madhwavijaya-10-Eng

dashamaH sargaH

sapadi samaskuruta bhRushaM mAdhava-guNa-sAdhakO&tha madhva-raviH |

bhRugu-kula-tilaka-sthAnaM tApa-karaH pApa-pAMthAnAm ||10.1||

dashamati-shishyaH kashcit-shubha-janatAyai kutUhala-natAyai |

vividha-su-vRuttaM vAkyaM kAvyamivOcE sa-nAyaka-stavakam ||10.2||

bhuvanAdbhuta-madhva-cEshTitaM na vadEmApi surAyushA vayam |

sakalaM khalu kiMtu kiMcida-pyatha shushrUshu-janAya varNyate ||10.3||

kvacidIshvara-dEvamEsha bhUpaM khananaM pAMtha-janaM-vidhApayaMtam |

svamapi prati-cOdayaMtamUcE kriyayA nO&kushalAn prabOdhayEti ||10.4||

prakAraM prakaTIkartum Arabhya virarAma nO |

mahIyO-mati-mAhAtmyAd vaivashyEna khanan khalaH ||10.5||

nAnEnEnAnEnAnEnOnUnEna nanu nunnAH |

nAnAnA nO nUnaM nAnEnAnUnanA&nunnaH ||10.6||

yamashESha-bhava-prabhavaH smaratA-masukhAbdhirapaiti na citramidam |

marutIdRushi bhAMti hi yat-stavanE yama-shESha-bhava-prabhavaH smaratAH ||10.7||

saMcarannaMcanIyaH kadAcid vibhuH viShNu-padyAstaTaM vaiShNavAgrEsaraH |

prApadAptairnijairESha shiShyairvRutaH tyakta-vishva-plavaM shAtravAtaMkataH ||10.8||

imAn sva-sva-pUrvAshrayAnAtma-vAkyAt sa-lIlaM dayAluH sa mUlAshrayAtmA |

niShEddhRUnanAdRutya cAnanya-laMghyAM tadA&tyAyayat tAM nadIM saMsRutiM vA ||10.9||

vArayata-vArayata vairi-suhRudO&mUn mArayata-mArayata pAra-gamanAt prAk |

Apatata Alapata ityavadaduccaiH sa tvaraka-rAja-puruShAnucita-vAcA ||10.10||

na jaDA jalE patata sAhasAdahO na bhayaM hi vO bahutayA&bahOrjanAt |

bhavatAM patiM kShiti-patiM didRukShavaH prati-yAma kEna kalahaM cikIrShatha ||10.11||

vacasEtyanEna sa parAn nyaruNad bhujagAn narEdra iva maMtra-balAt |

udatArayat pari-janaM mRuti-bhI-saritashca dEva-saritashca samam ||10.12||

nirvikAracaritO&pi parItaH krUra-kiMkara-sahasra-tayEna |

sa vrajannudalasajjagadIshaH siMharADiva sRugAla-samUhE ||10.13||

aprakaMpya-vapuShaM surAsuraiH siMha-saMhananamEnamunnatam |

prAptamAtma-nagarAMtikaM nRupaH prEkShya saudha-shikharE sthitO&bravIt ||10.14||

ripu-nRupa-praNidhi-prati-shaMkayA pathika-pATana-karmaNi dIkShitaiH |

su-mukha mE puruShaiH paruShaiH kathaM yama-bhaTairiva nAsi vihiMsitaH ||10.15||

aplava-dEva-nadI-taraNaM tE haMta kathaM ca cikIrShasi kiM tvam |

taM nigadaMtamiti-prabhRutIha smA&ha mahA-puruShOttama-dAsaH ||10.16||

yO&sau dEvO vishva-dIpaH pradIptaH kurmaH sarvaM tat-parAnu-grahENa |

yAmastAvat tUrNamAshAmudIcIm ityAdyaM tad-bhAShayA citra-vAkyam ||10.17||

gAMbhIryaM dhRutimuru-vIryamArya-bhAvaM tEjO&gryaM giramapi dEsha-kAla-yuktAm |

rAjA&sya sphuTamupa-labhya vismitO&smai rAjyArdhaM sapadi samarpayAMbabhUva ||10.18||

daMDArha-buddhi-viShayO nRupa-pUruShANAM rAjyArha-buddhi-viShayO&bhavaditthamEShaH |

nItiM prakAshayitumEva vipatsu kAryAM gaMtuM prabhuH prasabhatO&pi tathA vyadhAt saH |||10.19||

kadAciccOrANAM nikaramavalOkyAbhi-patatAM avasthApya svIyAn kara-ga-paTa-piMDArtha-mati-kRut |

carannEtEShvEtAnatha mitha ihAghAtayadahO vibhuH sammOhya prAg vijaya iva saMshaptaka-gaNAn ||10.20||

anyatra ca cOrAn dhanya-pravarO&sau shUrAn shata-saMkhyAn prAptAn sva-jighAMsUn |

