Madhvavijaya-5-Eng

paMchama sargaH

vEdAMta-vidyA-nija-rAjya-pAlane saMkalpyamAnO guruNA garIyasi |

adabhra-cEtA abhi-Shicyate purA sa vAribhirvArija-pUritairatha ||5.1||

AnaMda-rUpasya parasya pAtra dhIH AnaMda-saMdAyi-su-shAstra-kRut sa yat |

AnaMdatIrthEti padaM gurUditaM babhUva tasyAtyanurUpa rUpakam ||5.2||

kadA-cidatrOpa-yayau yatiH sakhA gOviMda-buddhErbahu-shiShya-saMvRutaH

amuShya shiShyA anumAna-shikShitAH tadA&jigIShan guru-buddhimuddhatAH ||5.3||

bhidA su-sAdhyEtyanu-mAnamatra taiH prAyujyatA&shu prati-pakShabhIShaNam

akhaMDayad vyaktamakhaMDa dhIridaM sa pakSha-dakShaH phaNinaM vi-rADiva ||5.4||

athApi mithyA vimataM mata-tvatO vivAda nirmukta vadityavAdi taiH |

anEna satyaM vi-mataM mata-tvatO yathA ghaTAdItyanumA nyagadyata ||5.5||

hEtOrati-vyAptiravAdi tairyadA sa-kautukaistUrNamasAvavismayaH |

na shukti-rUpyAdi mataM yadanyathA mataM tadityAdi vadan jigAya tAn ||5.6||

tattvE&pyatattvE vimatE&numAM vadan tadapratiShThAM prati-pAdukaH svayam |

vi-jitya vishvAn vidUShaM sabhAsvasau jagAma nAmnA&pyanu mAna tIrthatAm ||5.7||

samasta-vAdIMdra-gaja-pra-bhaMga-daH carannavanyAM prati-pakSha-kAMkShayA |

vEda-dviShAM yaH prathamaH samAyayau sa vAdi-siMhO&tra sa-buddhi-sAgaraH ||5.8||

tasyOru-durgarva-vatO jigIShayA nishAtamAdatta mukuMda-dhIrdrutam |

svashiShya-hastEna maThAMtarEShu-dhEH su-pakSha-dakShaM sukha-tIrtha-mArgaNam ||5.9||

jaitraM pra-jij~jAsu kutUhalAkulaM nRuNAM kulaM pra-tvaritaM ni-shAmayan |

avaMdatOpEtya guruM gariShTha-dhIH sa rUpya-pIThAyatanOttama-sthitam ||5.10||

sa vAdisiMhasya giraM garIyasIM akhaMDayat paMDita-maMDalAMtarE |

tIkShNEna vAkyEna mitEna vEginA gadAM sharENEva vishAradO muhuH ||5.11||

asAvasUyan dvi-nava-prakAratO vyacIkl pat kaMcidathArthamuccakaiH |

jagad-vi-jEtushca jayE sa-saMshayaH tAvajjanO&jAyata pUrNa-cEtasaH ||5.12||

vikalpa-koTIratha khaMDayan drutaM rEjE&dhikaM smEra-mukhO bRuhanmatiH |

tamastatIrvA dyu-maNirvishuddhayA gavA shritO viShNu-padaM sadAspadam ||5.13||

agAdhamAtmanyati-vElamuddhataM tiraskRutAshESha-sarasvatI-tatim |

kAmaM mahA-mAnasa-kuMbhasaMbhavO laghUcakArEtyapi buddhi-sAgaram ||5.14||

shva Eva vAdO&stviti vAdinau khalau adyOttaraM bhAti yadIryatAmiti |

madhvE bruvANE&mata tau jitau janaH sa nishcikAyApi nishA-palAyanAt ||5.15||

buddhyabdhinA vAdi-varENa cA&rjitAM jaya-shriyaM bhU-parivartinA cirAt |

ahO muhUrtAdayama-prayatna-vAn avAptavAnityati-vismitaM janaiH ||5.16||

vyAkhyAn kadA-cinmaNimad-vinirmitaM bhAShyaM janaistarka-vishAradairvRutaH |

uvAca vAcaM parihAsa-hAsavAn sammOda-tIrthaH sura-mOda-dAyinIm ||5.17||

sat-sUtra-bhAvE pravicAritE pRuthag bhAShyAbhi-saMdhau ca vi-shuddha-buddhibhiH |

