¿Qui som?
La Sociedat de Lingüistica Aragonesa (SLA) é una asociacion cientifica, fundada el dia 20 de março de l’an 2004 a Graus (Ribagorça, Uesca). Tin el suyo domicílio social al centro Espacio Pirineos (Plaza de La Compañía, 2, 22430, Graus). Els més dels suyos miembros som naturals de zonas anque se ragona, encara avui, una modalidat romanica aragonesa. Som filologos, escritors i estudiosos que compartim una comun vision per l'estúdio cientifico i la dignificacion del patrimònio lingüistico aragonés; en particular, pel ribagorçano. Tenim coma prioridat recuperar la transmision intergeneracional de la llengua i asegurar la suya supervivéncia.
¿Quin ideari tenim?
La SLA é una asociacion apolitica. Considera la obra de Joan Coromines i Vigneaux (1905-1997) una referéncia fundamental de com aspira a posar en practica l’estúdio del patrimònio lingüistico aragonés. La SLA tamé reivindica l’inmenso treball d’investigacion efectuau pel filologo francés Jean-Joseph Saroïhandy (1867-1932), així coma la empresa dialectologica de l’avogau binefarense Benito Coll y Altabás (1858-1930).
¿Qué fem?
La SLA postula l’estúdio del patrimònio lingüístico d’Aragon, enteneu coma un treball interdiscipllinar —filologico, literari, historico, antropologico, sociologico— i vinculau a las modalidaz lingüísticas germanas: el gascon, el pallarés, l’urgellenco.
Investigacion
La SLA vèu primordial documentar la llengua viva. En conseqüéncia, dedica un gran esfuerço al treball de campo, i a difonre els materials compilaus en publlicacions academicas i congresos organizaus per distintas institucions cientificas (Société de Linguistique Romane, International Council of Onomastic Sciencies, Associacion Internacionala d’Estudis Occitans). Desde l’an 2005, a més a més, la SLA ha editau una revista de filologia romanica: De lingva aragonensi.
Codificacion
La SLA està ubèrta a la codificacion grafica, gramatical i lexica del patrimònio lingüistico aragonés. En este sentiu, cònta en una propuesta ortografica —la Ortografia DLA—, i treballa de fa ans en la redaccion de divèrsos materials destinaus a la restauracion, transmision i docéncia de las variedaz romànicas aragonesas.
Divulgacion i colaboracion
D’ixe treball cientifico beben tamé els eventos organizaus al llargo de toz estes ans per la SLA: jornadas d’estúdio i promocion del patrimònio lingüistico d’Aragon, cursos d’ensenyança de la llengua, tallers de conversacion. Cada an desde el 2003, la SLA i els Ajuntaments d’Estadilla, Fonz i Graus convocan el prèmio literari Condau de Ribagorça. Último, la SLA brinda asesorament gratuito a institucions, asociacions, colectivos i particulars que se mòstren interesaus en la promocion del patrimònio lingüistico d’Aragon.