambo Kapartner sa Negosyo.

𝗦𝗣 𝗥𝗘𝗦𝗢𝗟𝗨𝗦𝗬𝗢𝗡 𝗦𝗔 𝗣𝗔𝗚𝗛𝗔𝗧𝗔𝗚 𝗢𝗚 𝗟𝗨𝗚𝗪𝗔𝗬 𝗦𝗔 𝗕𝗔𝗬𝗔𝗗 𝗦𝗔 𝗕𝗨𝗦𝗜𝗡𝗘𝗦𝗦 𝗧𝗔𝗫 𝗨𝗚 𝗙𝗘𝗘𝗦 𝗡𝗚𝗔 𝗪𝗔𝗟𝗔𝗬 𝗣𝗘𝗡𝗔𝗟𝗧𝗜𝗘𝗦, 𝗔𝗣𝗥𝗢𝗕𝗔𝗗𝗢 𝗡𝗔 𝗦𝗔 𝗦𝗣 𝗕𝗨𝗧𝗨𝗔𝗡

Giaprobahan na sa Sangguniang Panlungsod Butuan sa kadumalahan ni Vice Mayor Lawrence Fortun ang SP Resolution no. 339-2023 nga nagtugot sa paghatag og lugway sa bayad sa business taxes, fees ug uban pang charges nga walay penalties nga kabahin sa proseso sa bayad ug renewal sa business permits pinaagi sa Business One Stop Shop kun BOSS alang sa calendar year 2024.

Base sa mandato, kutob lamang sa Enero 20 tuig 2024 ang gikatakda nga walay penalties sa business taxes ug uban pang bayrunon subay sa proseso sa BOSS apan ilawom sa Local Government Code molungtad na kini hangtud sa Enero 31, 2024.

Bulan sa Agosto tuig 2023 nasayran nga niabot na sa 15,702 ang nakarehistrong negosyo sa syudad apan sagad niini anaa pa sa recovery nga estado gumikan sa epekto sa pandemya. Hinungdan gipaningkamutan sa lokal nga panggamhanan sa Butuan nga matabangang makabangon ang tanang negosyante pinaagi sa paghatag og lugway sa bayad sa renewal sa moang mga business permits.

Ang nasangpit nga resolusyon gipangunahan ang pagpangamahan ni City Councilor John Gil Unay uban nila City Councilor Eduardo Gonzalez, Victor Plaza, Vincent Rizal Rosario ug Ehrnest John Sanchez pinaagi sa hugot nga suporta ni Vice Mayor Fortun.

Pinaagi sa Executive Order No. 045 gihatagan og pagtugot ang Business Permits and Licenses Division sa pag gamit og Electronic Signature para sa pag pirma sa mga business permits, clearance, certification, motorized ug pedicab issuances. Tungod niini duna nay katungod ang BPLD sa pag pirma sa mga permits nga naay nakabutang "For the City Mayor."

Base sa Republic Act 8792 o Electonic Commerce Act of 2000, gi ila ang paggamit sa Electronic Signature sa Commercial ug Non-Commercial transactions ug mga dokumento. Ang Electronic Signature o E-Signature usa ka pamaagi aron mapapaspas ug mas konbinyente ang pag isyu og permits sa mga kliyente base sa Ease of Doing Business Law kun Republic Act 11032. Kung kaniadto mo dagan og isa o duha ka adlaw ang paghulat sa permit, karon 12-20 minutos na lamang. Hingpit nga gipahinumduman nga kinahanglan kumpleto una ang mga rekisitos para sa mas dali nga pag isyu sa permits.

Makasiguro sab nga ang specimen signature nakarehistro sa Department of Information and Communications Technology kun DICT ug naay serial number kada permit nga ma isyu.

