სარგავი მასალა

თესლი: თესლის დამუშავება დათესვამდე არანაკლებ 2 საათით ადრე. რეკომენდებული კონცენტრაცია - 0.1%.

ბოლქვები: ბოლქვების დასველება ღამის განმავლობაში. რეკომენდებული კონცენტრაცია - 0.05%. დაშვებულია დარგვის წინ ბოლქვების შეწამვლა. ამასთან, კონცენტრაციას 0.1 %-მდე ზრდიან.

ლერწი: ლერწების დასველება ღამის განმავლობაში. რეკომენდებული კონცენტრაცია - 0.025%. დაშვებულია დარგვის წინ ლერწების შეწამვლა. ამასთან, კონცენტრაციას 0.1 %-მდე ზრდიან.

ნერგები: ნერგების მორწყვა გრუნტში გადარგვამდე 3-5 დღით ადრე. რეკომენდებული კონცენტრაცია - 0.05%, გამოხატული ფესვის ლპობის შემთხვევაში დაშვებულია კონცენტრაციის 0.1 %-მდე გაზრდა.

პარკოსანი კულტურები

ცერცვი, ბარდა, ხანჭკოლა, იონჯა, მუხუდო, სოიო, ლობიო და ოსპი: მცენარეების შეწამვლა დატოტვის, კოკორის გამონასკვის, მასობრივი ყვავილობის ფაზაში, ასევე ბოლო დამუშავებიდან 7 დღეში. ხანჭკოლასა და იონჯასთვის ხარჯვის ნორმა შეადგენს 90 მლ/ ჰა, სხვა პარკოსნებისთვის - 30 მლ / ჰა

მარცვლეული კულტურები

წიწიბურა: მცენარეების შეწამვლა დატოტვის, კოკორის გამონასკვის და მასობრივი ყვავილობის ფაზაში. ხარჯვის ნორმა - 75 მლ /ჰა

სიმინდი: მცენარეების შეწამვლა 2-3 ნამდვილი ფოთლის (ღეროს დიფერენციაცია) ფაზაში, 4-6 ნამდვილი ფოთლის (საგველას (ქოჩოჩის) ფორმირება) ფაზაში და 7-8 ნამდვილი ფოთლის (ტაროს ფორმირება) ფაზაში. ხარჯვის ნორმა - 90 მლ / ჰა.

შვრია, ხორბალი, ჭვავი, ბრინჯი, ტრიტიკალე, ქერი: მცენარეების შეწამვლა დაბუჩქების, „დროშისებრი“ ფოთლის ფორმირების, მილში გასვლის, დათავთავების დაწყების ფაზაში. ხარჯვის ნორმა - 60 მლ / ჰა.

ბოსტნეული კულტურები

ჯიჯლაყასებრნი

ჭარხალი: მცენარეების პირველი ორი ფოთლის და რიგების შემჭიდროების ფაზაში. ხარჯვის ნორმა - 30 მლ / ჰა

ბაღჩეული

საზამთრო: მცენარეების შეწამვლა ბურთულის, ყვავილობის ფაზაში და ნასკვების ფორმირების დასაწყისში. ხარჯვის ნორმა - 30 მლ / ჰა

ნესვი, ყაბაყი, პატისონი, გოგრა: მცენარეების შეწამვლა 2-3 ნამდვილი ფოთლის, ყვავილობის ფაზაში და ნასკვების ფორმირების დასაწყისში. ხარჯვის ნორმა - 30 მლ/ ჰა

ქოლგოსანნი

სტაფილო: მცენარეების შეწამვლა 2-3 და 8-10 ნამდვილი ფოთლის (კონის სიმწიფის) ფაზაში. ხარჯვის ნორმა - 30 მლ / ჰა.

