風吹的話

曲譜

歌詞

風吹毋是欲予人掛佇壁，

看媠爾爾。

風吹嘛毋通共伊抓牢牢，當作伴。

風吹是欲予咱帶出外放來看。

好天好日擱有風，

咱著愛盡量共伊放出線。

風若有夠大，

著愛予伊自由快活，

一旦起大風，

或者是落大雨，

咱才趕緊收轉來，加保護。


風吹啊 當你飛高的時，

你毋通予烏雲遮著目，

煞來袂記得下腳猶擱有一個為你牽線的人。

天地赫爾闊，

你何必共人相搶地盤拼死活。

一旦相打結，雙雙墜落地，

你就剩無半條命。

風吹啊，你擱較毋通嫌，

哪有一條線共我縛牢咧，

毋過你愛知，

那無彼條線，

你不過是竹枝合紙爾。


歌曲影片 (音樂編曲演奏：謝宗翰)

國民小學閩南語學習領域教學「風吹的話」配合教案

黃炳煌音樂配合教案-賴怡錚 風吹的話.pdf

國民小學閩南生活語學習領域教學「風吹的話」配合教案

黃炳煌音樂配合教案-張蕙芳 風吹的話.pdf

國民小學五年級國語文學習領域「風吹的話、惜啊惜、初為人母」配合教案

小五國語文領域教案-風吹的話+惜啊惜+初為人母.pdf