強身健體

大家好！腦癇症患者 可以做咩運動呢？腦癇症未能根治病情，使用藥物治療的作用減少發作機會。大家都知道「運動是良藥」個道理，原來多做運動，以及保持充足睡眠，都可以減少腦癇症發作嘅機會。

年過70歲嘅洪叔相當精神，皆因他有保持做運動嘅習慣，今次佢向 #AASFP 精英教練林敬良（Allen）取經，期望學識更多做運動嘅心得，控制病情。一連五集，Allen同洪叔一齊做運動示範，各位朋友唔好錯過啦！

第一集，Allen教導洪叔用一條毛巾做 #伸展運動， 洪叔亦好努力跟住做，大家都唔好偷懶啦！

腦神經科專科醫生馮斌熙亦喺片尾比腦癇症病人同家屬一啲Tips，「有部份腦癇症病人以及家屬會覺得，做運動會誘發腦癇症發作，但其實做適量同合適嘅運動，對病情唔會有影響」。馮醫生補充，做一啲簡單啲伸展運動，好適合大部份腦癇症病人，保持身心健康，先可以提高生活質素。