𝗕𝗨𝗧𝗨𝗔𝗡 𝗖𝗜𝗧𝗬 𝗘𝗟𝗘𝗖𝗧𝗥𝗢𝗡𝗜𝗖 𝗣𝗔𝗬𝗠𝗘𝗡𝗧𝗦 𝗦𝗬𝗦𝗧𝗘𝗠 𝗢𝗥𝗗𝗜𝗡𝗔𝗡𝗖𝗘 𝗢𝗙 𝟮𝟬𝟮𝟮 𝗔𝗣𝗥𝗢𝗕𝗔𝗗𝗢 𝗡𝗔 𝗡𝗜 𝗠𝗔𝗬𝗢𝗥 𝗥𝗖𝗟

Giaprobahan na ni Mayor Ronnie Vicente Lagnada ang SP Ordinance No. 6662-2022 o ang ordinansa nga pag-institutionalize sa paggamit sa electronic payment system sa tanang financial transactions sa City Government sa Butuan.

Ang ordinansa gipangamahan ni Konsehal John Gil Unay Sr., Chairman sa Committee on Ways & Means kaabag sila Konsehala Cherry May Busa, Chairman sa Komitiba sa Science & Technology nga maoy Sponsor sa nasangpit nga lokal nga balaudnon uban nila Konsehal Ehrnest John Sanchez, Cromwell Nortega, Reynante Desiata, Eduardo Gonzalez, Vincent Rizal Rosario, Victor Plaza apil sab sila Konsehal Arturo Gado, Liga President Gemma Tabada ug SK Federation President Cynth Zephanee Nietes ug hugtanung gisuportahan ni Vice Mayor Law Fortun.

Sa pagpatuman niini dunay sundon nga mga palisiya ug guidelines subay sa ipagawas nga Executive Order ni Mayor Lagnada. Kabahin usab sa liquidation sa collection sa e-payment system dunay gitahasan nga mga personahe aron mamahimong epektibo ug episyente ang pagpatuman sa bag-ong sistema.

Nakalatid usab sa section 7 sa ordinansa nga dili mandatory ang bag-ong sistema, optional kini ug pwede gihapon sa paaging over the counter ang payment sa mga transaksyon sa City Government.

Ang pag Institutionalize sa E-payment system alayon sa tumong nga mamahimong SMART-ECO City ang dakbayan. Ang nasangpit nga ordinansa subay sa RA no. 11032 o mas naila nga An Act Promoting Ease of Doing Business ug Efficient Delivery sa Government Services, sa katuyuan nga pag amyenda sa RA No. 9485 o mas naila nga Anti Red Tape Act sa 2007. Dinhi gideklara ang mga palisiya aron pagpromote sa integridad, accountability, saktong pagdumala sa public affairs ug public property pinaagi sa pagpatuman ug pagestablesar sa mga best practices aron malikayan ang korapsyon diha sa panudlanan sa gobyerno.

Nagpahigayon og Grant of Informal

Awards ang City Business Permit and Licensing Office

(CBPLO) sa mga empleyado nini niadtong May 26, 2023 diin pipila na usab ka mga personahe ang nakadawat og Certificate of Recognition.

Kini mao ang Star of the Month, Best Support Staff, Most Punctual Employee, Best in Attendance, Inspector of the Month, Customer Service Award, Most Improved Employee ug uban pang special awards.

Tumong niini nga ma-ila ug mapasalamatan ang mga empleyado sa CBPLO sa ilang dedikasyon ug madasigong paghatod sa ilang tagsa-tagsa ka mga obligasyon ug responsibilidad aron maabot ang saktong serbisyo alang sa kalamboan sa atong dakbayan

Ang City Business Permit and Licensing Office

(CBPLO) nagpahigayon og Grant of Informal

Awards sa mga empleyado nini niadtong Pebrero 14, 2023 diin walo ( na usab ka mga personahe ang nakadawat og award.

Kini mao ang Star of the Month, Best Support Staff, Most Punctual Employee, most Diligent Employee, Best in Attendance, Inspector of the Month, Customer Service Award ug Most Improved Employee.

Tumong niini nga ma-ila ug mapasalamatan ang mga empleyado sa CBPLO sa ilang dedikasyon ug madasigong paghatod sa ilang tagsa-tagsa ka mga obligasyon ug responsibilidad aron maabot ang saktong serbisyo alang sa kalamboan sa atong dakbayan.