EkEna tu shiShyENA&kRuShTa-kuThArAn nistADita-yUthyAnadrAvayata drAk ||10.21||

kvacicChilA cChaTA-bhramAdamuM sa-saMghamatyajan |

avEkShya dasyavaH punaH kutUhalAt tamAnaman ||10.22||

satyOcChEdE sEcChApAtaM vyAghrAkAraM daitya-vyAghram |

prALEyAdrEH prAMtE prAj~jaH pANErlIlA-lEshEnA&uysyat ||10.23||

prApa sa nArAyaNataH shuddha-shilAtma-pratimAH |

yAsu sa padmA-sahitO dOShyahitaH sannihitaH ||10.24||

pArAsharyaH para-tatva-prasiddhyai tAtparyArthaM paramaM bhAratasya |

vyaktaM vaktuM niyunakti sma sAkShAd EnaM dhanyaM bhuvanE manyamAnaH ||10.25||

tIrthEShu tIrthEShu ca saukhya-tIrthaH kShEtrEShu ca kShEtra-vidAM variShThaH |

gOviMdamAvaMdya sahAnugO&gAd gaMgAM punastuMga-taraMga-mAlAm ||10.26||

plavairapEtAmavalOkya siMdhuM sarOja-baMdhuM ca tadA&&pta-siMdhum

taTE niShaNNAnadhikaM viShaNNAn nirIkShya shiShyAnatarat sa EtAm ||10.27||

na vAnarEMdrasya vilaMghitAbdhEH na vA narEMdrasya viharturasyAm |

imE&smaraMstad-vapuShO&nyathA&sya shaktasya shaMkyEta vipat kathaM taiH ||10.28||

jagat-pradIpAyita-gO-gaNADhyE divAkarE madhva-divAkarE ca |

avyakta-rUpE shriyamatyajan drAk sahAMbujaistannayanAMbujAni ||10.29||

padaM pashOrvA vinatA-tanUjaH tIrtvA nadIM tAvadadIna-sattvaH |

anArdra-vAsAH sa kutUhalArdraiH nRudEva-bhUdEva-mukhyarvavaMdE ||10.30||

bhItairarAtEratimAtramatra na-tArakairapyatha tArakaiH saH |

sva-tEjasA vismita-bhUpa-nunnaiH plavEna shiShyAn niratArayat tAm ||10.31||

vishaMkaTaM sva-staTinI-taTaM tE dIpa-pradIptaM janatAbhipUrNam |

saMcOdayat-paMDita-maMDalADhyaM nAthAvalOkOt ka-hRudO&bhyapashyan ||10.32||

AmnAyamAmnAya-vidAM vidagdhaM sa-bhAva-bhEdaM pravadaMtamatra |

daivyAM sabhAyAmiva padma-yOniM praikShaMta sAkShAt sukha-tIrthamEtE ||10.33||

prAptastatO hastina-rAja-dhAnIM mAsAnuvAsEha sa vAsa-yOgyAn |

maThAMtarE&naMta-guNAMtaraH san EkAMta-dEshE saritO&samIpE ||10.34||

bhittvA bhuvaM dEva-nadI jagAma shAkhA-vishEShENa niShEvituM tam |

vANI ca yat-prEShyatayA kRutArthA shivAdi-vaMdyA na tadatra citram ||10.35||

guru-prabarhasya padAraviMdaM vidUrataH sA praNanAma mUrtA |

audArya-sauMdarya-tanuM tanuM tAM AlakShya shiShyairati-vismitaM taiH ||10.36||

tEnOpa-yAtEna kadA-canAtha vArANasIM pApa-nivAraNEna |

avAdi vANI balinaH sva-shiShyAn vilOkya lIlAvasarE&valiptAn ||10.37||

niyuddha-siddhyai yugapaddhi vIram manyA bhavaMtO&bhi-pataMtu mAM drAk |

samasta-shaktiM na yunakti yaH svAM atrAsmadAj~jAM sa nirAkarOti ||10.38||

itIrayan paMca-dashaiSha yUnaH prAptAn pra-yuddhAn yugapannipAtya |

utthIyatAM yasya samarthatA syAd iti bruvANaH shanakairjahAsa ||10.39||

saumEravaM gauravamAvahaMti tavAMgamaMgAMgulayashca nO&MgE |

purA vinashyAma itO dayAlO svAmin vimuMcEtyavadaMstadA tE ||10.40||

tEnAtha muktairati-vismayastaiH avApyanAlOcya hi tat-svarUpam |

yad-bhrU-vijRuMbhENa sa-shaMbhu-shakraM jagat samastaM niyataM nikAmam ||10.41||

sa-dAkShyamAkShipta-samasta-pakShakO yatiH prabhuM kO&pyamarAvatI-padaH |

jigIShayA j~jAna-sahAya-karmaNaH prasAdhyatAM sAdhanatEtyudAharat ||10.42||

saMsAdhitArthE bhagavatyayukti-vit papracCha sa j~jAna-padArthamugra-dhIH |

j~jAtaH sa tE j~jAnyasi cEnna cEnna sa prashnO ghaTEtEti nirAkRutaiSha tam ||10.43||

