Exposición 'Cartas de amor: 15 artistas contra a violencia de xénero'

O CIFP  A Carballeira - Marcos Valcárcel  do 26 de novembro ao 18 de decembro a exposición “Cartas de amor: 15 artistas contra a violencia de xénero”, organizada pola Secretaría Xeral da Igualdade da Xunta de Galicia. A mostra, que estivo nos corredores do noso Centro Educativo recolle unha selección do cómic galego sobre a violencia de xénero, con debuxos de autores de sona como Miguel Calatayud, Patricia Castelao, Fausto Isorna, José Luís Méndez, Jack Mircala, Javier Olivares, David Pintor, Pirusca, Primitivo, Sonia Pulido, Paco Roca, Sergi San Julián, Eva Vázquez, Óscar Villán e Anxos Sumai. Esta exposición ten por obxectivo sensibilizar á poboación máis nova, facer reflexionar ás e aos adolescentes sobre a existencia de violencia nos seus modos de relacionarse, axudar a detectala e, polo tanto, tamén a eliminala.

A orixe da mostra partiu da proposta da súa comisaria, Gemma Sesar, a varios debuxantes galegos e nacionais para plasmar nunha imaxe situacións ou momentos que considerasen como violentos entre adolescentes, co obxectivo de por de manifesto a necesidade de mudar esas actitudes por outras nas que prime o respecto á parella.

Obradoiro Xénero Educa Dinámicas contra a Violencia de Xénero 12/02/2026.

O obradoiro foi impartido polo grupo Koremi, entidade especializada en educación para a igualdade e intervención socioeducativa, e contou coa participación do alumnado do CFGS de DAM.

A sesión desenvolveuse mediante dinámicas participativas e vivenciais, orientadas a:

• Fomentar a reflexión crítica sobre os estereotipos e os roles de xénero para unha igualdade real e efectiva entre mulleres e homes.

• Dotar ao alumnado de ferramentas para identificar, cuestionar e rexeitar condutas machistas normalizadas mediante a empatía, a escoita activa e a intervención respectuosa ante situacións de desigualdade ou violencia.

Esta actividade enmárcase no compromiso do centro coa formación integral en valores, coa educación afectivo-sexual responsable e coa promoción dunha convivencia baseada no respecto, na igualdade e na inclusión no marco do  Plan Proxecta+.

Obradoiro: “O amor sen cadeas”

O día 13/02/2026, en horario de 09:30 a 11:30 horas, desenvolveuse o obradoiro “O amor sen cadeas: as relacións de parella na mocidade”, impartido por María Angélica Mercado Torres, especialista en estudos de xénero e políticas de igualdade.

A actividade contou coa participación do alumnado de 1º de FP Básica de Informática de Oficina e de 2º do CFGS de DAW, quen tivo a oportunidade de analizar as relacións de parella desde unha perspectiva crítica e construtiva. Traballáronse aspectos clave como a comunicación, o establecemento de límites saudables, a corresponsabilidade e os distintos axentes que inflúen nas relacións afectivo-sexuais na mocidade.

A través de dinámicas participativas e espazos de diálogo, o alumnado realizou exercicios de reflexión, autocoñecemento e autoavaliación, fomentando unha visión das relacións baseada no respecto, na igualdade e na liberdade persoal.

Actualización páxina WEB co logo actualizado e máis recursos.

Nesta páxina pódense atopar recursos para traballar o respecto e a igualdade.

Ademais, podedes solicitar que se engadan recursos ou noticias que queirades compartir co resto do profesorado.

Vídeo contra a violencia de xénero no 25 N.

 A creación dun vídeo cun lazo humano contra a violencia de xénero constitúe unha acción simbólica con gran valor pedagóxico e interdisciplinar. No ámbito da Formación Profesional, permite implicar activamente ao alumnado na loita pola igualdade e na denuncia da violencia, conectando a realidade social coa súa futura práctica profesional.

Cada familia profesional achega unha mirada específica:

-Sanitaria, desde o coidado á saúde física e mental das vítimas e a promoción da empatía.
-Informática, a través da creación, edición e difusión do vídeo, e da reflexión sobre as violencias dixitais.
-Química, coa análise de datos e a responsabilidade científica en contextos de saúde e substancias nocivas.
-Seguridade e Medioambiente, enfocando a violencia como un risco social e traballando na prevención e resposta.

Esta actividade fomenta valores como o respecto, a igualdade e a solidariedade, á vez que desenvolve competencias técnicas, comunicativas, críticas e colaborativas. O lazo humano convértese así nun símbolo vivo de compromiso, unión e responsabilidade compartida.

