ત્યાં પહોંચવા માટે કેવા વાહન ની જરૂર પડે? સફર દરમ્યાન આપણા નિયંત્રણ કેન્દ્ર સાથે સંદેશાવ્યવહાર કેવી રીતે કરવો વગેરે તમામ પાસાઓ નો અભ્યાસ કરીને જ આપણે સુયોગ્ય અવકાશયાન - અવકાશ યાત્રી માટે ના પોષાક વગેરે તૈયાર કરી શકીએ અને પછી જ સફળ યાત્રા કરી શકીએ.

બરાબર આજ પ્રમાણે આપણી જગતયાત્રા આપણે સફળતાથી કરી શકીએ તે માટે જરૂરી છે કે આપણે આ જગતના મૂળભૂત ગુણધર્મો અને પૃથ્વીપરના જીવન ને લાગુ પડતી કેટલીક પાયાની શરતો સમજી લઈએ. આપણે જ્યારે પણ આ શરતો નું પાલન યોગ્ય રીતે કરતાં નથી ત્યારે ત્યારે આપણી જીવન-યાત્રા અવરોધાય છે ને સતત આવું દુર્લક્ષ્ય ચાલુ રહે તો એવું પણ બને કે આખી યાત્રા જ ખોરંભે ચઢી જાય.