On this auspicious day of Ramanavami , Please extend your support for our Temple In Canada , Let us Spread our glorious Sanatana Dharma Everywhere !
yamakabharata - moola
OM dhyAyet.h paramAnandaM yanmAtA patimayadaparamAnandam.h |
ujjhitaparamAnaM dampatyAdyAdyAshramaiH sadaiva paramAnandam.h || 1||
yasya karALoLaM chakraM kALaH paraH sa hi karALoLam.h |
yasya gadA pavamAnaH san.h yo vyAso.abhavat.h sadApavamAnaH || 2||
yasya ramA na manogaM jagR^ihe vishvambharA.api na mano.agam.h |
yasya pumAnAnandaM bhuN^kte yad.h dhAma kapatimAnAnandam.h || 3||
parameshhu yadA tejaH parameshhu chakAra vAsudevo.ajaH |
mAnadhi bibhratsu mano mA.anadhimA.a.asInna vAsudevo jaH || 4||
so.ajani devakyante yasmAdanukampanAvadeva kyante |
avadan.h devakyaM te bhuvanaM hi surAH sadaivade.ava kyante || 5||
nIto vasudevena svatatena sa gokuLaM suvasude.ave na |
tatra yashodA tanayaM mene kR^ishhNaM svakIyamavadAtanayam.h || 6||
vavR^idhe gokuLamadhyAdyo devo vishvamad.hbhutAkulamadhyAt.h |
tatra cha pUtanikAyA vadhamakarod.h yannijAH supUtanikAyAH || 7||
adhunochchhakaTaM Lo LI pAdAN^gushhThena vAtapeshashakaTaM LoLI |
atanod.h raxAmasya svAj~nAnAd.h gopikA saderaxAmasya || 8||
mukhalALanaloLA tanmukhagaM jagadachashhTa sALanaloLAtat.h |
nAdhyainmAyAmasya jagatprabhoH svadhikatatatamAyAmasya || 9||
tasya susharmANyakaro dariNo gargaH saduktikarmANyakarot.h |
avadannAmAnamayaM jagadAdiM vAsudevanAmAnamayam.h || 10||
tasya sakhA balanAmA jyeshhTho bhrAtA.atha yannijAbalanA mA |
yasya cha paryaN^ko.ayaM pUrvatano vishhNumajasaparyaM ko.ayam.h || 11||
tena hato vAtarayastR^iNachakro nAma ditisuto.avAtarayaH |
haramANo vAlatamaM svAtmAnaM kaNTharodhinA.avAlatamam.h || 12||
so.avanimadhye raN^gan.h aridarayug.h bAlarUpamadhyeraM gan.h |
amushhannavanItamadaH svagokuLe gopikAsu navanItamadaH || 13||
tanmAtA kopamitA tamanusasArA.atmavAdavAkopamitA |
jagR^ihe sA namanaM taM devaM tachchintayaiva sAnamanantam.h || 14||
atha sA.antaritA.amAnaM vishhNuM vishvodbhavaM tadA.antaritAmAnam.h |
anayad.h dAmodaratAM yo.aramayat.h sundarIM nijAmodaratAm.h || 15||
chakre so.arjunanAshaM prApnoti cha yatsmR^itiH sadA.arjunanA sham.h |
tau cha gatau nijamokastenaiva nutena yannijo nijamokaH || 16||
atha vR^indAvanavAsaM gopAshchakrurjagatxitA.avanavAsam.h |
tatra bakAsuramAraH shaurirabhUnnityasaMshritAsuramAraH || 17||
ahanad.h vatsatanUkaM yo.apAllokaM svayatnavatsatanUkam.h |
so.apAd.h vatsAnamaraH sahAgrajo gopavatsavatsAnamaraH || 18||
sa vibhuH shrImAnahike nanarta yasya shramAnamA mA na hi ke |
