Madhwavijaya-7-Eng

saptamaH sargaH

atha haimavatE taTAMtarE badarI-ShaMDa-viSESha-maMDitam |

paramAshramamAshrayaM shriyaH sakala-j~jaH sa dadarsha vishrutam || 1 |

hima-varSha-ravi-prabhA-sahAH pRuthu-satra-prathitA dvijASrayAH |

api viShNu-pada-spRuSO&lasan-ubhayE yatra vicitra-SAkhinaH ||2 ||

SravaNAmRuta-gIrgaNairdvijaiH Suka-mukhyaiH Subha-pakShibhirvRutam |

kamalEShTatama-sthirAMtaraiH-api haMsaiH paramairamEcakaiH ||3 ||

sumanO-nikarENa pUritaM sva-manO&bhIShTadamalpa-durgamam |

aparaspara-matsara-prajaM nanu vaikuMThamivAcyutAlayam || 4 ||

tamimaM pra-viSaMtamASramaM dvyadhika-triMSadudAra-lakShaNam |

guNa-sAra-vidaH kutUhalAd ava-lOkyarShaya ityaciMtayan || 5 ||

kanakAtula-tAla-sannibhaH kamalAkShO vimalEMdu-sanmukhaH |

gaja-rAja-gatirmahA-bhujaH pratiyAn kO&yamapUrva-pUruShaH || 6 ||

ati-SAMta-vapurniSA-karaH svayamEkAMta-kharO divA-karaH |

iti nAsya guNArNavAkRutEH-upamAnaM bhuvanEShu labhyatE || 7 ||

paramASramiNAM gata-SramO nanu cihnAni bibharti dhIra-dhIH |

api mAnuSha-bhAva-vigrahO vipulaM vismayamAtanOti naH || 8 ||

caturashcaturAnanaH swayaM pavanO vA vratirUpa Avrajan |

shRuti-nAtha-didRukShayA&nyathA na Kalu syAnniKilAgrya-lakShmavAn || 9 ||

avalOkita-lakShaNaH sa taiH iti saMciMtya kutUhalAkulaiH |

aviLaMba-gatirnyashAmayat tarumArAt sura-pAdapOttamam || 10 ||

masRuNa-tvacamunnataM tataM bahu-shAkhA-phaNa-sUna-ratnakam |

bhagavaMtamanaMtamaMtikE sthitamIshasya niShEvaNAya vA || 7.11 ||

aticitra-vicitra-patriNaM bahu-varNaM hari-gO-nivArakam

muni-naMdanamiMdirA-patEH adhikEShTaM patatAmivAdhipam || 7.12||

amRutAtma-mahA-phala-pradaM duravApaM hari-bhakti-varjitaiH |

shrita-sAdhu-purANa-bhArataM nigamaM mUrtamivOru-shAkhinam || 7.13 ||

atha tasya sa vEdikAMtarE su-vishAlE vimalE manO-harE |

avalOkitavAnanaMta-dhIH-divi dEvAniva tApasOttamAn || 7.14 ||

api sapta-tayA virAjitAn gata-saMkhyAn guNinO guNOjjhitAn |

api manyu-madAdi-varjitAn gata-bhOgAn pavanAshanAn sadA || 7.15 ||

muni-maMDala-madhya-vartinaM tri-jaganmaMDala-maMDanAyitam |

iha satyavatI-sutaM hariM paripUrNa-pramatiH samaikShata || 7.16 ||

nija-hRut-kamalE&ti-nirmalE satataM sAdhu nishAmayannapi |

avalOkya punaH-punarnavaM tamasau vismita ityaciMtayat || 7.17 ||

agaNayya-guNArNavO&malaH sa hi nArAyaNa ESha kEvalam |

vidhinA&nusRutaM parAsharAt suShuvE satyavatI kilAtra yam || 7.18 ||

dhavaLE&sya manaH-payO-nidhau sadanukrOsha-girIMdra-lOLitE |

prakaTI-bhavati sma suMdarI dayitA daitya-ripOstrayI-mayI || 7.19 ||

ita Eva purANa-gaura-gau sa-mahAbhArata-pArijAtakE |

sati jAtavati vyajAyata pravaraM sUtra-gaNAmRutaM svayam || 7.20 ||

