Творчыя заданні да тэмы 3.1. Асаблівасці развіцця беларускай дзіцячай літаратуры ў 20-30-я гады

1. Змадэлюйце выразнае чытанне і інтэрпрэтацыю для дзяцей  малодшага ўзросту верша “Чароўны край” З. Верас. Выкарыстайце пры гэтым тлумачэнне паходжання і сутнасці наступных вобразаў верша: рай, русалкі, бусел, кнігаўка, вярба [1].

2. У лірычным абразку “Чараўніца” З. Верас створаны метафарычны вобраз Чараўніцы-Зімы. Намалюйце ілюстрацыю, выкарыстайце колеры, якія перадаюць атмасферу зімовай пары.

3. Падрыхтуйце электронную прэзентацыю-выставу кніг беларускай дзіцячай літаратуры 1920–1930-х гг.

4. Выканайце літаратурны дыктант: (выканаць заданні ў рабочым сшытку)

а) Перыядычныя выданні для дзяцей і моладзі…, …, …, … .

б) У … годзе ў Мінску быў адкрыты тэатр юнага гледача.

в) У 1932 годзе Алесь Якімовіч складае падручніка … .

г) Першае беларускамоўнае паслярэвалюцыйнае выданне для дзяцей, якое ўяўляла сабой невялікую кніжку з каляровай вокладкай – гэта … .

д) Выданне часопіса … унесла вялікі ўклад у працэс папулярызацыі здабыткаў беларускай дзіцячай літаратуры (галоўны рэдактар – пісьменнік Уладзімір Дубоўка).

е) Газета … (1929) – першая беларуская газета для дзяцей, аб выданні якой было аб’яўлена на першым Усебеларускім з’ездзе піянераў.

ё) Зборнік “Каласкі” Зоські Верас складаецца з трох раздзелаў: першы … змяшчае лірычныя прозы, другі і трэці … складаюць празаічныя творы.