Adeste fideles - "O Come, All Ye Faithful" -  John Francis Wade -1743

Adeste, fideles,laeti, triumphantes, 

Venite, Venite in Bethlehem:

Natum videte Regem Angelorum:

Venite, adoremus,

Venite, adoremus,

Venite, adoremus Dominum.

En grege relicto, humiles ad cunas,

Vocati pastores approperant.

Et nos ovanti gradu festinemus.

Venite, adoremus,

venite, adoremus,

Venite, adoremus Dominum.

Aeterni Parentis splendorem aeternum,

Velatum sub carne videbimus

Deum Infantem, pannis involutum.

Venite, adoremus,

Venite, adoremus,

Venite, adoremus Dominum.

Pro nobis egenum et foeno cubantem,

Piis foveamus amplexibus:

Sic nos amantem quis non redamaret?

Venite, adoremus,

Venite, adoremus

Venite, adoremus Dominum.

Stella duce, Magi Christum adorantes

Aurum, thus et mirram dant munera.

Iesu infanti Corda praebeamus.

Venite adoremus.

Venite adoremus,

Venite adoremus Dominum.