akaronnadyudakAntaM kAntaM nItvoragaM sa nA.a.adyudakAntam.h || 19||
hatvA dhenukamUDhaM balAt.h pralambaM cha kheT.h sadhenukamUDham.h |
vrajamAvIdamR^itAshaH pItvA vahniM charasthirAdamR^itAshaH || 20||
giriNA raxA.api kR^itA vrajasya tena svaraxaraxA.api kR^itA |
shakrAya vyaJNjayatA svAM shaktiM vishvamAtmanA.avyaM jayatA || 21||
reme gopIshhvarihA sa manmathAkrAntasundarIpIshhvarihA |
pUrNA.anandaikatanuH sa vishvarukpAvano.ayapyanandaikatanuH || 22||
atha hatayorgaLikeshyoH shvaphalkajaprApitaH purIM gaLikeshyoH |
bhaN^ktvA dhanurAjavaraM jaghAna tenaiva cha svayaM rAjavaram.h || 23||
mR^idgan.h gajamugrabalaM sabalo raN^gaM vivesha sR^itimugrabalam.h |
hatvA mallau balinau kaMsaM cha vimoxitau tatau lau balinau || 24||
prAdAt.h sAndIpanaye mR^itaputraM j~nAnadIpasandIpanaye |
gurvarthe.aj~nAnatamaH prabheditA nityasambhR^itAj~nAnatamaH || 25||
jitvA mAgadharAjaM toshhitamakarot.h sadA.a.atmayogadharAjam.h |
anu kurvan.h nijasadanam.h chakre ramyAM puraM subodhanujasadanam.h || 26||
prasabhaM sagajabalasya xatrasyochchaiH samabadharAjabalasya |
mAnaM shishupAlavaraM hatvA bhaishhmImavApa shishupAlavaram.h || 27||
haMso DibhakashchapalAvamunA saMsUditau yavanakashcha palA |
kIrtirvimalA viratA pratatA vishvadhipAvanIlAviratA || 28||
satyAjAmbavatIryA bhAryA vindAdyA bhAnusAmbavatIryAH |
pradyumnaM modarataH prApa jyeshhThaM hariH sutaM modarataH || 29||
yatparivAratayeshA jAtA devA nR^ipAtmanA ratayeshAH |
yadbharitaM vishhasarpaprabhR^iti dhvAntaM na mArutiM vishhasarpa || 30||
yena hiDimbabakAdyA raxodhIshA nipAtitA babakAdyAH |
bhIme prItimameyAM vyaJNjayatA tena sheshhapAti mame yAm.h || 31||
atha kR^ishhNAvaraNe tAn.h prAptAn.h rAj~no.ashR^iNot.h sadAvaraNetAn.h |
drashhTuM yAtaH sabalastAM chAnaishhIt.h pR^ithAsutAMstataH sabalaH || 32||
tAnindrasthaLavAsAMshchakre kR^ishhNaH paro nijasthaLavAsAn.h |
svabalodrechitamAnairjugopa dharmaM cha taiH parAchitamAnaiH || 33||
vAlivadhAnunayAya praNayI sakhyaM susandadhe nu nayAya |
vAsavajena visheshhAt.h tenaiva punarnR^ijanmajena visheshhAt.h || 34||
mAtuH paribhavahAnyai rAj~nA dyusadAmitashcha paribhavahA.anyaiH |
abhavannarakamurAriryo.avAsIdat.h samastanarakamurAriH || 35||
nIto divi devavarai reme satyAsamanvito.adevavaraiH |
sarvartuvane shashinA nishi satyAM vAsare vane.ashashinA || 36||
suratarumApA.aLimatAt.h prakAshayachchhaktimAtmanaH pALimatAt.h |
suravaravIreshhu darI pradhAnajIveshvaraH pareshhudarI || 37||
puramabhiyAyAridarI datvA bhadrAM pR^ithAsutAyAridarI |
shakrapurImabhiyAtaH prAdAd.h vahnervanaM satAmabhiyA.ataH || 38||