კომბოსტოსებრნი

თეთრთავიანი და წითელთავიანი კომბოსტო: მცენარეების შეწამვლა ფოთლების სრული როზეტის და კომბოსტოს თავის გამონასკვის ფაზაში. ხარჯვის ნორმა - 90 მლ / ჰა

ყვავილოვანი კომბოსტო: მცენარეების შეწამვლა 2-3 ნამდვილი ფოთლის ფაზაში და გრუნტში გადარგვიდან 7 დღეში. ხარჯვის ნორმა - 60 მლ / ჰა

ხახვისებრნი

სათესლე ხახვი: მცენარეების შეწამვლა წვრილი აღერების ფაზაში, პირველი შეწამვლიდან 7 დღეში და მეორე შეწამვლიდან 7 დღეში. ხარჯვის ნორმა - 90 მლ / ჰა

სამწვანილე ხახვი: მცენარეების შეწამვლა ღერების მასობრივად ზრდის დაწყებისას. ხარჯვის ნორმა - 30 მლ/ ჰა

სათავთავე ხახვი: მცენარეების შეწამვლა მე-4 ფოთლის ფაზაში და პირველი შეწამვლიდან 2 კვირაში. ხარჯვის ნორმა 90 მლ/ ჰა

ნიორი: მცენარეების შეწამვლა აღმონაცენის გამოჩენის შემდეგ და ძირის დატოტვის და კბილების ჩასახვის ფაზაში (მე-5 ფოთლის შემდეგ). ხარჯვის ნორმა - 90 მლ/ ჰა

ძაღლყურძენასებრნი

ბადრიჯანი: მცენარეების შეწამვლა კოკორის გამონასკვის და მასობრივი ყვავილობის ფაზაში. ხარჯვის ნორმა - 60 მლ / ჰა

კარტოფილი: მცენარეების შეწამვლა სრული აღმონაცენის და კოკორის გამონასკვის ფაზაში. ხარჯვის ნორმა - 60 მლ / ჰა

წიწაკა: მცენარეების შეწამვლა კოკორის გამონასკვის და მასობრივი ყვავილობის ფაზაში. ხარჯვის ნორმა - 60 მლ / ჰა

ტომატები: მცენარეების შეწამვლა კოკორის გამონასკვის და 1, 2 და 3 მტევნის ყვავილობის ფაზაში. ხარჯვის ნორმა - 60 მლ / ჰა

რთულყვავილოვანნი

მიწავაშლა: მცენარეების შეწამვლა სტოლონების წარმოქმნის ფაზის დასაწყისში. ხარჯვის ნორმა - 90 მლ / ჰა.

ხილ-კენკროვანი კულტურები

ვაზი: მცენარეების შეწამვლა კოკორის გამონასკვის - ყვავილობის ფაზაში და 2 კვირის შემდეგ. ხარჯვის ნორმა - 30 მლ /ჰა.

მარწყვი: მცენარეების შეწამვლა კოკორის გამონასკვის ფაზაში, მცენარეების მორწყვა კენკრის ფორმირების დასაწყისში, მცენარეების შეწამვლა მოსავლის აღების შემდეგ. ხარჯვის ნორმა - 60 მლ/ ჰა.

ხეხილი (კომში, გარგარი, ალუბალი, ბროწეული, მსხალი, წაბლი, კაკალი, ატამი, ქლიავი, თხილი, ხურმა, ბალი, ვაშლი): ნერგების შეწამვლა ყლორტების ზრდის დაწყებისას, მცენარეების კოკორის გამონასკვის და ყვავილობის ფაზაში სუსხისგან დასაცავად. ნერგებისთვის ხარჯვის ნორმა შეადგენს 120 მლ/ ჰა, ხეხილისთვის - 180 მლ / ჰა.

კენკროვანი ბუჩქნარი (ირგა (ყვავტყემალა), მაყვალი, ხურტკმელი, ჟოლო, მოცხარი): ნერგების შეწამვლა ყლორტების ზრდის დაწყებისას, მცენარეების კოკორის გამონასკვის და ყვავილობის ფაზაში სუსხისგან დასაცავად. ნერგებისთვის ხარჯვის ნორმა შეადგენს 90 მლ / ჰა, ხეებისთვის, რომლებიც ნაყოფს ისხამს - 120 მლ/ ჰა

ტექნიკური კულტურები

კანაფი: შეწამვლა 2-3 და 8-9 ნამდვილი ფოთლების წყვილის ფაზაში. ხარჯვის ნორმა - 90 მლ / ჰა.

