Search this site

Embedded Files

Ako ay Tomboy. Ako ay Bakla.

Home
Aklat
Gabay
Dagdag na Babasahin
Resources

Ako ay Tomboy. Ako ay Bakla.

Home
Aklat
Gabay
Dagdag na Babasahin
Resources
More

Ang Aklat

Maarin niyong basahin ang buong aklat sa webpage na ito.
Meron ding alt-text ang mga larawan.

Ako ay Tomboy. Ako ay Bakla.

Hello! Ako si Kristin. Isa akong bakla.

Crush ko si Juan. Sa tingin ko, ang pogi niya. Tapos, mabait pa.

Mahaba ang buhok ko at mahilig akong magbestida. Mahilig din akong mag-makeup.

Tulad niyo, isa rin akong cute at mabait na estudyante!

Hello! Ako si Andrea. Isa akong tomboy.

Crush ko si Maria. Katabi ko siya sa klase. Maganda siya! Palagi niya rin akong tinutulungan sa assignments ko.

Maiksi ang buhok ko. Mahilig din ako sa maluluwag na T-shirt at pantalon.

Tulad niyo, isa rin akong cute at mabait na estudyante!

Hello! Ako si Gab. Isa akong bakla.

Noon, crush ko si Angelo. Kapitbahay namin siya. Kalaro ko siya tuwing tanghali! Pero ngayon, sa tingin ko ay si Princess na crush ko. Kasabay ko siya umuwi palagi galing sa eskwela.

Sabi nila mama at papa, mahinhin daw ako kumilos. Hilig ko rin ang kulay pink kaya tignan niyo, puro pink ang gamit ko!

Tulad niyo, isa rin akong cute at mabait na estudyante!

Hello! Ako si Alexa. Isa akong tomboy.

Crush ko si Lea. Kasabay ko siya kumain palagi sa eskwela. Sa tingin ko ay ang ganda-ganda ni Lea kahit nagugutom siya.

Hilig kong mangolekta ng kwintas, hikaw, at pulseras. Ibinabagay ko ito sa mga bestida ko tuwing lumalabas ng bahay.

Tulad niyo, isa rin akong cute at mabait na estudyante!

Hello! Ako si Mark. Isa akong bakla.

Crush ko si Sam. Napaka-bait niya sa akin at sa ibang tao. Ang pinakagusto kong katangian niya ay ang kanyang pagkamagalang.

Bata pa lang ay hilig ko nang magpakalbo para presko. Mahilig din ako magsuot ng kumikinang na mga hikaw.

Peyborit ko rin ang red na kulay ng lipstick. Tulad niyo, isa rin akong cute at mabait na estudyante!

Hello! Julia ang pangalan ko dati. Ngayon, Jules na. Isa akong tomboy.

Noon, crush ko si Carlo. Kaklase ko siya noong kinder ako. Pero ngayon, crush ko na si Niki. Si Niki na ang palagi kong kasama pumunta sa canteen.

Nais kong magpatubo ng balbas paglaki ko. Sa tingin ko, astig ito, tulad ng kay Papa!

Tulad niyo, isa rin akong cute at mabait na estudyante!

Lahat kami ay cute at mabait! Hindi kami pasaway na anak, at masipag din kaming mag-aral. Nais naming mamuhay nang matagal sa mundo para marating ang aming pangarap. Natutuwa kaming makilala kayo!

To cite our website:Buena, K. N., Chan, M. A. L., de Castro, R. M., & Rayat, J. L. (2024). Ako ay Tomboy. Ako ay Bakla. [website]. https://sites.google.com/up.edu.ph/akoaytomboyakoaybakla/
COPYRIGHT ©2024. AKO AY TOMBOY. AKO AY BAKLA. ALL RIGHTS RESERVED.

Report abuse

Page details

Page updated

Report abuse