shivabhaktapravarAdyaM pumAn.h na sehe girIsha vipravarAdyam.h |
taM svAtmendravareNa vyadhunod.h bhImena dhUtarudravareNa || 39||
yasyA.aj~nAbalasAraiH pArthairdigbhyo hR^itaM dhanaM balasAraiH |
jitvA xmAmavisheshhAM prasahya bhUpAn.h samastakAmavisheshhAm.h || 40||
atha pArthAn.h kraturAjaM prApayadamareT.h sarudrashakraturAjam.h |
pUjA tenAvApi chchhinnashchaidyaH sR^itiM gate nAvA.api || 41||
nihatau saubhakarUshau shIto bhAtashcha yena tau bhakarUshau |
ajayad.h rudraM cha raNe bANArthe.avanatipatitakachandraM charaNe || 42||
asR^ijajjvaramugratamaH xayaprado lIlayA.adhivaramugratamaH |
krIDAmAtraM vishvaM prakAshayannAtmanaH sa viharakamAtraM vishvam.h || 43||
yasyA.aveshorubalAnnyahanat.h pArtho.asurAn.h prajeshorubalAt.h |
varadAnAdasyaiva jagatprabhorIraNAt.h samanugatanAdasyaiva || 44||
yasyA.aveshAt.h sa balaH prachakarshha puraM prasahya veshAt.h sabalaH |
kurupatinAma nu yamunA kR^ishhNA yenA.ahurarhyamatanu yamunA || 45|||
yad.hbalavAn.h krodhavashAnninAya nAshaM vR^ikodaraH krodhavashAn.h |
lebhe.achAnyA gamyaM sthAnaM pushhpANi dhAma chAnyAgamyam.h || 46||
yadbalabhAravahatvAnnAchaladuragAdibhiH subhAravahatvAt.h |
dharmAdarihA.api padaM bhImo yenaiva sAhasaM lihA.a.api padam.h || 47||
na hi nahushho.alaM nahituM dharmo drauNistathetare.alaM nahitum.h |
no rAT.hkarNau brahmavarI yena dhvasto.astramagrahIt.h subrahma varI || 48||
xAtraM dharmaM svavatA guruvR^ittyai keshavAj~nayA cha maM svavatA |
sarvaM sehe manasA bhImeneshaikamAninA hemanasA || 49||
yad.hbhaktapravareNa protaH svasmin.h sa kIchakaH pravareNa |
patitAstasya sahAyAH kR^ishhNArthe mAninaH samasya sahAyAH || 50||
yad.hbhaktyA.anugR^ihItau pArtho bhImashcha gonR^ipau nu gR^ihItau |
R^iNamuktyai suvyatyastyai kramasho vIrAvamuJNchatAM suvyatyastyai || 51||
yad.hbhaktyA.amitayA.alaM kR^ishhNA kArye vivesha kR^ishhNAkArye |
yAmIrArddhatanutvAnnA.apA.ad.h bhImAdR^ite.api nA.apAd.h bhImAt.h || 52||
yAM sprashhTumichchhantamajAtashatruM nyavArayat.h svasthamajAtashatrum.h |
shaMrUpAne nityarateriyaM shrIriti sma deveD.hyaditeriyaM shrIH || 53||
manasAmanasA.amanasA manasA yamanantamajasravedanuyA |
vilayaM vilayaM vilayaM vilayannikhilaM tvashubhaM prachakAra cha yaH || 54||
so.agAd.h dUtamukhena prabhuNedaM vartate yadUtamukhena |
pArthArthe bahutanutAM yatra prAkAshayat.h svayaM savahutanutAm.h || 55||
gurukarNanadIjAdInavadhIchchaxurbalena janadIjAdI |
shaktyA nijayA paravAn.h svajanAnudrechayannanantayA.aparavAn.h || 56||
yasya sunIta sahAyAnna ripUn.h mene.arjunaH sametasahA yAn.h |
akarochchA.asu parAsupratatiM senAsu dhAvanAsuparAsu || 57||
