FP DUAL
Ademais da oferta ordinaria de FP, a Xunta ofreceche a posibilidade de estudar un ciclo formativo ao mesmo tempo que inicias a túa aventura no mercado laboral: FP DUAL
- Calendario de admisión curso 2023-24
- Información importante FP Dual.
Cales son os requisitos para acceder á FP dual?
- Ter dezaoito anos ou máis no ano natural en que comece o ciclo formativo.
- Carecer da cualificación profesional, obtida e recoñecida polo sistema de formación para o emprego ou do sistema educativo, requirida para concertar un contrato en prácticas para o posto de traballo ou a ocupación obxecto do proxecto.
- Non ter realizado con anterioridade un contrato de formación e aprendizaxe, e cumprir os requisitos establecidos na normativa laboral vixente para o poder efectuar.
- Non ter superado ningún módulo profesional do ciclo formativo do proxecto solicitado, agás que fose cursando outro ciclo formativo.
Cal é a duración dun ciclo formativo na modalidade dual? Nesta modalidade dual, os ciclos formativos poden distribuírse en dous ou en tres anos.
Cantas horas de formación se realizan na empresa? Das 2.000 horas establecidas no currículo, un mínimo do 33 % deberase impartir coa participación da empresa.
Cal é o vínculo do alumnado de FP dual coa empresa? O alumnado pode ter a condición de bolseiro ou ser contratado pola empresa mediante un contrato de formación e aprendizaxe. En calquera caso, o alumnado debe ser incorporado ao réxime xeral da Seguridade Social.
Percibe o alumnado de FP dual algún tipo de remuneración? O alumnado percibe unha remuneración proporcional ao tempo de permanencia na empresa que non foi destinado á formación: tempo efectivo de traballo. Para o seu cálculo, utilizarase a contía establecida no convenio colectivo ou, de non existir, a contía do salario mínimo interprofesional.
Que vantaxes teño ao estudar un ciclo formativo na modalidade dual?
- Recibirás unha remuneración desde o inicio do teu período de permanencia na empresa. Esta remuneración pode ir aumentando cada ano á medida que aumenta a túa competencia profesional.
- Terás maior facilidade para a túa inserción no mercado laboral mediante a adquisición dunha titulación de formación profesional de xeito simultáneo á túa integración nos procesos produtivos da empresa.