ელი: შეწამვლა „ნაძვისებრი“ ფაზის დასაწყისში, როცა მცენარეების სიმაღლე 10-12 სმ შეადგენს და „ნაძვისებრი“ ფაზის ბოლოს, როცა მცენარეების სიმაღლე შეადგენს 15-20 სმ, დამუშავებებს შორის 10-14 დღიანი ინტერვალით. ხარჯვის ნორმა - 90 მლ/ ჰა.

მზესუმზირა: მცენარეების შეწამვლა 3-4 ფოთლის და 6-8 ფოთლის ფაზაში. ხარჯვის ნორმა შეადგენს 60 მლ/ ჰა.

რაფსი საშემოდგომო: შეწამვლა შემოდგომაზე 5-7 ფოთლის ფაზაში და გაზაფხულზე აღერების დაწყების ფაზაში (როცა მცენარის სიმაღლე 30-40 სმ შეადგენს). ხარჯვის ნორმა - 60 მლ/ ჰა.

რაფსი საგაზაფხულო: შეწამვლა 3-4 ფოთლის, კოკორის გამონასკვის ფაზაში - მოსავლიანობის გასადიდებლად. ხარჯვის ნორმა - 60 მლ/ ჰა.

შაქრის ჭარხალი: შეწამვლა 3-5 ფოთლის პერიოდიდან რიგების შემჭიდროვებამდე. ხარჯვის ნორმა - 60 მლ/ ჰა.

ბამბა: შეწამვლა კოკორის გამონასკვის და ყვავილობის ფაზაში, ქვედა მტევნის ყვავილედების გაშლის შემდეგ. ხარჯვის ნორმა - 90 მლ/ ჰა.

ბალახოვანი მცენარეები (გაზონები, საკვები კულტურები)

ფლორაბისის გამოყენება თესლის დამუშავებით იწყება. თუ ამის საშუალება არ არსებობს, დათესვის 2-3 კვირის შემდეგ ხორციელდება მორწყვა. შემდგომ მორწყვა რეგულარულად ხორციელდება, პერიოდულობა - არაუმეტეს თვეში ერთხელ. ხარჯვის ნორმა - 30 მლ / ჰა.

 ყვავილები

ფლორაბისის გამოყენება იწყება თესლის და სანერგე მასალის - ბოლქვების, ლერწების დამუშავებით. ასევე რეკომენდებულია ფლორაბისის გამოყენება ნერგების დასამუშავებლად გრუნტში გადარგვამდე ერთი კვირით ადრე. შემდეგ დამუშავების გამეორება შესაძლებელია ყოველ 2 კვირაში ერთხელ განვითარების დაწყებიდან ყვავილობის ფაზამდე. ასევე ფლორაბისს ნებისმიერ სტრესულ სიტუაციაში იყენებენ: ტემპერატურის დიდი სხვაობის, აგროქიმიკატების და პესტიციდების გამოყენების დროს. ხარჯვის ნორმა - 60 მლ / ჰა, ბუჩქნარისთვის - 90 მლ / ჰა.

მოსალოდნელი აგროტექნიკური შედეგი:

თესლის ამოსვლის უნარის და აღმოცენების ენერგიის გაზრდა, ფესვთა სისტემის მასის და ფოთლის ზედაპირის საერთო მოცულობის გაზრდა, მომწიფების რამდენიმე დღით დაჩქარება; მოსავლიანობის და პროდუქტიულობის გადიდება, პროდუქციის სასაქონლო თვისებების (ცილების და შაქრის შემცველობა) გაზრდა, სუსხის, გვალვის, ნიადაგის დამარილიანებისადმი გამძლეობის გაზრდა.

მოსალოდნელი ფიტოსანიტარული შედეგი:

ფოთლის და ღეროს ინფექციებით (ბაქტერიოზები, ნაცროვანი სოკოები, ჟანგი) და ფესვის ლპობით დაავადების შემცირება.

