Voordele van Ligtestaal

Omgewingsvriendelike konstruksie vir die alleman – modulêre Ligtestaal : ’n nuwe “mindfame”

Voordele :

1. Ligte Staal Raam Konstruksie gee aan ontwerpers en eienaars die geleentheid om energieverlies te verminder deur die konstruksie proses, sowel as gedurende die gebou se lewensiklus.
2. Die primêre staal industrie wêreldwyd het die laaste paar jaar geweldige moeite gedoen om produksie-prosesse te slyp vir verminderde energieverbruik sowel as om besoedeling te bekamp. Groot hoeveelhede staal wat vandag gebruik word in ligte staal konstruksie is reeds her-winde staal met ’n gemiddeld van 25% herwinde inhoud.
3. Ligte staal konstruksie begin by die ingenieurs proses waarin die ontwerp ge-optimiseer word om liggewig en veilig te wees en natuurlik te voldoen aan ingenieurs-standaarde.
4. die massa van ’n ligte staal muur is minder as 10% van ’n dubbelspou baksteen muur en ’n hoë krag/massa ratio verseker ’n sterk liggewig struktuur. Die vervoerkostes na die terrein vir so ’n struktuur is reeds ’n groot besparing aangesien dit net een liggewig aflewering is teen ’n paar aflewerings vir sand, klip en stene.
6. Die grootste besparings lê egter in die bewoning van die struktuur self . Isolasie materiale en ontwerp word gespesifiseer deur die Nasionale standaarde wat in klimaat en geografiese sones verdeel is om gesonde en sinvolle besparings in energieverbruik te vestig.
7. Staal word plaaslik ge-oes, as sink-aluminium bedekte staal produk is dit roesvry vir stadige veroudering en lang raklewe en is 100% herwinbaar
8. As ligte staal produk word die staal in ’n kanaal profiel in die vorm van ’n hoofletter “C” ( op engels “channel” ) op hoë spoed gerol en gesny. Die proses het min afval omdat vooraf programmering die staal in lengtes sny volgens die ontwerp-patroon en daar geen afval- stukke is nie.
9. Die staal word dan vinnig aanmekaargeskroef in panele of ook verder verwerk tot volledige muurpanele met vensters, deure, isolasie en dakpanele wat oprigting op terrein bespoedig.
10. Die kanaal profiel verskaf optimum kragte en minimaliseer die ontwerp sodat die konstruksie as’t ware die liggewig ratel in die boubedryf is . Die massa van ’n staal muur is ongeveer 10% van ’n gewone dubbel spou-baksteen muur.
11. Die liggewig struktuur is ook ’n beter oplossing vir tweede verdiepings en strook-fondasies benodig heelwat minder beton om die mure te dra.
12. Veiligheidstoetse wys superieure weerstand teen sterk wind en aardbewings, omdat daar baie meer kruisverstywing en ’n reëlmatige verspreiding van laste is
13. Die boumateriale is kewer en rysmier weerstandig, wat vervanging uitsny
14. Die isolerings- kwaliteite van mure verwerf goue status aan so ’n gebou - met energiebesparings in beide verkoeling en verhitting, asook rakleeftyd, wat gewoonlik vir 50jaar gewaarborg word.
15. Die konstruksiemetode verseker 40% vinniger oprigting, daar is net ’n klein spannetjie opgeleide mense nodig om hoeke en die dakpanele te vestig, ’n gesonde voordeel in ’n tyd waar mense dikwels onregmatig staak.
16. Daar is geen of baie min konstruksie rommel op terrein.
17. Lae toksisiteit in die gebou omdat daar nie kewers of droë muf kan ontstaan nie, asook geen gif of formalien in die materiale
18. Geboue kan mobiel wees of permanent verseker, vloere is dikwels ook staal panele met so min beweging dat dit geteel word.
19. Volgens navorsing is 5 maal beter isolerings- en energiebesparende kwaliteite toe te dig aan ordentlike kwaliteit materiale – die voorgeskrewe materiale vir alle suid Afrikaanse geboue – ook die RDP huise. As ’n goeie gevolg van hierdie praktyk is daar groter klankdigtheid met ’n lae geraasfaktor,
20. Geboue se digtheid verseker laer kragverbruik en hitteverlies asook groter natuurlike beheer oor ventilasie
21. Presisie Produksie en snytegnieke verseker ’n deurlopend netjiese struktuur omdat dit beskik oor perfekte hoekigheid , wat modulêre kas-installasies vergemaklik en dus baie tyd en geld spaar vir ’n selfdoender
22. Rentekoers besparing op banklenings omdat arbeid verminder word tot 20% teen die 60% van konvensionele boumetodes, maak dit verder baie opwindend.