Concurso Imaxe audiovisual día contra a violencia de xénero,25 de novembro

Audiovisual contra Violencia Xénero realizado para o Plan Proxecta+: Por 365 días de respecto e igualdade polo  alumnado do Curso de especialización de videoxogos Laura Pachón Rúa e David Rodríguez Heredero.

Concurso Imaxe fotográfica e audiovisual día contra a violencia de xénero,25 de novembro

Imaxe gráfica do 25 N do Plan Proxecta+: "Por 365 días de respecto e igualdade" realizado polo alumnado do CFGS de QSA para o Concurso de Imaxes gráficas contra a violencia de xénero do 25 de novembro de 2024: Edrugiel Acevedo Tovar e Gust Sevilla.

O alumnado do Ciclo Formativo de Grao Superior de Química e Saúde Ambiental participou na elaboración dunha potente imaxe gráfica co gallo do 25 de novembro, Día Internacional da Eliminación da Violencia contra a Muller, no marco do Plan Proxecta+ e do programa Por 365 días de respecto e igualdade.

A proposta presentada por Edrugiel Acevedo Tovar e Gust Sevilla destaca pola súa forza simbólica e impacto visual. A ilustración representa a unha muller espida pendurada, en clara alusión á situación extrema de vulnerabilidade, obxectualización e desprotección que sofren moitas mulleres vítimas de violencia de xénero. Ao fondo, proxéctanse sombras de figuras humanas que observan, representando a sociedade como espectadora pasiva, silenciosa ou cómplice ante este tipo de violencias.

A composición busca remover conciencias e provocar unha reflexión profunda sobre o papel que xogamos individual e colectivamente fronte á violencia contra as mulleres, especialmente cando esta se produce no espazo público ou se normaliza dende os medios e os discursos sociais.

A participación no concurso constitúe tamén unha actividade interdisciplinar, na que se traballaron contidos relacionados coa saúde pública, a igualdade de xénero, a expresión artística como ferramenta de denuncia, e a análise crítica do contexto sociocultural.

Mediante o uso de pezas de LEGO como ferramenta simbólica e creativa, o alumnado representou diferentes tipos de violencia de xénero (física, psicolóxica, económica, sexual e simbólica), así como medidas de prevención, protección e acompañamento ás vítimas. A metodoloxía baseouse na dinámica learning by doing, favorecendo a reflexión crítica, a colaboración e a aprendizaxe significativa.

Carácter interdisciplinar e intercurricular:

Este obradoiro tivo unha enorme riqueza educativa ao integrar contidos de distintas materias e módulos profesionais, reforzando así a competencia transversal de igualdade e respecto pola diversidade. Exemplos de integración curricular:

• Formación e Orientación Laboral (FOL) e IPE I: análise dos dereitos laborais das vítimas, prevención de riscos derivados da violencia no ámbito laboral, e promoción da igualdade de oportunidades.
  
  

• Empresa e Iniciativa Emprendedora: traballo en valores como a responsabilidade social e a igualdade nas políticas de empresa.
  
  

• Módulos técnicos específicos: reflexión sobre a presenza de estereotipos de xénero en sectores profesionais concretos e deseño de propostas máis inclusivas nas familias profesionais de informática, química, seguridade e medioambiente e sanitaria.

• Educación para a saúde:  contidos  deste módulo  impartido en diferentes ciclos formativos d sanitaria.
  
  

• Titoría e educación emocional: desenvolvemento de habilidades socioemocionais, empatía e resolución pacífica de conflitos.
  
  

Valor engadido da metodoloxía:

• Aprendizaxe activa e visual, facilitando a comprensión de conceptos abstractos como o ciclo da violencia ou os micromachismos.
  
  

• Espazo seguro de expresión, onde o alumnado puido verbalizar e compartir ideas e experiencias.
  
  

• Enfoque colaborativo, potenciando o traballo en equipo, o diálogo e o respecto polas opinións alleas.
  
  

En conxunto, esta metodoloxía promoveu unha aprendizaxe transformadora e conectada coa realidade social, contribuíndo á formación integral do alumnado de FP como profesionais conscientes, críticos e comprometidos coa igualdade e contra a violencia de xénero en todas as súas manifestacións e dimensións.

Ademais, tratouse de fomentar o traballo en equipo mediante a colaboración na xeración de ideas, deseño das construccións e resolución de confictos xurdidos durante o proceso.

Obradoiro: A Violencia de Xénero no Contexto Dixital. 29/11/2024 

Neste obradoiro participou alumnado de 1º e 2º de FP Básica de Informática de Oficina e 1º CFGM SMR ordinario grupo de mañá e que tivo lugar na biblioteca.

