madhwavijaya-12-eng

dvAdashaH sargaH

atrAnaMta-svAMta-vEdAMti-siMhE mukhya-vyAkhyA-nisvanE jRuMbhamANE |

sadyO mAdyad-vAdi-daMtIMdra-bhImE bhEjE kShObhO mAyi-gOmAyu-yUthaiH ||12.1||

saMbhUyAmI cOLa-ja-dvIpi-puryOH pArshvE pApA maMtrayAmAsurugrAH |

sAsUyA bhU-bhUShaNE vAyu-dEvE mUDhA yadvad dhArtarAShTrAMtikE prAk ||12.2||

sanmAtsaryaM baddhumUcE&shubhAnAM vAcA&lOlaM kOpi gAM dhArakasya |

madhyE tEShAM nIca-nItyA samAnO vAcAlO&laM kO&pi gAMdhArakasya ||12.3||

ekaM tatvaM vaShTi mAyA-mayIyaM vAkyaiH prAcyairapyavAcyaM vidhattE |

pUrvA&pUrvA haMta daurghaTya-bhUShA citraM-citraM darshanAcArya-nItiH ||12.4||

martyAmartyAmartya-vidviT-purOgaM vishvaM dRushyaM vipra-caMDAla-pUrvam |

bhEdApEtaM bhEdimAnaiH samAnaiH sAdhIyaH kaH sAdhayEt tAmalabdhvA ||12.5||

satyaM satyaM vyAvahAryaM vidhattE sarvaM mOhE sarva-nirvAhiNI sA |

j~jAnE jAtE dagdha-vastra-pratItaM pakvE tasmiMstapta-lOhAtta-vArvat ||12.6||

j~jAni-shrEShTha-shrEShTha vij~jAni-vargE nairguNya-sthE sAMprataM nAtha-bhUtAH |

AkraMdaM mE haMta shRuNvaMtu sO&yaM hA-hA mAyA-vAda utsAdamEti ||12.7||

bhraShTA bhATTA na prabhA-kRut-prabhA&bhUt trastA mAhAyAnikAdyAshca yatra |

durgaM mAyA-vAda-satraM didhakShuH nOpEkShyA nastattva-vAdAgni-jihvA ||12.8||

yaM yaM prApad bhUri-cittaH pradEshaM tasmAt-tasmAdAgatEraMtarAyaH |

pratyaj~jAyi vyaktamAryENa sO&pi prApnOt pArshvaM hi vayaM bhAgya-hInAH ||12.9||

prashnaH pRuShTaH khaMDyatE tEna nUnaM yuktAM yuktiM vakti cAsAvakhaMDyAm |

vAdi-vrAtaM lajjayEnnO vishEShAd AkShEptEti shrUyatE kiM nu kurmaH ||12.10||

prAcyaM shAstraM yat sa-pAdaM tu lakShaM vAkyEnaikEnAkShipaddharSha tIrthaH |

itthaM pAMthairvarNItaM shRuNvataH prAg yuShmAn prApad dUyamAnaM manO mE ||12.11||

vEda-vyAsO nvESha vEdO nu mUrtO divyA mUrtiryasya sA su-smitasya |

tad-drashTRUNAM cEti vANI kRupANI nUnaM mAyA-pakSha-mUlaM Chinatti ||12.12||

akliShTaM tat-sUtra-bhAShyaM balIyO mAnOpEtaM kA kShatirnastathA cEt |

AsmAkAH kE&pyEvamuktvA vilajjAH lajjA-siMdhau dussahE&majjayannaH ||12.13||

tasya vyAptaiH shiShya-jAlaistu gauNaiH saMsat-siMdhau shaMkha-cakrAdi-bhRudbhiH |

mA gRuhyEran vishva-sattvAMtarANi kShEmAptyai nastatra nItiM vidhatta ||12.14||

gauNaistarkairgauNa-vAkyAbhi-guptaiH gauNIM buddhiM vardhayaMtE nRuNAM tE |

haMsAnAM nO vAg-vighAta-pravINAH siMdhuM bhUyO-vAri-varShairivAbdAH ||12.15||

bAhulyEna hyEtaduktvA khalu drAg EtE vishvaM prApnuvaMti prakAmam |

asminnasmad-darshanApAya-kAlE yadvallOkApAya-kAlE layApaH ||12.16||

A-karNyEtthaM tasya vANImathAnyO mAnI tEShAM mAninAM citta-vEttA |

svAnAM cEtO naMdayan maMda-cEtAH dhRuShTAmuccairvAcamAcaShTa kaShTaH ||12.17||

tEjaH shaMkA-mAtratO yad vilInaM dhig bhIrUNAM mAnasaM mAna-hInam |

EkAMtEna prApta-tEjO-vilInaM sthEyO yasmAd bhAti haiyaMgavInam ||12.18||

yEShAM vidyAM shAMkarI shaMkarI nO dEvAdInAM bAdhyatAM sAdhayaMtI |

shaukrIvAlaM lajjayEd dEva-pUjyaM tEShAmEShAM sannidhau kO viShAdaH ||12.19||

yadyadvaitaM karkashairgauNa-tarkaiH ruddhaM sAdhyaM naiva bhAtyastu tAvat |

ShaTkarma-j~jairdivya-maMtrauShadhADhyaiH EtairguptAn nO vijEtA hi kashcit ||12.20||

