Nagpakita ng galing sa pamamahayag sa District Secondary Schools Press Conference (DSSPC) ang mga mag-aaral mula sa District 1 noong Enero 6 sa Quezon City Science High School.
Pinagtibay sa temang "The Role of Campus Journalism in fostering DepEd MATATAG Addressing Literacy, Chartering a New Path" ang adhikain na magamit ng mga mag-aaral ang kanilang kasanayan sa iba't-ibang kategorya ng pamamahayag.
dspc.mp4Isang mahalagang papel ang ginagampanan ng pamamahayag sa pagpapaunlad ng DepEd MATATAG Curriculum sa pamamagitan ng pagtugon sa mga isyu sa literacy at paglalagay ng bagong landas sa edukasyon. Sa pamamagitan ng mga akda ay napagtitibay ang kamalayan ukol sa kahalagahan ng literacy at sa hamon na kinakaharap ng sektor ng edukasyon.
Nagpaligsahan ang mga mag-aaral sa mga kategoryang Collaborative Desktop Publishing, Online Publishing, TV Broadcasting, at Radio Broadcasting.
Ginaganap ang DSPC taon-taon sa iba't ibang panig ng bansa na layong mahasa ang kasanayan ng mga mag-aaral sa pamamahayag. Ito ang ikalawang face-to face DSSPC matapos ang pandemya dahil sa COVID-19.
Sasabak sa Division level ng naturang press conference ang mga magwawaging mag-aaral na makatutungtong sa Top 3.