vitata-tama-tamO&MtaM sAdhayaMtyA nitAMtaM sadasi-sadasi rEjE vyAkhyayA vyAsa-shiShyaH |

sakala-samayi-hastAMbhOja-baMdhAbhinaMdI sharadi-sharadi caMdrashcaMdrikA-saMpadEva ||10.44||

jananaM samayE-samayE jagataH prathitE samayE samayEdamitE |

sanirAsamayE&samayE sthiti-yuk svavabhAsa-mayE&samayEShTa-dhiyA ||10.45||

vartasvAdhyadhi sarvaM dIvyEdaM sO&nishaM svataMtrO viShNuH

ujjAsaya duShTAnAM saMskuru sAdhUn guNAbhipUrNO&pyaguNaH ||10.46||

asamOttamO matO&sau shriyaH-patirvishvatO vibhinnAtmA |

paramAn prakAmamarthAn prakAshayAmAsa sEtyAdIn ||10.47||

samAnayA yA&namA&&sa mAyayA tatayA&yamA |

nayAsanA nA&sa yA na yAtanA&lalanA&tayA ||10.48||

prAj~jnO rAj~jnAM tridiva-padavIM kauravaM kShEtramAptaH sasmArAtha sva-vihRuti-pataddhasti-yuddhOtsavAnAm |

satyAtmAdyairiha parivRutO bhAvimArIca-dRugbhiH vismEraiH svairnija-nRupa-tanU-hEti-dRuShTyA&tituShTaiH ||10.49||

viprAtmEshaH kShaNArthaM kRuta-natirashiti-shrIrhRuShIkEsha-dEshE spaShTaM dRuShTO&pyadRuShTaH sapadi vihitavAn vismayaM dEha-bhAjAm |

svapnE sva-prEritAnya-sthala-ga-nija-narO-pAhRutairbhakShya-bhOjyaiH prAjyaiH prAbhOjayat svaM gurumakhila-guruM vEdayan vEda-baMdhum ||10.50||

avAptavAn punariShu-pAtamasmarad ramA-patiM sa parashu-rAmamAdarAt |

sa rAjakELyuru-kadaLI-sahasrakaM tadA&&dadattyavasiti-dattamuttamam ||10.51||

sa shaMkara-pada-dvijOpa-hRutamApya govAkhya-gAM gariShTha-kadaLI-lasad-dasha-shatI-catuShkaM caran |

payaH kalasha-paMcaka-trika-yugAbhipUrNaM papau adRuShTa-gatirapyabhUnnRupa-nRu-maMDalairudyataiH ||10.52||

ayamEva gO-viShayatO&pi sadasi janatArthitO javAt |

puShpamuta phalamahO vidadhE jana-supti-dAnupama-gAna-saMpadA ||10.53||

dhanyO&mahyata nAkinAmahita-hRud-bANassamO&jasyayO madhvO dhvasta-durAgamO&grya-himagu-shrIH kAmamAyAmi-hRut |

viShNuM vishva-jaya-pradaM sa hi naman sEvyaM su-saukhyaM mudA dAkShyAcChrI-dharamAmayAdi-virahI yOgI suhRut sarvadA ||10.54||

iti bhuvanavibhUShaNasya bhUyAM syavigaNitAni kRutAMtarANi haMta |

shravaNa-manana-kIrtanairabhIShTaM prati-dadatItyamarAH pra-kIrtayaMti ||10.55||

iti vividha-gO-dhArA-vArairvishArada-vAri-dO hari-pada-ratO vidyA-vidyut-pradIpita-di~g-mukhaH |

bhava-bhaya-mahA-gharmOttaptaM sadaMghripa-maMDalaM saphala-sumanaH sAMdrAnaMdaM vyadhAdavipallavam ||10.56 ||

iti shrImatkavi-kula-tilaka trivikrama-paMDitAcArya-suta shrI-nArAyaNa-paMDitAcArya-viracitE shrI-madhva-vijayE mahA-kAvyE AnaMdAMkitE dashamaH sargaH