Lugar: Biblioteca do centro
Impartido por: Pantallas Amigas
Participación: Alumnado de 1º e 2º de FP Básica de Informática de Oficina e 1º do Ciclo Medio de Sistemas Microinformáticos e Redes (SMR) – grupo ordinario de mañá

No marco do Programa Por 365 días de respecto e igualdade do Plan Proxecta, tivo lugar o obradoiro A Violencia de Xénero no Contexto Dixital, impartido pola entidade especializada Pantallas Amigas, recoñecida polo seu labor na promoción do uso seguro e responsable das TIC, especialmente entre a mocidade.

A actividade estivo dirixida ao alumnado de FP Básica e Ciclo Medio das especialidades vinculadas ao ámbito da informática, abordando de forma directa e participativa os riscos específicos que presenta o contorno dixital respecto á violencia de xénero, como o ciberacoso, o control a través das redes sociais, o sexting coercitivo ou a difusión non consentida de contidos íntimos.

 Charla de sensibilización “ A nova escravitude do século XXI : Trata de seres humanos con fins de explotación sexual, outra forma de violencia de xénero dentro do programa "Por 365 días de respecto e igualdade" do Plan Proxecta+” día 23 de xaneiro de 17:00h-19:00h. 

O grupo Carbaiguais quere agradecer ao Centro Alumar xestionado por Cáritas a interesante charla ofrecida ao alumnado de CFGMTCAE de modular e Dual, CFGSAnatomía Patolóxica e Citodiagnostico e CFGMEmerxencias Sanitarias.

 Obradoiro Xénero Educa Dinámicas do día 28 de xaneiro de 17:00h-19:00h, dentro do programa "Por 365 días de respecto e igualdade" do Plan Proxecta+” día 23 de xaneiro. 

O obradoiro foi impartido polo grupo Koremi e asistiu alumando de CFGMTCAE de modular e Dual e CFGM Emerxencias Sanitarias.

A actividade foi impartida polo grupo Koremi, especializado en educación para a igualdade e intervención socioeducativa, e contou coa asistencia do alumnado dos ciclos:

O obradoiro desenvolveuse a través de dinámicas participativas co obxectivo de:

• Fomentar a reflexión sobre os estereotipos e roles de xénero.

• Promover a igualdade real entre mulleres e homes.

• Dotar ao alumnado de ferramentas para identificar e rexeitar condutas machistas normalizadas.

• Impulsar a empatía, a escoita activa e a intervención respectuosa en situacións de desigualdade ou violencia.

Esta actividade forma parte do compromiso do centro coa formación en valores, a educación afectivo-sexual responsable e a promoción dunha convivencia baseada no respecto, na igualdade e na inclusión, aliñada coa liña de traballo do Plan Proxecta+ durante todo o curso escolar.

• Realización de actividade na aula do CFGM de Farmacia e Parafarmacia sobre a sumisión quimica (mes de outubro) módulo de Promoción da saúde módulo de Fisiopatoloxía xeral, módulo de Promoción da saúde e apoio psicolóxico ao paciente, e módulo de FOL.

• Recursos:   

• Sumisión química, voluntades anuladas: https://www.rtve.es/play/videos/documentos-tv/sumision-quimica-voluntades-anuladas/6772221/

• Procedemento de actuación do SERGAS ante casos de sospeita de submisión química: https://www.sergas.es/Violencia-de-xenero/Documents/68/Procedemento_submision_quimica_V5.pdf

• Procedemento de atención a persoas vítimas de violencia sexual (revisión maio 2023): https://www.sergas.es/Violencia-de-xenero/Documents/46/Procedemento_Agresion_Sexual_final.pdf

• Guía pautas básicas en casos de violencia sexual: https://www.sergas.es/Violencia-de-xenero/Documents/46/Procedemento_Agresion_Sexual_final.pdf

• Procedemento para garantir a protección das mulleres en situación de violencia de xénero nos centros sanitarios do SERGAS: https://www.sergas.es/Violencia-de-xenero/Documents/68/Procedemento_submision_quimica_V5.pdf

• Pautas básicas comunes do SNS para a actuación sanitaria ante casos de agresión a mulleres por obxecto punzante en contextos de ocio: https://www.sanidad.gob.es/organizacion/sns/planCalidadSNS/pdf/equidad/Doc_Basico_Agresion_Pinchazo_GrupoProtocolVSexual_vers_19sep2022.pdf

• Noticias:

Presunta sumisión química a una trabajadora por parte de su jefe: https://www.laverdad.es/murcia/alhama/juez-indaga-comerciante-20221023223044-nt.html

Lectura do libro Invisible, de   no Club de lectura do CIFP A Carballeira "Leretanto" 14/11/2023.