ჩვენი კომპანია თანამშრომლობის ნებისმიერი ფორმით არის დაინტერესებული:

• კონსულტანტებით;

• დილერებსა და იმპორტიორებით;

• რეგიონალური წარმომადგენლებით;

• ახალი ბიოპრეპარატების შემუშავებით;

• ლაბორატორიული და საველე გამოცდების ჩატარებით.

თანამშრომლობის დასაწყებად მოგვწერეთ ელექტრონულ ფოსტაზე ან ფორმა შეავსეთ

ქვეყნების უმეტესობაში პესტიციდები და აგროქიმიკატები სახელმწიფო რეგისტრაციას ექვემდებარებიან, რომელიც მნიშვნელოვან ხარჯებთან არის დაკავშირებული. ამის გარდა, სახელმწიფო რეგისტრაცია საკმაოდ დიდ დროს მოითხოვს და ზოგჯერ 2-3 წელი გრძელდება. პესტიციდების და აგროქიმიკატებისგან განსხვავებით ადიუვანტები ზედაპირულ-აქტიურ ნივთიერებებს (ზან) წარმოადგენენ და შესაბამისად უმეტეს ქვეყანაში სახელმწიფო რეგისტრაციას არ ექვემდებარებიან, რაც არის მათი მნიშვნელოვანი კომერციული უპირატესობა, ფულადი სახსრების და დროის ეკონომიის შესაძლებლობას იძლევა სავაჭრო პრაისებში და პროდუქციის ასორტიმენტის ჩამონათვალში მათი ჩართვისთვის. ზემოთ აღნიშნულიდან გამომდინარე, ჩვენი ადიუვანტის მიწოდება ხორციელდება საგარეო-ეკონომიკური საქმიანობის სასაქონლო ნომენკლატურის კოდით 3402 90 100 8. „ზედაპირულ-აქტიური ნივთიერებები, სხვა“ კოდით ხდება და თან ახლავს შემდეგი დოკუმენტები:

• უსაფრთხოების პასპორტი;

• შესაბამისობის სერტიფიკატი;

• წარმოშობის სერტიფიკატი.

ადიუვანტის მიწოდება შესაძლებელია როგორც მზა პროდუქტად, ასევე ცალკე კომპონენტების: ტრიტერპენის მჟავების და ემულგატორის სახითაც. ეს განსაკუთრებით აქტუალურია სხვა ქვეყნებში ექსპორტის დროს, რადგან უმეტეს შემთხვევაში მცენარეული ექსტრაქტების იმპორტი რთული დოკუმენტაციის გაფორმებას არ მოითხოვს. ცალკე კომპონენტების იმპორტის დროს ადიუვანტის მომზადება ადგილზე ხდება შემუშავებული რეცეპტურების და ტექნოლოგიური ინსტრუქციების მიხედვით. მიწოდების ასეთი ფორმა ზოგ შემთხვევაში საბაჟო გადასახადების შემცირების და სხვა ადმინისტრაციული ბარიერების გადალახვის საშუალებას იძლევა. ამასთან, კომპონენტების დაცულობა პრაქტიკულად შეუზღუდავია, რაც ასევე კომერციულ რისკებს ამცირებს.

ჩვენი ადიუვანტის მიწოდება ხორციელდება ფლორაბისის სავაჭრო მარკის ქვეშ, რომელიც რეგისტრირებულია რუსეთში, უკრაინაში, ბელარუსიაში, ყაზახეთში, სერბეთში, ჩინეთში, ვიეტნამში, ევროკავშირსა და სხვა ქვეყნებში, რაც სანდოდ იცავს ჩვენი პარტნიორების უფლებებს ერთობლივი პროექტების რეალიზაციის დროს. ამის გარდა ციმბირული სოჭის ექსტრაქტი წარმოადგენს უნიკალურ ნედლეულს და მხოლოდ ორიგინალური ტექნოლოგიის მიხედვით მზადდება. შესაბამისად, ექსკლუზიური მიწოდების ხელშეკრულების დადების შემთხვევაში, იმპორტიორი უნიკალურ ბუნებრივ კომპონენტებს და სავაჭრო ნიშნების საპატენტო დაცვას მიიღებს.

