你聽

你敢有聽到海湧的聲?

彼是大海咧跟咱講

愛聽故鄉的山 聽山佮咱講

寒冷的秋冬 猶有美麗菅芒

聽山佮咱講

故鄉爸爸媽媽的毋甘

𪜶毋甘咱離開厝

出外拍拚

你聽

你敢有聽到海湧的聲?

彼是大海咧佮咱講

愛聽山頂的溪水

聽溪水唸歌 

唸人生的歌

聽溪水共風投

投出外的囡仔猶未轉來

風 仝款勻勻仔吹

水 仝款寬寬仔流

你聽

你敢有聽到海湧的聲?

彼是大海咧佮咱講

愛聽故鄉的山

聽故鄉的溪水

嘛聽故鄉的心聲

轉來吧 

你聽

你敢有聽到溪水流過的聲?

溪水毋甘流入大海

毋甘離開故鄉的山

毋甘離開故鄉的記持

你聽

你敢有聽到溪水流過的聲?