Embedded Files
Cando queremos catalogar unha nova obra, é preferible comprobar se está no catálogo xeral da rede, así introducimos o ISBN ou o título para localizalo en "catalogación".
Se a obra aparece en catalogación podemos comprobar que os datos se corresponden: o ISBN (se o buscamos polo título), título e autor, data de publicación....Se é así podemos "agregar/editar items"
Neste momento aparece a pantalla de rexistro da nosa biblioteca.
Esta pantalla indica os datos do item, da obra que temos na man: o libro, disco, película ou revista. Por defecto apareceran cubertos os campos de Fonte de clasificación ou CDU, Localización permanente e Localización actual. Nos debemos incluir os campos seguintes:
Localización en andeis: no despregable aparecen depósito, departamento, sala de profesores, sala de préstamo, mochila ou maleta viaxeira. O que antes denominabamos Ubicación.
Data de alta, que se cubre automáticamente
Fonte de adquisición: a procedencia, interesante para facer estatísticas para presentar memorias económicas.
Signatura correspondente á clasificación: a CDU simplificada, pódese consultar as dispoñibles na Asesoría de BEs : a simplificada e ou a nova ilustrada para BEs
Parte da signatura que identifica o exemplar: temos que duplicalo para convertelos nas sinaturas 2 e 3 que logo coa anterior conforman o tello ou tejuelo que logo se imprime:
Tipo de item de koha: prestable ou non.
Outros campos interesantes e específicos da nosa biblioteca e os nosos exemplares:
URL: enlace a algún recurso do noso centro por exemplo un blog de cine..., algo específico noso.
Nota privada: non visible desde o catálogo web, algúns centros, que teñen infantil, primaria e secundaria, especifican a ubicación dentro da propia biblioteca para facilitar a busca da obra nos espazos.
Nota pública: visible no catálogo web e recuperable na busca avanzada; se o exemplar contén a sinatura do autor na súa visita ao centro, se pertence a unha PDI ou outro proxecto ...
Logo de ter os campos cubertos, non precisamos incluir o nº de rexistro pois o programa xa o adxudica automáticamente e crea o código de barras correspondente tal e como se indica na pestaniña debaixo da pantalla "Autoxerar código de barras", enriba de "agregar item"
Gardamos os cambios relevantes á nosa biblioteca e podemos engadir tantos exemplares como teñamos e cada un coa nota pública ou privada que precisemos para cada un.
Page updated
Google Sites
Report abuse