სარეკლამო ფლაიერი

ანოტაცია მოაგარაკეებისთვის

ინსტრუქცია ფერმერებისთვის

ყველა მოაგარაკეს და ფერმერს სურს არამხოლოდ საკუთარი შრომის მატერიალური ანაზღაურება მიიღოს, არამედ საკუთარი შრომის შედეგით კმაყოფილი დარჩეს. ფლორაბისთან ერთად ეს ადვილია. რადგან ჯანსაღი, წვნიანი და სასარგებლო ბოსტნეული, კენკროვანი და ხილი - როგორც სახლში, ასევე მაღაზიის დახლებზე ყოველთვის სასურველი პროდუქტია.

თანამედროვე სოფლის მეურნეობას ახასიათებს მცენარეების დაცვის ქიმიური საშუალებების და სასუქის დიდი რაოდენობით გამოყენება, რის გარეშეც დიდი მოსავლის მიღწევა პრაქტიკულად შეუძლებელია. ამასთან, ეკოლოგიური მოთხოვნები ყოველწლიურად მკაცრდება. განსაკუთრებულად კონტროლდება შხამქიმიკატებით დაბინძურება. პროდუქცია პესტიციდების ნარჩენების მაღალი შემცველობით ექსპორტზე არ გადის და უკეთეს შემთხვევაში შიდა ბაზარზე დაკლებულ ფასად გაიყიდება.

ამ პრობლემის გადაწყვეტის ერთ-ერთი საშუალება ბიოპრეპარატების უფრო აქტიური და ფართო გამოყენებაა. ტრადიციულად ბიოპრეპარატების ბაზად ბიოლოგიურად აქტიური მიკროორგანიზმები (პრობიოტიკები) და მცენარეული ექსტრაქტები (ფიტობიოტიკები) გამოიყენება. ამასთან, მიკრობიოლოგიურ საშუალებებთან შედარებით ფიტობიოტიკებს რამდენიმე უპირატესობა აქვთ: ამინდზე და კლიმატურ პირობებზე ნაკლები დამოკიდებულება, სისტემური მოქმედება, ქიმიურ პესტიციდებთან და აგროქიმიკატებთან თავსებადობა, რაც მათი გამოყენების ეფექტს უფრო სტაბილურს და მოსალოდნელს, ხოლო თვით გამოყენებას უფრო ტექნოლოგიურს ხდის.

ფიტობიოტიკების ასორტიმენტი მუდმივად ფართოვდება. მაგრამ ჩვენ გთავაზობთ წიწვის ექსტრაქტების ბაზაზე დამზადებულ ბიოპრეპარატებს, რომელთა ეფექტურობა თითქმის ასწლიანი სამეცნიერო და პრაქტიკული გამოცდილებით დამტკიცებულია. ფლორაბისი წარმოადგენს „მწვანე“ ადიუვანტს, რომლის ბაზად გამოყენებულია წიწვოვანების ხის მწვანილისგან მიღებული ზედაპირულ-აქტიური ნივთიერებების მცენარეული კონცენტრატი.

ადიუვანტები (ლათ. – adjuvans - დამხმარე) - სპეციფიკური ნივთიერებებია, რომლებსაც, შესაძლოა, საკუთარი ბიოლოგიური აქტივობა (ჰერბიციდული, ფუნგიციდური, ინსექტიციდური, ზრდის მასტიმულირებელი) არ ჰქონდეთ, მაგრამ რომლებიც წარმოადგენენ სინერგისტებს, ანუ პესტიციდებთან და აგროქიმიკატებთან ერთად მათი გამოყენება ტექნიკურ და ბიოლოგიურ ეფექტურობას მკვეთრად ზრდის. სინერგიული ეფექტი მცენარეების დამცავი საშუალებების გამოყენების ჯერადობის შემცირების საშუალებას იძლევა, შესაბამისად საბოლოო პროდუქციაში მცირდება შხამქიმიკატების ნარჩენების შემცველობა.