Նորություններ
Մեղվաբուծությունը,որպես փախստական կանանց հասարակություն ինտեգրելու արդյունավետ միջոց
2016թ-ի հունիս ամսից Կոտայքի մարզում ՙՙՇենացնենք մեր գյուղը,, հասարակական կազմակերպությունը իրականացնելու է մեղվբուծության կարճաժամկետ մոդուլային դասընթացներ հիսուն փախստական կանանց համար: Ծրագիրը ֆինանսավորվել է The BEARR Trust կազմակերպությունը;
Ամառային -շրջիկ ճամբար
<<Շենացնենք մեր գյուղը>> հասարակական կազմակերպությունը և <<Կանաչ մոլորակ>> երիտասարդական շարժումը յուրաքանչյուր տարի իրականացնում է ուսուցողական շրջիկ-ճամբար Հայաստանի տարբեր մարզերում,որին մասնակիցն են լինում երիտասարդ կամավորներ նաև հաշմանդամ երիտասարդներ:
Այս տարի `հուլիս-օգոստոս ամիսներին ճամբարի մասնակիցները հնարավորություն կունենան այցելելու Հայաստանի և ԼՂՀ պատմամշակութային վայրերը,ծանոթանալ ՀՀ գյուղական համայնքերի սահմանափակ հնարավորություններով երիտասարդների սոցիալական խնդիրներին,ինքնուրույն առաջարկներ ներկայացնել այդ խնդիրները շտկելու վերաբերյալ:Ճամբարի մասնակից երիտասարդները հնարավորություն կունեն ուսամնասիրելու մարդու իրավունքի և շահերի պաշտպանության արագընթաց դասընթացները,ինչպես նաև սեփական ուժերով նկարահանել սոցիալական ֆիլմ,որը նվիրված կլինի հաշմանդամ երիտասարդների խնդիրներին:Շրջիկ երտասարդական ճամբարի մասնակիցների համար իր փորձը կներայացնի <<Շենացնենք մեր գյուղը>> ՀԿ-ի կամավորը`ԱՄՆ խաղաղության կորպուսից:
Բարի երթ ճամբարակ
<<Ճանաչենք և գտնենք մեր մշակութային արժեքները>>
<<Շենացնենք մեր գյուղը>> հասարակական կազմակերպությունը
սկսել է<<Ճանաչենք և գտնենք մեր մշակութային արժեքները>> խորագրով միջոցառումների շարքը,որի շրջանակներում պարբերաբար կկազմակերպվեն այցելություններ Հայաստանի տարբեր մշակութային օջախներ և պատմամշակութային հուշարձաններ:
Մարտի 19-ին <<Շենացնենք մեր գյուղը >> ՀԿ-ի 100 շահառուներ
Երևանի քաղաքապետ Տարոն Մարգարյանի աջակցությամբ,այցելեցին Երևանի Գ. Սունդուկյանի անվան ազգային ակադեմիական թատրոն,որտեղ հայ թատերական արվեստի երախտավոր Գուրգեն Ջանիբեկյանի անվան <<Գուրջան>> հիմնադրամը ներկայացնում էր Լիանա Անթառամյանի <<Սարերում էլ կյանք կա>> դրաման:
Բարեգործական ակցիա
2012թ.-ի փետրվարից մեկնարկել է <<Շենացնենք մեր գյուղը>>
ՀԿ-ի <<Ավելի երանելի է տալ,քան առնել>>
կարգախոսը կրող բարեգործական միջոցառումների շարքը :
Կոտայքի մարզի բազմաթիվ սոցիալապես անապահով ընտանիքներ ստացան տաք
հագուստ,վերմակներ,գրենական և հիգիենայի պարագաներ:
<<Շենացնենք մեր գյուղը>> ՀԿ-ին աջակցել էին կազմակերպության
մշտական գործընկերներ <<Միջազգային օգնություն և զարգացում>> կազմակերպության Հայաստանյան գրասենյակը `http://ird.org/ և Քաունեթրփարթ Ինթերնեյշնլ Հայաստան կազմակերպությունը`
http://program.counterpart.org/Armenia/?lang=hy
Երիտասարդ կամավորները այցելեցին բազմաթիվ կարիքավոր ընտանիքիներ և իրենց ձեռքով տաք հագուստ և կենցաղային իրեր հանձնեցին կազմակերպության շահառուներին:Աղքատության մեղմացմանը ուղղված այս բարեգործական ակցիան ուներ նաև մեկ այլ խորհուրդ`այն երիտասրարդներին ևս մեկ անգամ ուղղեց դեպի բարեպաշտություն,սովորեցրեց,որ քրիստոնեայի ամենամեծ սիրո արտահայտությունը` օգնությունն է կարիքավորին:Աստվածաշնչյան հայտնի խոսքերը `<<Ավելի երանելի է տալ,քան առնել>> իրատեսական եղան:
Ամանորը`կենդանի տոնածառով
<<Շենացնենք մեր գյուղը>>
հասարակակական կազմակերպությունը շնորհակալություն է հայտնում
Երևանի կենդանաբանական
այգու/http://yerevanzoo.am/ղեկավարությանը
ի դեմս տնօրեն պ-ն Ռ. Խաչատրյանին և <<Վայրի բնության և մշակութային արժեքների պահպանման >> հիմնադրամին/ http://www.fpwc.org//:
Տրմադրված ծաղկամանով բնական տոնածառը կզարդարի Ամանորյան միջոցառումների սրահները,իսկ գարնանը կտեղադրվի կազմակերպության հողամասում:
Հաշմանդամների իրավունքերի
միջազգային օրվան նվիրված մեկ ամսյակ
<<Շենացնենք մեր գյուղը >> հասարակական կազմակերպությունը համագործակցելով մի շարք հասարակական կազմակերպությունների և երիտասարդական շարժումների հետ դեկտեմբերի 1-ից մինչև դեկտեմբերի 30 -ը հայտարարել է հաշմանդամների իրավունքերի պաշտպանության միամսյակ ,որի շրջանակներում իրականացնում է հետևյալ միջոցառումները
<< Իրավունքը քոնն է>> շահերի պաշտպանության քարոզարշավներ ՀՀ մարզերում և Երևան քաղաքում:
Բարեգործական այցելություններ շահառու հաշմանդամ երեխաների ընտանիքներ
Հոմանիտար օգնության բաշխում
Ամանորյա ցերեկույթներ
Բարեգործական համերգներ
Հաշմանդամների ձեռքի աշխատանքների շրջիկ ցուցահանդեսներ
Կլոր սեղաններ
Արցախյան հերոսամարտ 20
2011թ-ի սեպտեմբերի 6-9 <<Շենացնենք մեր գյուղը>> և <<Մարդու իրավունքների միջազգային հանրություն >> հասարակական կազմակերպությունների մոնիտորինգի խմբի երիտասարդները <<Արցախյան հերոսամարտ 20>> ծրագրի շրջանակներում այցելություն կատարեցին Լեռնային Ղարաբաղի Հանրապետություն,որտեղ իրականացրեցին հարցազրույցներ ,լուսա և տեսանկարահանումներ,որոնք հետագայում կօգտագործվեն <<Հակամարտություն 20 տարի անց>> գրքում և նույնանուն վավերագրական ֆիլմում:Երիտասարդ կամավորները իրենց հարգանքի տուրքը մատուցեցին Արցախյան հերոսամարտի զոհվածներին`այցելեցին Ստեփանակերտի զոհված ազատամարտիկների հուշահամալիր,թարմ ծաղիկներ և ծաղկեպսակներ դրեցին հերոսների շիրիմներին:
<<Շենացնենք մեր գյուղը>> և <<Մարդու իրավունքների միջազգային հանրություն>> հասարակական կազմակերպությունները նախատեսել են նաև մի շարք հասարակական միջոցառումներ և ակցիներ նվիրված ՀՀ բանակի և Արցախյան հերոսամարտի 20 ամյակին:
Նոր Գեղիում բացվել է համակարգչային կենտրոն
Շենացնենք մեր գյուղը հասարակական կազմակերպությունը գյուղական համայնքներին ուղղված իր բարեգործական ծրագրերի շրջանակներում Կոտայքի մարզի Նոր Գեղի համայնքի գյուղատնտեսական քոլեջում բացել է համակարգչային արդիական կենտրոն, որը համալրված է 7 համակարգչով, տպիչ/սկաներով, հարմարավետ կահավորանքով:
Այս կենտրոնը գյուղաբնակ երիտասարդներին հնարավորություն է տալիս ոչ միայն կապի մեջ լինել աշխարհի հետ, այլ նաև մասնակցել համակարգչային խորացված դասընթացների:
Համակարգչային դասընթացներին մասնակցում են նաև սահմանափակ հնարավորություններով երիտասարդներ հարակից գյուղերից:
Սեպտեմբեր ամսից սրահի այցելուները, բացի համակարգչային գիտելիքներից, կստանան նաև իրավաբանական և հոգեբանական անվճար խորհրդատվություն:
Ծրագրին աջակցել է ՎՕՍ բարեգործական հիմնադրամը և Նոր Գեղիի գյուղատնտեսական քոլեջը: