მოსწავლეთა კონფერენცია 2021

27-28 ნოემბერს, ასოციაცია-ბიო ატარებს მოსწავლეთა კონფერენციას - "მიკროორგანიზმები ჩვენ გარშემო"

კონფერენციის მომხსენებლები საქართველოს სხვადასხვა რეგიონის სკოლის VII-XII კლასის მოსწავლეები არიან.

კონფერენცია ორგანიზებულია, "ასოციაცია-ბიოს" დამფუძნებლის, ქიმიის დოქტორის, ბიოლოგიის მენტორი მასწავლებლის, ხათუნა გოგალაძის მიერ.

კონფერენციის საპატიო ჟიურის წევრები:

აივენგო შათირიშვილი, ბიოლოგიის დოქტორი,

ილიას სახელმწიფო უნივერსიტეტის ემერიტუს პროფესორი, შეფასებისა და გამოცდების ეროვნული ცენტრის ბიოლოგიის ჯგუფის ხელმძღვანელი

ნანა დვალიშვილი, ბიოლოგიის დოქტორი, კავკასიის საერთაშორისო უნივერსიტეტის ასოცირებული პროფესორი, თსუ-სა და ილიაუნის მიწვეული ლექტორი, შეფასებისა და გამოცდების ეროვნული ცენტრის ბიოლოგიის ჯგუფის სპეციალისტი

რუსუდან თედორაძე,

მასწავლებელთა პროფესიული განვითარების ეროვნული ცენტრის

ბუნებისმეტყველების ექსპერტ-კონსულტანტი, ევროპის უნივერსიტეტი აფილირებული ასისტენტ-პროფესორი

მარინა ჭელიძე, ბიოლოგიის დოქტორი, ბიოლოგიისა და ბუნებისმეტყველების მენტორი მასწავლებელი,

საქართველოს განათლებისა და მეცნიერების სამინისტრო / სკოლამდელი და ზოგადი განათლების განვითარების დეპარტამენტი / ზოგადი განათლების რეფორმის ხელშეწყობა, ბუნებისმეტყველების საგნობრივი ექსპერტი, კავკასიის განათლების სკოლის და საქართველოს უნივერსიტეტის მოწვეული პროფესორი

მარინა ჯალიაშვილი,

ბიოლოგიის წამყვანი მასწავლებელი, განათლების სამინისტროს ზოგადი განათლების რეფორმის (ახალი სკოლის მოდელი) ბიოლოგიის ექსპერტი, მასწავლებელთა პროფესიული განვითარების ცენტრის ტრენერი

ნინო გვარამაძე, არაქართულენოვანი სკოლების მხარდაჭერის პროგრამის ლიდერობის განვითარების კონსულტანტი, სსიპ გარდაბნის #4 საჯარო სკოლის ბიოლოგიის წამყვანი მასწავლებელი და საბუნებისმეტყველო კათედრის გამგე, სსიპ ზ.ჟვანიას სახელობის სახელმწიფო ადმინისტრირების სკოლის ტრენერი

მოსწავლეთა კონფერენცია - 2021

„მიკროორგანიზმები ჩვენ გარშემო“

27-28 ნოემბერს, ა(ა)იპ „ასოციაცია-ბიო“ ატარებს მოსწავლეთა კონფერენციას „მიკროორგანიზმები ჩვენ გარშემო“, კონფერენცია გაიმართება დისტანციურ რეჟიმში პლატფორმა - თიმსის გამოყენებით. კონფერენციას დაესწრებიან მოწვეული განათლების ექსპერტები საბუნებისმეტყველო მიმართულებით.

კონფერენციის მიზანია:

Ø ბიოლოგიის საგნის პოპულარიზაცია

Ø COVID-19 პანდემიის თემიის ირგვლივ რესურსების შექმნა და პოპულარიზაცია

Ø მოსწავლეთა მიღებული ცოდნის, დამოუკიდებელი მუშაობის, ინფორმაციის სინთეზის, გამჭოლი კომპეტენციებისა და პრეზენტირების უნარების წარმოჩენა.

კონფერენციის ძირითადი წესები და საკონკურსო პირობები:

კონფერენციაში მონაწილეობის მიღება შეუძლიათ „ასოციაცია-ბიოს“ წევრ მასწავლებლების საჯარო და კერძო სკოლის VII-XII კლასის მოსწავლეებს. ერთი სკოლიდან მაქსიმუმ 3 მოსწავლეს შეუძლია მოაწილეობის მიღება. კონფერენციაში დასწრების მსურველთა რაოდენობა არაა შეზღუდული.

კონფერენციაში მონაწილეთა შერჩევის პროცედურა:

კონფერენციაზე მონაწილეები შეირჩევა აბსტრაქტების საშუალებით.

კონფერენციაზე გამარჯვებული მოსწავლეები შეირჩევა „ასოციაცია-ბიოს“ კომისის გადაწყვეტილებით ოთხ ძირითად კრიტერიუმზე დაყრდნობით;

1. პრეზენტაციის უნარების წარმოჩენა

2. შექმნილი რესურსიის შინაარსობრივი მხარე

3. პრეზენტაციის ვიზუალური მხარე

4. დისკუსიაში ჩართულობა

კონფერენციაში მონაწილე ყველა მოსწავლე მიიღებს ორგანიზაციიდან სერტიფიკატს, ხოლო გამარჯვებულ მონაწილეებს უმასპინძლებს სამეცნიერო მუზეუმი ექსპერიმენტორიუმი, სადაც გადაეცემათ სერტიფიკატები და საჩუქრები. სერტიფიკატებს მიიღებენ მათი მასწავლებლებიც.

