ACTIVIDADES 2021/22

Dentro do Proxecto de igualdade deste ano abordamos unha serie de actividades para concienciar ao alumnado do CEIP número 1 de Foz sobre a importancia da igualdade nos xogos, concienciar que tanto homes como mulleres podemos ocupar o espazo de xogo en igualdade. Para elo apostamos por unha serie de actividades e charlas para tratar de impulsar esa igualdade no futuro.

Esta actividade levouse a cabo durante o mes de xullo de 2021 xa que ó consistir no pintado do patio do colexio non se puido realizar en período lectivo.

Os xogos que se pintaron foron: o 3 en raia, o parchís, a patefa, o jump, o reloxo e a diana.

Desde o centro educativo imprimiron coa impresora 3D fichas e dados para poder xogar nos xogos pintados.

A acollida destes xogos foi moi boa entre o alumnado, sobre todo no contexto de restricións COVID no que nos atopamos que obriga á rotación do alumnado por diversas zonas do patio do colexio. Por este motivo, zonas que noutros tempos estaban en desuso xa que as rapazas e rapaces podían moverse libremente a outras zonas, agora son zonas de obrigada concorrencia. Esta circunstancia motivou que todo o alumnado do centro participase destes xogos.

Aínda que nunha primeira versión deste proxecto o obradoiro estaba centrado nos cursos de 3º e 4º de primaria, a súa orientación cambiou ó longo deste curso escolar. Os bos datos COVID dos que se deron nos primeiros meses deste primeiro trimestre fixo que a idea orixinal se modificase.

O obradoiro de xogos tradicionais é unha idea vella, que xa desenvolvéramos nesta mesma subvención outros anos. Neses outros anos o obradoiro realizábase durante as festas escolares organizadas pola ANPA. O motivo de realizar os obradoiros nestas festas era que habitualmente se establecían dinámicas machistas nas que os nenos ocupaban todo o espazo do pavillón xogando ó fútbol, mentres que as nenas ocupaban o espazo que sobraba. No momento de redactar a memoria do proxecto para a presente subvención, os datos COVID non permitían facer este tipo de festas polo que decidimos facer o obradoiro nos recreos e só con

determinados cursos.

No momento de executar o proxecto os datos COVID eran excelentes e non existían restricións polo que decidimos rescatar a idea do obradoiro para todas as persoas que desexasen vir despois das clases a un encontro destas características.

Asistiron un total de 80 nenos e nenas do cole de todas as idades.

É unha actividade que cremos que se debería repetir con máis asiduidade para que os nenos vexan que non poden ocupar a maior parte do espazo, para que as nenas vexan que teñen dereito a ocupar o mesmo espazo que os nenos e para que se practiquen xogos onde ambos sexos se mesturen.

Esta actividade levouse a cabo o día 26 de novembro de 2021 entre as 10:00 e as 13:00.

A contacontos Raquel Queizás fixo dous pases do conto “Somos iguais: contos pola igualdade” para os cursos 4º, 5º e 6º de infantil e 1º e 2º de primaria.

Raquel Queizás propuxo un exemplo de superación en forma de conto: Queliña, unha nena que quere ser piloto, rompe os estereotipos que abundan nos contos e preséntanos a nenas decididas e nenos sensibles. A través dos contos, con esta obra búscase previr dende a nenez todo tipo de violencia mediante novos modelos de feminidade e masculinidade rachando así cos roles e estereotipos asignados.