Ва ўсім свеце замкавыя і палацавыя здані, прыстойныя і ўражлівыя, бязлітасныя і не пазбаўленыя пачуцця гумару, спрадвеку жывуць сваім жыццём — падземнымі калідорамі ходзяць адно да аднаго ў гасці, сварацца і сумуюць, забаўляюцца і жартуюць з цікаўных турыстаў. Вядома, сёння кожны сапраўдны аматар падарожжаў па Беларусі ведае, дзе ў родным краі жыве здань Боны Сфорца і каго не любіць Чорная Дама Косаўскага палаца, пра што клапоціцца здань Яна Кішкі і чаму былі замураваныя ў сцяне Гальшанскага замка жонка маладога цесляра, а ў сцяне Крэўскага — маладая князёўна...