天 變冷了

愛加穿一領衫

彼是阿母定定吩咐的話

阿母的手 有針車鞋布面的降

伊的形影 有故鄉的桂花芳

彼咧下晡

阿母坐佇膨椅 烘燒 盹龜 

夢著伊佮外媽

坐佇門口埕開講

         姨仔

        梅仔花 開啊

        咱等風來 共花芳𤆬來

        姨仔

        李仔花 開啊

        等風來 共花芳𤆬來

        啊 花開啊

        等囝兒序細 轉來

阿母的手 有飯菜芳

伊的形影 有故鄉的花欉

天 變冷了

愛加穿一領衫

彼是阿母定定吩咐的話