yadyapyEvaM na hyupEkShyO vipakShaH kiMtu prAptO nAdhunA&&kraMda-kAlaH |

apyadvaMdva-svAtma-bOdha-pratItaiH AcAryairyacChaMkyatE shaMkarAdyaiH ||12.21||

pAraMparyENA&gataM tattva-shAstraM haMtOtsannaM nUtanEnEtyudIrya |

tEShAM dOShA varNanIyA vidagdhaiH saMtO&saMtO vA&pi madhyastha-lOkE ||12.22||

svAbhiprAyO brahmavat syAdavAcyO mAyA-shaktyA sarva-nirvAha-siddhiH |

itthaM nItyA shAstra-nItyEva bAdhyaH sarvO lOkaH svAtmanO yaH paraH syAt ||12.23||

grAmE-grAmE vAryatAM mAnanaiShAM pUrvaM-pUrvaM sAma-pUrvairupAyaiH |

saM-prAptAnAM mAna-bhaMgAya kAryaM graMthAkarShAdyudyatairasmadIyaiH ||12.24||

ityAdyEtE kAryamAlOcya kAlE cakrurvakrAshcakri-bhakta-pratIpam |

yOgyA maMktuM tE&nyathA syuH kathaM vA duHkhOgrAMbhasyaMdha-tAmisra-siMdhau ||12.25||

vratyAkAraM-vAsudEva-dviShaM tE prAj~jaM manyaM puMDarIkAbhidhAnam |

vAda-vyAjAkShEpa-kAmAH ku-maMtrAt cakruryattaM rUpya-pIThAlayE&mI ||12.26||

yadvat siMhaM grAma-siMhO&shucIcChO haMsaM kAkO yadvadEvaika-dRuShTiH |

yadvanmAyI bhUrimAyastarakShuM tadvad vidvad-varyamAhvAsta mUDhaH ||12.27||

apyalpO&sau na hyupEkShAMbabhUvE lOlAtmEvAdakSha-pakShaH pataMgaH |

madhvEnAhO dustarENa sva-bhAvAt tEjO-rAjI-rAjitEnAgninEva ||12.28||

mAnairmAnyairbhAsamAnO&samAnaiH AkShipyainaM svaM mataM sAdhayitvA |

prItyai viShNOruttama-prIti-tIrtho vEda-vyAkhyAM vEda-vEdI cakAra ||12.29||

AmnAyaM yE pEThurAmnAya-pUrvaM prAptA viprAstatra kautUhalEna |

paryAsInAstAvadAcArya-varyaM prEkShyaM prEkShAMcakrirE&nEka-saMkhyAH |12.30||

uktAMgEbhyaH kAdikAn vyaMjayaMtaM tat-tanmAtrA-vyaMjanAdau pravINam |

tisrO&vasthAstad-guNairbhAvayaMtaM dEvA dRuShTvA hyasmaran dEva-dEvam ||12.31||

Adau hrasvatvEna vatsAnusRutyAM mAtrA-pAdau vartayan dRushyamAnaH |

kurvannanyAshcAgrya-rUpA vivRuttIH goviMdashrIrAsa gOviMdabhaktaH ||12.32||

mAMgalyAMga-vyakta-bhAvA tri-lOkIM raMgArUDhA vismayaM prApayaMtI |

kRuShNEvAnyA mAnya-vinyAsa-pAdA rEjE mAdhvI susvarA vEda-vANI ||12.33||

gAMbhIryAdyairyuktamaudArya-kAryaiH nAnA-nAda-shlAGyamuccAraNaM tat |

shIkShA-shikShA-lakShaNAnAM hi lakShyaM mAnyaM manyE dhanya-buddhEratulyam ||12.34

kAlpIH kl ptIrvyaMjayan ChAMdasIshca vyaktaM shAbdaM shAstramudbhAvya bhUyaH |

sa vyAcakhyAvukta-nairukta-mArgO jyAyAn jyOtirvEdinAM vEdamittham ||12.35||

shrautE vyAkhyOccAraNE cAruNI tE mAdRug-dEhI varNayEdasya kO nu |

vAgIshAnairvAgvihaMgEMdra-jIvaiH bhUryAshcaryairvarNitE yE praNamya ||12.36||

ChaMdassArthaM sArthamatrAmunEtthaM prOktaM shrutvA brAhmaNA brahmaNEva |

sarvE saumyA jiShNu-jij~jAsayA&mI prApya prOcushcitra-kAyAbhidhAnam ||12.37||

prAjya-praj~jaH prAjyayA praj~jayA&sau haMtAvOcanmaMtra-varNAbhidhEyam |

tat-pratyarthI prArthyatE vaktumEtat prAj~jAsmAbhiH shrOtukAmairbhavAMshca ||12.38||