niravagrahamurvanugrahaM vidadhat pAMDu-sutAdi-sajjanE |

avanAvavanAya saMvidAM su-cirAyaiSha cacAra cAru-gIH || 7.21 ||

adhunA kali-kAla-vRuttayE savitEva kShaNadAnu-vRuttayE |

janadRug-viShaya-tvamatyajad-bhagavAnAshramamAvasannimam || 7.22 ||

tadidaM vapurasya dRushyatE dalitEMdIvara-suMdara-dyuti |

paramAjina-yOgapIThagaM mama cEtO-nayanAbhi-naMdanam || 7.23||

agaNayya-guNaiH su-pUritaM paripUrNAgaNitAtma-sad-guNaiH |

idamasta-samasta-dUShaNaM sacidAnaMda-mayaM hi kEvalam || 7.24 ||

kamalA-kamalAsanAnilaiH vihagAhIMdra-shivEMdra-pUrvakaiH |

pada-padma-rajO&sya dhAritaM shirasA haMta vahAmyahaM muhuH || 7.25 ||

praNamAmi pada-dvayaM vibhOH dhvaja-vajrAMkusha-padma-cihna-vat |

nija-mAnasa-rAga-pIDanAd-aruNI-bhUtamivAruNaM svayam || 7.26 ||

nanu kEvalamEva vaiShNavaM shrita-vaMtaH padamAtma-rOciShA |

tamasO&pyubhayasya nAshakA vijayaMtE nakharA navaM ravim || 7.27 ||

su-kumAra-taLAMgulI-matOH padayOrasya nigUDha-gulphayOH |

upamAnamahO na labyatE kavi-varyairitarEtaraM vinA || 7.28 ||

ucitAM gurutAM dadhat kramAt shuci tEjasvi su-vRuttamuttamam |

bhajatO&tra ca bhAjayatyadO vibhu-jaMghA-yugaLaM sa-rUpatAm || 7.29 ||

acalAsana-yOga-paTTikA varakakShyA sakRudAptamiShTa-dam |

paritO&pi hariM sphuraMtyahO anishaM dhanyatamEti mE matiH || 7.30 ||

rucirENa varaiNa-carmaNA ruci-rAja-dyuti-cAru-rOciShA |

paramOru-nitaMba-saMginA paramAshcarya-tayA virAjyatE || 7.31 ||

tanu-nimna-su-nAbhi-shObhitE valibhE vArija-nAbha AdadhE |

pratanAvati-suMdarE mRudau udarE&smin jagadaMDa-maMDalam || 7.32 ||

hRudayE kRuta-sajjanOdayE su-vishAlE vimalE manO-harE |

ubhayaM vahati trayI-mayaM bhagavAn brahma-su-sUtramuttamam || 7.33 ||

asamE&nadhikE su-sAdhitE nija-tAtE ravi-rAshi-dIdhiti |

pradadau tri-jagajjaya-dhvajaM vidhirEtad-gaLa-saMgi bhUShaNam || 7.34 ||

ari-vArija-lakShaNOllasat-su-kumArAruNa pANi-padmayOH |

pRuthu-pIvara-vRutta-hastayOH-upamAM naiva labhAmahE&nayOH || 7.35 ||

bhajatAM vara-tarka-mudrayA dyati hastAgramabOdhamIshituH |

adhi-jAnu samarpitaM paraM kRuta-bhUyO-bhaya-bhaMga-maMgalam || 7.36 ||

satataM gaLatA svataH shruti-tritayEnEva nikAmamaMkitaH |

su-viDaMbita-kaMburIkShyatE vara-rEkhA-trayavAn gurOrgaLaH || 7.37 ||

sakalAsta-kalaMka-kALima-sphuradiMdu-prakarOru-vibhramam|

adharI-kurutE sva-shObhayA vadanaM dEva-shikhA-maNEridam || 7.38 ||

aruNAshma-dalAMtarOllasan-nava-muktAvalimasya lajjayEt |

hasataH sita-daMta-saMtatiH parama-shrIraruNOShTha-rOciShaH || 7.39 ||

dvija-vRuMda-kRutaM kutUhalAd anu-yOgAMdhu-sahasramuttamam |

iyamEka-padE sarasvatI shruti-bhartuH paripUrayatyahO || 7.40 ||

jalajAyata-lOcanasya mAM avalOkO&yamupEtya lALayan |

