礦工悲歌

透早出門做礦工，千丈土地拼粗動，

黑暗深坑磅炸彈，閰王等佇隔壁硿。

煙氣濃毒的所在，神明找無的地界，

不幸代誌若是來，毋免棺材家己坮。

中晝暫停稍歇睏，三層猪肉好配飯，

想著細子佇大漢，蕃簽菜脯準一頓。

一工辛勞半條命，十斤石頭一斤炭，

煙塵滿面汗滿身，細子啼哭不相認。

炭礦夫妻免悲哀，為著後代好將來，

狗蟻蚯蚓做共途，咱的艱苦因尚知。

礦山工場炭礦夫，鐵路台車揀炭婦，

土炭黑金的故事，流傳毋知擱外久。

黃炳煌音樂配合教案-郭惠英礦工悲歌.pdf

Page updated

Google Sites

Report abuse