კონფერენციის ეტაპები და ვადები:

კონფერენცია ტარდება ორ ეტაპად:

Ø აბსტრაქტების გამოგზავნა - 8 ნოემბრის ჩათვლით.

Ø შემდეგ ეტაპზე გადასულ მონაწილეთა ინფორმირება - 10 ნოემბერი

მონაწილეებს, რომელთაც შესაძლებლობა ექნებათ გააგრძელონ კონფერენციაში მონაწილეობა, ინფორმაცია როგორ მოამზადონ პრეზენტაციები გაეგზავნებათ ელექტრონული ფოსტის მეშვეობით.

Ø პრეზენტაციების გადმოგზავნა - 15 ნოემბრის ჩათვლით.

მოთხოვნები ნაშრომის აბსტრაქტისადმი და მისი შეფასების კრიტერიუმები:

Ø ნაშრომის აბსტრაქტში მოკლედ უნდა იყოს ასახული საკონფერენციო ნაშრომის თემატიკა

Ø უნდა ჩანდეს მოსწავლის ხედვა, როგორც მეცნიერულ კვლევებზე დაყრდნობით, ასევე მოსწავლეს შეუძლია აწარმოს საკუთარი კვლევა (რაოდენობრივი და თვისობრივი მეთოდების გამოყენებით)

Ø აბსტრაქტი არ უნდა აღემატებოდეს 500 სიტყვას და წარმოდგენილი უნდა იყოს დამტკიცებული ნიმუშის შესაბამისად (იხ.დანართი N1)

აბსტრაქტები ფასდება შემდეგი კრიტერიუმებით:

Ø თემის აქტუალურობა, ორიგინალურობა

აბსტრაქტი არ უნდა აღემატებოდეს 500 სიტყვას.

შენიშვნა : აბსტრაქტი არ განიხილება და არ შეფასდება თუ:

Ø აბსტრაქტი არ აკმაყოფილებს დამტკიცებული ნიმუშის (იხ.დანართი N1) მოთხოვნებს.

Ø სახეზეა პლაგიატი პუბლიკაციებიდან, სახელმძღვანელოებიდან ან ინტერნეტ საიტებიდან.

Ø მონაწილე მოსწავლეთა ნაშორმები (პრეზენტაციები) აიტვირთება საიტზე და ეს რესურსები ხელმისაწვდომი გახდება ამ თემით დაინტერესებულ მსურველთათვის.

Ø მოსწავლეს შეუძლია გამოიყენოს ქვეთემები: იმუნიტეტი გვიცავს, ანტიბიოტიკების მნიშვნელობა და გამოყენება, ეპიდემია და პანდემია, ბაქტერიები და ვირუსები, ბაქტერიული დაავადებები, ვირუსული დაავადებები, ჯანსაღი კვება დაავადებების წინააღმდეგ, ვაქცინაციის მნიშვნელობა, 21-ე საუკუნის ვაქცინები, შიდსი და სხვა....

დანართი N1

აბსტრაქტი

რა არის აბსტრაქტი? რა საკითხები უნდა იყოს განხილული აბსტრაქტში? როგორია აბსტრაქტის ფორმატი?

აბსტრაქტი - ეს არის ინფორმაციული აბზაცი, რომელიც მოკლედ ასახავს საკონფერენციო ნაშრომის თემატიკას და საკვლევ საკითხს.

აბსტრაქტში განიხილება - მნიშვნელოვანი მონაცემები, კვლევის მეთოდი, მიზანი, ძირითადი მიგნებები, დასკვნა.

აბსტრაქტის მოცულობა არ უნდა აღემატებოდეს 500 სიტყვას.

აბსტრაქტის მიზანია - დააინტერესოს მკითხველი.

აბსტრაქტი 4 ძირითადი ელემენტისგან შედგება:

• შესავალი, რომელშიც წარმოდგენილია საკონფერენციო ნაშრომის შერჩევის მოტივაცია და მიზანი;

• მეთოდები, რომელიც აღწერს, თუ როგორ მიმდინარეობდა მუშაობა საკონფერენციო ნაშრომზე;

• შედეგები, სადამდეც მივიდა არგუმენტირებული მსჯელობის შემდეგ ნაშრომის ავტორი;

• დასკვნები, რომელიც წარმოადგენს შედეგების განხილვასა და მიღებული ინფორმაციის გაანალიზების შედეგად მის გამოყენების პრაქტიკულ მნიშვნელობას.

აბსტრაქტი არ უნდა შეიცავდეს ისეთ ინფორმაციას, რაც ნაშრომში ნახსენები არ არის. აბსტრაქტში წარმოდგენილი არ არის ციტირება, ცხრილები, გრაფიკები და თვალსაჩინოებები.

აბსტრაქტის დაფორმატებისას გამოიყენება შემდეგი პარამეტრები:

➢ შრიფტი - Sylfaen;

➢ სათაური - 14, გამუქებული და სწორი;

➢ აბსტრაქტის ტექსტი - 12 და სწორი;

➢ ტექსტის კიდეები გასწორებულია ორივე მხარეს (Ctrl+J);

➢ სტრიქონებს შორის დაშორება - 1.5;

➢ სათაურსა და ტექსტს შორის დაშორება - 2 სტრიქონი

პროექტის ორგანიზატორი : ქიმიის დოქტორი, ბიოლოგიის მენტორი მასწავლებელი, ასოციაცია-ბიოს დამფუძნებელი

ხათუნა გოგალაძე დამატებითი ინფორმაციისთვის მოგვწერეთ:

Associationbio2013@gmail.com

გახსენი ქვედა ბმული და დარეგისტრირდი: ფორმის შევსება