sriraghavendramangalashtaka-Eng
SrI hari vAyu gurubhyOnamaH
shrIrAghavEMdramaMgaLAShTakaM
shrImadrAmapadAraviMdamadhupaH shrImadhvavaMshAdhipaH
sacChiShyODugaNODupaH shritajagadgIrvANasatpAdapaH |
atyarthaM manasA kRutAchyutajapaH pApAMdhakArAtapaH
shrImatsadgururAghavEMdrayatirAT kuryAddhruvaM maMgalaM || 1||
karmaMdIMdrasudhIMdrasadgurukarAMbhOjOdbhava saMtataM
prAjyadhyAnavashIkRutAkhilajagadvAstavyalakShmIdhavaH |
sachChAstrAtividUShakAkhilamRuShAvAdIbhakaMThIravaH
shrImatsadgururAghavEMdrayatirAT kuryAddhruvaM maMgalaM || 2||
sAlaMkArakakAvyanATakakalAkANAdapAtaMjala
trayyarthasmRutijaiminIyakavitAsaMgItapAraMgataH |
viprakShatraviDaMghrijAtamukharAnEkaprajAsEvitaH
shrImatsadgururAghavEMdrayatirAT kuryAddhruvaM maMgalaM || 3||
raMgOttuMgataraMgamaMgaLakarashrItuMgabhadrAtaTa
pratyasthadvijapuMgavAlayalasan maMtrAlayAkhyE pure |
navyEMdrOpalanIlabhavyakarasadbRuMdAvanAMtargataH
shrImatsadgururAghavEMdrayatirAT kuryAddhruvaM maMgalaM || 4||
vidvadrAjashiraH kirITikhachitAnarghyOruratnaprabhA
rAgAghaughahapAdukadvayacharaH padmAkShamAlAdharaH |
bhAsvaddaMDakamaMDalOjvalakarO raktAMbarADaMbaraH
shrImatsadgururAghavEMdrayatirAT kuryAddhruvaM maMgalaM || 5||
yadbRuMdAvanasapradakShiNanamaskArAbhiShEkastuti
dhyAnArAdhana mRudvilEpanamukhAnEkOpachArAn sadA |
kAraMkAramabhiprayAMti chaturO lOkAH pumarthAn sadA
shrImatsadgururAghavEMdrayatirAT kuryAddhruvaM maMgalaM || 6||
vEdavyAsamunIshamadhvayatirATTIkAryavAkyAmRutaM
j~jAtvAdvaitamataM halAhalasamaM tyaktvA samAkhyAptayE |
saMkhyAvatsukhadAM dashOpaniShadAM vyAkhyAM samAkhyanmudA
shrImatsadgururAghavEMdrayatirAT kuryAddhruvaM maMgalaM || 7||
shrImadvaiShNavalOkajAlakaguruH shrImatparivrADhbharuH
shAstrE dEvaguruH shritAmarataruH pratyUhagOtrasvaruH |
chEtOtItashirustathA jitavaruH satsaukhyasaMpatkaruH
shrImatsadgururAghavEMdrayatirAT kuryAddhruvaM maMgalaM || 8||
yaH saMdhyAsvanishaM gurOrvratipatEH sanmaMgalasyAShTakaM
sadyaH pApaharaM svasEvividuShAM bhaktyaiva bAbhAShitaM |
bhaktyA vakti susaMpadaM shubhapadaM dIrghAyurArOgyakaM
kIrtiM putrakaLatrabAMdhavasuhRunmUrtIH prayAti dhruvam || 9||
iti shrI appaNNAchAryakRutaM
shrIrAghavEMdramaMgaLAShTakaM saMpUrNaM
bhAratIramaNamukhyaprANAMtargata shrIkRuShNArpaNamastu..