Muur konstruksie is ’n belangrikse faktor -

Bekleding van buitemure is gewoonlik groot versterkte veselsement velle van plus-minus een cm in dikte en bestaan uit :

Plantaardige sellulose materiaal , herwinde boumateriaal pap, silika sand en sement wat deur ’n stoomproses gaan om dit brandvry , waterdig en ryp te maak.

Dit word gerol in plat velle of fasade planke, vir ’n gladde of moderne effek en kan net so ongeverf gelaat word.

Muur afwerkings sluit in gewone sement pleister (stucco) en kan ook afgewerk word met ’n enkellaag baksteen of natuurlike klip

Voorafvervaardigde stelsels (EFIS) systems ook genoem sintetiese pleister is deesdae ’n tweede generasie buitebekleding en bestaan uit ’n paar lae :

1. ’n laag skuimplastiek of verharde verdigte polistireen, wat mens EPS noem ( Expanded Polystyrene ) met geweldige isolasie kwaliteite
2. ’n versterkings laag, gewoonlik geweefde veselglas met ’n hoë impak digtheid,
3. Die bo of buite laag is gewoonlik ’n gekleurde getekstureerde taai verf mengsel , aangewend met ’n troffel, soms met ingeboude sand of klip
4. ook beskikbaar is bekleding met ingeboude dreinering.

Ander afwerkings is hout of glas panele – daar is daagliks nuwe en opwindende materiale wat die voorgeskrewe lae geleidings faktore handhaaf of verbeter daarop.

Vermont Plank “Ship Lapped” veselsement planke met hout teksture maak dit interessant

ander bekleding sluit in :

• Staal of aluminium panele

• voorafvervaardigde laaghout

Binnemure is gewoonlik ook veselbord in dunner formaat, afgewerk soos enige ander muur, gipsbord, asook magnesium bord almal benodig net ’n las afwerking omdat dit reeds glad is.

Isolasie materiale in mure wissel van afval plastiek tot brandvrye sellulose watte, konstruksie foelie, verdigte polistireen , voeg “batting” of spons , bubble wrap en vele ander gewoonlik van herwinde materiale soos plastiek, poliuretaan en poliëtileen.

Vloere behels ’n goeie liggewig Beton / Perliet Aggregaat mensel wat ’n baie lae geleidings faktor handhaaf. Dit is vulkaan klip wat gemeng word met sement om ’n besondere sterk liggewig beton te vorm wat isolerend is teen geologiese temperatuurskommelings.

Volhoubaarheid gaan oor die effektiewe toepassing en optimisering van hernubare bronne. So ook in die konstruksie bedryf. Groen is die nuwe goud, want sogenaamde groen produkte verkoop soos soetkoek, sommige beter as ander. Mens moet egter jou navorsing doen sodat jy verantwoordelik bou, koop en installeer.

Daar bestaan warmwater stelsels wat werk met fisika en jy het nie waarlik elektriese Chinese produkte nodig van die ander kant van de planeet nie- Dit verg duur energie om in Suid-Afrika te lewer, iets om in gedagte te hou

Om ’n groen leefstyl te implementeer beteken om op mikro en makrovlak aanpassings te maak. In die konstruksie bedryf beteken dit :

Volhoubaarheid – met boumetodes, materiale en installasies om na voltooiing van konstruksie in die struktuur te woon met die gebruik van die minimum eksterne energie bronne d.w.s. vërsiende en verantwoordelike ontwerp van die gebou op ’n holistiese grondslag.