Invisible, cuarta novela publicada por Eloy Montero (Castelló, 1976) trata o tema do acoso escolar, encarnado na figura dun neno serio e estudioso, vítima das agresións do matón da súa clase, un inveterado repetidor de curso. A actitude indiferente con que profesores e compañeiros de aula asisten á violencia que sofre o protagonista e que este oculta aos seus pais, acaba por convencerlle de que se volveu invisible.

Lectura de Manifiesto con Frases contra a Violencia de Xénero 24/11/2023

O alumnado de 1º do CFGS ASIIR e CFGS DAW leu un manifiesto con frases contra a violencia de xénero en diferentes aulas da Familia Profesional de Informática, Sanidade e Química.

O alumnado escolleu diferentes frases contra a Violencia de Xénero e fixo unha reflexión sobre as mesmas que compartiu co resto de alumnado de outros grupos.

Obradoiro contra a Violencia de Xènero 19/12/2023

30 alumnos e alumnas de 1º e 2º FP Básica e 4 alumnos/as de 2º QSA participaron en diversas dinámicas para reflexionar sobre a Violencia de Xénero e a necesidade da súa erradicación. 

O obradoiro foi impartido por Joshua de Dinàmicas Xènero Educa o obradoiro impartido a alumnado de 1° e 2° Curso de FP Bàsica contra a Violenia de Xènero.

Lectura do libro Cobiza, de   no Club de lectura do CIFP A Carballeira "Leretanto" 19/12/2024

Cobiza, é unha novela de María Reimóndez que  ofrece unha  novedosa reflexión sobre a construción do sexo e do xénero, das identidades e das orientacións sexuais, así como unha profunda ollada feminista e ecoloxista na reflexión sobre o futuro do planeta.

Charla de sensibilización. “A nova escravitude do século XXI: Trata de seres humanos con fins de explotación sexual, outra forma de violencia de xénero”

Nesta charla o alumnado de 1º e 2º de HIBU  e 1º DIET tivo ocasión de coñecer a labor da Asociación Amaranta coas vítimas da explotación sexual en toda España e máis concretamente en Ourense. O grupo Carbaiguais quere expresar o seu agradecemento a Violeta e Clara, así como ao resto de persoas que conforman a Asociación Amaranta, por  esta charla e pola súa contribución para mellorar a vida das persoas. Charla a cargo da Asociación Amaranta que tivo lugar o 07/03/2024 de 12:00-13:30h. 

Exposición gañadora do concurso Letras Galegas 2024 modalidade B CIFP A Carballeira Marcos Valcárcel. Luísa Villalta escritora feminista.

O equipo Carbaiguais gañou o concurso das Letras Galegas  2024 adicado a Luísa Villalta.

Aquí podedes ver vídeos de YouTube con poemas de Luísa Villalta, a guía didáctica e os carteis, marcapáxinas e a regra.

Luísa Villalta foi unha escritora, violinista, docente e activista social que loitou pola liberdade, a cultura galega e polo apoderamento das mulleres. 

O feminismo percorreu toda a súa obra, pero destacan dous ensaios onde tratou explicitamente a cuestión da literatura escrita por mulleres: un artigo titulado «Mulleres si, pero...», publicado en 1994, en Festa da palabra silenciada, e mais o ensaio «Por que os homes non nos len?», do 2003, inserido nun libro colectivo coordinado por Belén Fortes e titulado Escrita e mulleres. Luísa Villalta  avogou  un «igualitarismo democrático entre homes e mulleres» porque implicaría unha fórmula branda de revolución ao non atentar contra a supervivencia material e biolóxica da sociedade.

A guía didáctica contén actividades multidisciplinares e transversais que permiten o traballo das mesmas en diferentes materias e módulos.

Na elaboración da mesma contribuiu tamén o alumnado das diferentes familias profesionais do CIFP A Carballeira Marcos Valcárcel: Familia Profesional de Informática, Sanidade, Química e Seguridade e Medioambiente.

Lectura do libro No me cuentes cuentos, de   no Club de lectura do CIFP A Carballeira "Leretanto" 21/05/2024.

Sandra Sabatés e Judit Creuhet adaptan a novela gráfica unha selección das desgarradoras historias de ""Non cóntesme contos"" neste cómic que, ademais, inclúe un relato completamente inédito.

Todas coincidimos en que son relatos moi duros pero que reflicten a triste realidade do noso día a día: violencia sexual, machismo, violencia de xénero, tráfico de mulleres, e un longo etcétera... 

Memoria das actividades desenvolvidas para o Plan Proxecta+: Por 365 días de respecto e igualdade polo grupo Carbaiguais durante o curso escolar 2023/24 no CIFP A Carballeira - Marcos Valcárcel en Ourense.

Moitas grazas a toda a nosa comunidade educativa e a todas as persoas colaboradoras que fixeron posible o desenvolvemento deste proxecto.