ityuktastairESha vistAri-buddhEH prAptuM sAmyaM saMpravRuttO durAtmA |

hAsyO&trAbhUd vAsudEva-prabhArthI yadvat pUrvaM pauMDrakO vAsudEvaH ||12.39||

A~gAdEshAduttaraM rAdi-shabdaM shrutvA nArEtyuktavaMtaM padaM tam |

vyAkhyA-laulyAdaitarEyAdi-sUktE pRuthvI-dEvA niMdanIyaM niniMduH ||12.40||

shArdUlAkhyAM prApya saMbhAvitaH prAg lOkE dhUrtO mAyi-gOmAyurEShaH |

vAdi-dvIpi-dhvaMsinaM madhva-siMhaM prAptO hItthaM shabda-shEShO babhUva ||12.41||

kRuShNAbhIShTA shAstra-vispaShTa saMj~jA yA svIyA shrIH pAlitA sad-dvijEna |

padmAkhyAsat-saiMdhavEnA&hRutAM tAM shushrAvAgryAnaMda-tIrthAkhya-pArthaH ||12.42||

tUrNaM tIrNAdabhra-mArgO&tha sAryaH saMprAptO&sau gO-gaNairbhIShayitvA |

saMyamyAMtaryaMtRu-kAmEna hAsyaM saMprApta-shrIrnirjitaM taM jahAsa ||12.43||

duShTAtmA&sau bhadramEkAkinaM yaH kShEptuM hEtuH saukhyadAkhyaM babhUva |

haryaMshO&yaM taM na cakShAma bhUyaH tOkE sannE sUkaraM kEsarIva ||12.44||

tasya trAsAt pRuShThatastiShThatO&bhUt kShEmApEkShI yO janaH prAg jitO&pi |

madhyE&nyEShAM gO-tatIstat-prayuktAH sO&dyajjiShNuH paMca-ShairgOvishEShaiH ||12.45||

viShNOrbhUyaH shObhayadbhiH padAMtaM pAraMparyENEryamANairavAryaiH |

gO-vrAtaistaM dArayitvA nyagRuhNAt kaMjAkhyAnaM siMdhupaM madhva-pArthaH ||12.46||

AstAmAstAmESha vO vishvamOShO rE-rE mAyA-vAdi-cOrA dravEta |

draShTA-draShTA nigrahItA dhruvaM vaH prAptaH kAlO drAg guhAMtaM pravEShTum ||12.47||

tEjO vidvaccakra-caMdrasya lInaM vidhvastA&laM vAdi-nakShatra-lakShmIH |

vishva-vyAptaM yat tu taddIpti-mUlaM yuShmat-prEShThaM tannirastaM tamashca ||12.48||

pUrvAshAmA-pUrya vishva-prakAshI gO-saMdOhaiH sapta-vidyAkhya-vAhaH |

yuShmAbhiH kiM naikShi dEdIpyatE&sau dEvaH sAkShAt sarva-vit-sarva-dIpaH ||12.49||

sarvAdhAraM brahma-saMj~jaM vihAyO ramyAkAraM shAradEMdIvarAbham |

sannirNItaM guNyalaM shabda-bhEdaiH madhvAdityaM saMshritaM kO&pidhattE ||12.50||

vidhAvata-vidhAvata tvaritamatri-vAdAsurA-adabhra-dhiShaNAbhidhO nara-harirhi jAjvalyatE |

sa yukti-nakharaiH kharairmukhara-mUrkha-duHkhAMkuraiH vidArayati dAruNa-pravacana-praNAdO&priyAn ||12.51||

dhattE rUpANyanaMtAnyapi bhuvana-patE ryO hRudA&pyEka pakShO dakShaH sadbhyO&khilEbhyO&pyamRutamiha dadau kEvalaM yO na mAtrE |

pakShi-shrEShThO&paraH sannamita-mati-padO&saMpadE syAdayaM vO mA darpaM mAyi-sarpA bhajata-bhajata tAstA guhA drAg dvi-jihvAH ||12.52||

vEda-vrAta-sudarshanaH parilasat-tarkAkhya-shaMkha-dhvaniH vibhrAjiShNu-purANa saMhati-gadaH shlOkaugha-shAr~ggAnvitaH |

sat-sUtrEShvitihAsa-naMdaka-caNO madhvAkhya-nArAyaNaH prAptO vO ni-jighRukShayA dravata hE mAyAvi-dEva-dviShaH ||12.53||

iti ni-gadati mAyA-vAdi-vidvESha vEShE shubha-jana-nikarE svArAmatO&smAt prayAtaH|

nyavasadamara-dhiShNyE prAgra-vATAbhi-dhAnE guru-matirabhi-naMdan dEvamAnaMda-mUrtim ||12.54||

iti shrImatkavi-kula-tilaka trivikrama-paMDitAcArya-suta shrI-nArAyaNa-paMDitAcArya-viracitE shrI-madhva-vijayE mahA-kAvyE AnaMdAMkitE dwAdashaH sargaH