yena jayadrathamAraH pArthaH shatrUnavApatadrathamAraH |
yadvirahAdapi dehe sa rathaH shashvat.h sthiteH sadAdapi dehe || 58||
yad.hbharito bharatAbhaH prabhurambhAbhAvito.abhibharatAbhaH |
bhImo rabhasA.abhibhavI prasabhaM bhA bhAbhibhUrbhasA bhibhavI || 59||
yadanugrahi pUrNatvAd.h bhImaH sarvAnarInanahipUrNatvA.a.at.h |
adahad.h bAhubalena krodhAgnAvAhitAn.h nijAhubalena || 60||
kR^ishhNAbhImAptatamaH shIrNaM yena svakIyahR^idayamAptatamaH |
dhR^itarAshhTrasutAnavadhId.h bhImena sthApito manasi susutAnavadhIt.h || 61||
bhImavipATita dehAnadarshayat.h svAnarIn.h vipATitadehAn.h |
kR^ishhNAyA hitakArI samyag.hdhIrapriyaH sadA.ahitakArI || 62||
atha hariNA pItabalaM drauNerastraM mahAriNA.apItabalam.h |
dadhatA vAsomaraNaM nItaM chakre.abhimanyujaM somaraNam.h || 63||
tasya cha raxA sukR^itA janArdaneneshasheshhakexAsukR^itA |
pArtheshhu premavatA nityaM bhartrA.asutAsuvipremavatA || 64||
j~nAnaM paramaM prAdAd.h bhIshhmagataH sR^itivimoxacharamaM prAdAt.h |
pANDusutAnAmadhikaM chakre vedaM guNottaraM svanAmadhikam.h || 65||
tenAvApi sujAtairharimedhasturagavartane.api sujAtaiH |
pANDusutaiH savasUkairAptairvyAsA.atmanA cha susavasUkaiH || 66||
tadanu sa pANDutanUjai reme xmAM pAlayan.h supANDutanujaiH |
anupamasukharUpo.ajaH paramaH shrIvallabhaH sati kharUpo jaH || 67||
sugatiM charamAmadadAnnijayogyAM j~nAnisutati paramAmadadAt.h |
pArthAnAM sadadUnAM sa pitR^ipreshhyAdinAminAM sayadUnAm.h || 68||
reme tatrA.apisukhI paramo.ananto nananda tatrA.api sukhI |
prANenendirayA cha prayuto nityaM mahAguNendirayA cha || 69||
evaM sarvANi hare rUpANi shrIpateH suparvANihareH |
pUrNasukhAni subhAnti pratatAni nirantarANi nisubhAnti || 70||
rAma rAma mahAbAho mAyA te sudurAsadA |
vAda sAdada ko loke pAdAveva tavA.asajet.h || 71||
jetsavAtava vedApAke lokodada sAdavA |
dAsarAdusuteyAmAhovAhA mama rAma rA || 72 ||
devAnAM patayo nityaM no mataM yasya jAnate |
tasmai deva namasye.ahaM bhavate.asuramAraye || 73||
samastadevajanakavAsudevaparAmR^ita |
vAsudeva parAmR^ita j~nAnamUrte namo.astu te || 74||
devAde devalokapa pUrNAnandamahodadhe |
sarvaj~nesha ramAnAtha devA.ade.ade.ava lokapa || 75||
yo nirmame.asheshhapurANavidyAm.h yo nirmameshe shhapurANavidyAm.h ||
yonirmamesheshhapurA.aNavid.h yAm.h yo.anirmame.asheshhapurANavid.h yAm.h || 76||
anantapArAmitavikramesha prabho ramApAramanantapAra |
mahAguNADh.hyAparimeyasattva ramAlayAsheshhamahA.aguNADh.hya || 77||
bhA bhA bhA bhA bhA bhA bhA bhA
bhA bhA bhA bhA bhA bhA bhA bhA
bhA bhA bhA bhA bhA bhA bhA bhA
bhA bhA bhA bhA bhA bhA bhA bhA || 77||