yatipraNavakalpa - moola
yatipraNavakalpaH
samiccavArjyakAnhutwa samyakpuruShasUktataH |
sarveShAmabhayaM datwA viraktaH pravrajeddharim || 1 ||
shrutvA bhAgavataM shuddhamAcAryaM sharaNaM vrajet |
adhIhi bhagavo brahmetyasmai brUyAdguruH param || 2 ||
uccArayaMstrishastAraM dakShiNe shravaNe tathA |
RuShicCandodaivatAni brUyAtasya kramAtsudhIH || 3 ||
antaryAmIti gAyatrI paramAtmetyanukramAt |
vishvashca taijasaH prAj~jasturyashcAkSharadevatAH || 4 ||
kRUShNo rAmo nRusiMhashca varAho viShNureva ca |
para~jjyotiH paraMbrahma vAsudeva iti kramAt || 5 ||
akArAdestathA shAntAtishAntAntasya devatAH |
evamuttavA tu taddhacyAnaM brUyAcCiShyAya sadguruH || 6 ||
aShTapatre tu hratpadmahadhye sUryenduvahnigam |
pIThaM tanmadhyapadmasthaM nArAyaNamanAmayam || 7 ||
udyadAdityasa~gkAshaM tejasA&nupamaM sadA |
sahasreNApi sUryAnAM sa~jj~jAnAnandarUpiNam || 8 ||
atiraktatalaM bhAsvannaKarAjivirAjitam |
vRuttaja~g GaM vRuttajAnuM hastihastorumIshvaram || 9 ||
mahAkaTitaTAbaddhakA~jcIpItAmbarojjwalam |
nimnanAbhiM sutrivaliM suvRuttodarabandhanam || 10 ||
vishAlavakShasaM bhrajatkaustubhAmuktakandharam |
vanamAlAdharaM hAravaijayaMtyAdibhiryutam || 11 ||
pRuthudIrGacaturbAhuM sha~gKacakragadAmbujaiH |
yuktamunnidrapadmAkShaM sphuranmakarakuNDalam || 12 ||
pUrNacandrAyutodriktakAntimanmuKapa~gkajam |
suBruvaM sulalATAntaM kirITAbaddhamUrdhajam || 13 ||
niHsheShaduHKashamanaM nityAnandashucismitam |
vishvAdIMshcaiva kRuShNAdInevaMbhUtAnsanAtanAn || 14 ||
abhinnAneva satataM tasmAdviShNoH parAtmanaH |
varAbhayodyatakarAnnityAnandaikarUpiNaH || 15 ||
evamuttavA gururdhyAnaM shapathaM kArayettataH |
na viShNuM vaiShNavAMshcaivApyutsRujeyamiti trishaH || 16 ||
na cAnyadevatAsAmyaM tadaikyamathavA hareH |
cintayeyaM mRuto vA&pi na cApyekatvavAdibhiH || 17 ||
samatvavAdibhirvA&haM sa~ggacCeyaM katha~jcana |
tannindakaishca tadbhaktanindakairvA mahAmune || 18 ||
evaM kRute tu shapathe mastake hastapa~gkajam |
nidhAyottIrya saMsArAtsuKI bhava hareH priyaH || 19 ||
sarvaduHKAdibhirmukto nityAnanadaikarUpiNaH |
samprApya viShNusAmIpyaM tatrApi haribhaktimAn || 20 ||
bhaktimAMshcAnyadeveShu tAratamyaM ca sarvadA |
sarvotkarShaM smaranviShNorbhUyAshcaiva sadA sukhI || 21 ||
na muktau viShNunaikyaM vA muktAnAM sAmyameva vA |
smarethA iti cottavA tu smayAnanushikShayet || 22 ||
nityashashca hareH pUjA japadhyAnasamarpaNam |
kartavyaM tu tvayA vatsa japashca trisahastrakaH || 23 ||
madhyamaH praNavasyokto yo&varaH sa sahastrakaH |
trisahastrAtparo yastu sa uttamajapaH smRutaH || 24 ||
AtmAnaM pratibimbatve dhyAyanbimabaM janArdanam |
dhyAyaMshca satataM vatsa saparyAM nityashaH kuru || 25 ||
mAnasairvAtha puShpairvA praNavena samAhitaH |
anyAMshca vaiShNavAnmantra~jjapethA bhaktipUrvakam || 26 ||
shruNuShva vaiShNavaM shAstraM sadA vedArthatatparaH |
vedAnmantrAnupaniShatshitAnsarvadA shruNu || 27 ||
itihAsapurANe ca pa~jcarAtraM tathaiva ca |
tadarthAnbrahmasUtraishca samya~g nirNIya tattvataH |
viShNoH sarvottamatvaM tu sarvadA pratipAdaya || 28 ||
|| iti shrImadAndatIrthabhagavatpAdAcAryaviracitaH yatipraNavakalpaH ||
Copyright © 2006 Dvaita Resources
The information on this page may not be republished on another webpage or website. Please LINK TO US instead