Творчыя заданні да тэмы 3.6. Максім Багдановіч

Прыдумайце праект папулярызацыі творчасці Максіма Багдановіча сярод навучэнцаў. Якія творы паэта вы выбераце? Чаму? Спецыялістаў з якіх галін вы запросіце ў сваю каманду? Якіх спонсараў, інфармацыйных партнёраў падключыце? Якія анлайн і афлайн пляцоўкі задзейнічаеце? У якой форме прапануеце аўдыторыі азнаёміцца са спадчынай вялікага паэта (электронныя гульні, квесты, рэклама, турыстычныя маршруты, аўкцыёны ведаў, інфармацыйныя базы, элементы дапоўненай рэальнасці)? Па якіх крытэрыях будзеце ацэньваць паспяховасць сваёй працы?

Напішыце рэцэнзію на зборнік “Вянок”.  Гл. Дадатак №3

Успомніце характарыстыкі летапіснага жанру. Карыстаючыся даведнікамі, энцыклапедыямі, інтэрнэт-рэсурсамі (тэкстамі і відэаматэрыяламі), складзіце летапіс жыцця Максіма Багдановіча. Змясціце ў ім тлумачэнні назваў, прадметаў, рэалій пачатку ХХ стагоддзя, якія могуць быць невядомыя ў ХХІ стагоддзі.

Максім Багдановіч – беларускі паэт, празаік, публіцыст, літаратуразнавец, перакладчык, класік беларускай літаратуры. Складзіце анталогію твораў паэта ў храналагічнай паслядоўнасці.

Разгледзьце вокладку зборніка “Вянок”. Уявіце, што вы мастацкі рэдактар. Зрабіце сучасны макет зборніка. Якія элементы мастацтва можна змяніць на вокладцы? Чаму?

У паэме-казцы “арык – нас” пададзены вобразныя карціны народных сямейна-бытавых абрадаў і побытавых дзеянняў. Напішыце сцэнарый вясельнага абрада, улічыўшы ўсе элементы: сватанне, заручыны, вяселле.