kurutE parirabhya pUritaM bhuvanAnaMda-kara-smitAnvitaH || 7.41 ||

upa-karNamamuShya bhAsitA tuLasI maMtrayatIva lALitA |

mama nAtha padaM na matsarAt jalajAdyAni harEyurityalam || 7.42 ||

vibhavAbhi-bhavOdbhavAdikaM bhuvanAnAM bhuvana-prabhOrbhruvOH |

anayOrapi dabhra-vibhramAt sa-bhavAMbhOja-bhavAtmanAM bhavEt || 7.43 ||

tri-jagat-tilakALikAMtarE tilakO&yaM para-bhAgamAptavAn |

hari-nIla-girIMdra-mastaka-sphuTa-shONOpala-paMkti-sannibhaH || 7.44 ||

navamaMbu-dharaM viDaMbayad-vara-vidyud-valayaM jagad-gurOH |

avalOkya kRutArthatAmagAM sa-jaTA-maMDala-maMDanaM vapuH || 7.45||

na ramA&pi padAMgulI-lasan-nakha-dhU-rAjadanaMta-sad-guNAn |

gaNayEd gaNayaMtyanArataM paramAn- kO&sya parO guNAn vadEt || 7.46 ||

na kutUhalitA kutUhalaM tanumEnAmavalOkya sad-gurOH |

sa-navAvaraNAMDa-darshinO gRuha-buddhyA mama niShkutUhalam || 7.47 ||

iti ciMtayatA mahA-dhiyA padavIM bAhya-gatAmatIyuShA |

sa manO-nayanaiH purA-gataH tata ApE vapuShA&pi vEda-rAT || 7.48 ||

guru-bhakti-bharAnatAkRutiH viracayyAMjali-baMdhamaMjasA |

kShaNamA-mukuLI-kRutEkShaNaH sa guruM kEvalamabhyavaMdata || 7.49 ||

vinayAbharaNEna bhUShitaH sphuTamaShTAMga-vishiShTa-cEShTitaH |

bhagavat-tama-pAda-paMkajE bhagavAn sa pra-NanAma bhAgyavAn || 7.50 ||

sa nirIkShya parAsharAtma-jaH praNataM prEShThamashESha-sad-guNaiH |

karayOryugaLEna valgunA tamudasthApayadAshu-pAtinA || 7.51 ||

amita-pramatiM shrutIshvaraH parirEbhE parigRuhya taM dRutam |

praNayAmRuta-pUrNa-mAnasaH smita-vaktraH pariphulla-lOcanaH || 7.52 ||

yamajAmyudavAsa UrjitO yadi jAMbUnada-vAri saMvrajEt |

kanaka-dyuti-madhva-saMgavAn-upamIyEta sa tEna nIla-bhAH ||7.53||

yadi rAja-vibhUShaNairyutau dvija-varyAnvayajAvimau harI |

nRupa-gOtra-bhuvOH purA&tmanOH sphuTa-tulyAvupa-gUDhayOrmithaH || 7.54 ||

idamApa shukO&pi lALanaM na samagraM jagatAM pituH pituH |

alabhiShTa yadESha dhanya i-tyati-kautUhalamApi tApasaiH || 7.55 ||

amuShya shiShyA vinayEna tasmai gurOrabhiprAya-vidO vidagdhAH |

tadA&nu-rUpaM dadurAsanaM tE caturmukhAyEva mukuMda-dAsAH || 7.56 ||

AsyatAmityudIryOpaviShTE satyavatyAH sutE satya-vAci |

naMdayan maMda-hAsAvalOkaiH tAn munIMdrAnihOpAvishat saH || 7.57 ||

avagamya taM muni-gaNA variShThatO vidhivad-vyadhurvidhi-vidO&sya mAnanAm |

api saMkathAH shruti-sukhAH kavIMdrayOH anayOrnishamya paramAM mudaM yayuH || 7.58 ||

saj~jnAnAyA&naMda-vij˜jAna-mUrtI prAptau pRuthvImAshramE tatra tAvat |

jAjvalyEtE viShNu-vAyU sma dEvau vEdavyAsAnaMda-tIrthAbhidhAnau || 7.59 ||

iti shrImatkavikulatilaka trivikramapaMDitAcAryasuta nArAyaNa paMDitAcArya-viracitE shrI madhva-vijayE mahAkAvyE AnaMdAMkitE saptamaH sargaH