nigRuhya gUDhAgrahamugramEtayOH mAnyO&nvayO&nyOnyamahO na dRushyatE ||5.18||

iti bruvANE prati-pAdayatyalaM bhAShyE&tra doShAn prabalAn muhurmuhuH |

tasmiMstu vismEra-dhiyO&pi yatnatO na sthEyasaH paryaharannimAnamI ||5.19||

nanvasya sUtrasya parO&rtha ucyatAM yad bhAShya-mAtraM bhavatA nirasyatE |

bhavAdRushairyaH kavibhirna dUShyatE kathaMcanEtyUcurimE vacasvinaH ||5.20||

akliShTa-shabdAnvayamESha saMbhavat sUtrArthamuccairvacanaM tadA&&dadE |

mAnIkRutAmnAya-yuta-smRuti kShaNAd EShyatkathA tAMDava-sUtra-dhArakam ||5.21||

bubhutsayA matsara-varjitAn janAn sa-matsarAn vA vi-jigIShayA&&gatAn |

shruta-pravINAnati-tArkikAn muhuH bhaMgyA&nayA bhaMgamupAninAya saH ||5.22||

kadA-cidEnaM prati-gamya saumya-dhIH sa madhya-gEhArya-varaH pra-sEdivAn |

hEtoH kutashcid vi-manI-kRutO&pyahO guNAbdhi-lubdhaH su-janaH pra-sIdati ||5.23||

tEjO&mRutaM naMdana-gAtra-pAtra-gaM nEtrAMjalibhyAmapibat sadA&vyayam |

vidyA-sudhAM cAsya vacO-mahA-ghaTE pUrNAmasau karNa-puTEna paMDitaH ||5.24||

lIlA-vivAdE guruNA jagad-gurOH prasaMgatastatra ca tAdRushE sati |

sUtrArtha-viccEt kuru bhAShyamaMjasE tyAkShEpa-pUrvaM gururabhyadhAdimam ||5.25||

vidhAna-mAtraM tadupAdadE tadA payO yathA&cChaM paramaH sa haMsa-rAT |

tallInamAkShEpamupaikShatAphalaM vArIva saMtO hi guNAMsha-tOShiNaH ||5.26||

vairAgya-vaiyAtya-su-vAktva-pUrvakaiH yutO guNaiH pArama-haMsya-bhUShaNaiH |

jyEShThO yatiryO likucAnvayOdbhavaH taM bhUri-bhaktiH sa kadAcidabravIt ||5.27||

virOdhi vEdAMta-kRutAMta-saMpadAM bhAShyAdikaM cEdidamastu kA kShatiH |

asmabhyamAcakShva vicakShaNOcitaM bhAvaM tu sUtrOpaniShad-vivakShitam ||5.28||

ityasya vAcA sharadEva bhAsitA yadA&khilAshAH shubha-pUrNayA babhau |

pramOda-tIrthAnana-caMdracaMdrikA vyAkhyAbhidhA viShNu-pada-prakAshinI ||5.29||

jEShyan kadAcit kila kAla-pAlitAM dishaM prayAtO&cyuta-buddhinA saha |

samagra-dhIrmaMDita-viShNu-maMgalaM viShNuM jaganmaMgalamAnanAma saH ||5.30||

bhikShA-pra-dAtrA&tra parIkShituM muhuH dattE pra-bhuktE kadaLI-phalOccayE |

anEna niryatnamavArya-vismayaH tamAryavaryaM vijanE&vadad guruH ||5.31||

bhikShAvasAnE dvi-shatAdhikaiH phalaiH vyUDhaiH prabhuktaiH paripUritE&pi tE |

tanUdarE nAsti gariShThatA kathaM sucitta satyaM vadatAd bhavAniti ||5.32||

aMguShTha-mAtraM jaThara-pratiShThitaM jAjvalyamAnaM mama jAta-vEdasam |

nityaM hitaM vishva-dahaM ca vitta taM vishvEsha-cEtA iti sO&bravIt tadA ||5.33||

paryAkulAnEka-sarasvatI-tatIn nyAyOpapannAn vividhArtha-saMyutAn |

atItya dEshAn samayAMshca cAru-dhIH asau jagAmAbhi-matEna vartmanA ||5.34||

sva-hELayA pAtita-pArthiva-vrajAM dhI-shuddhi-dAM kEraLa-bhUShaNAyitAm |

payasvinIM prEkShya pathi dvijArcitAM sa bhAvinImasmaradatra caMDikAm ||5.35||

tataH kramENa pra-calannupEyivAn avaMdatEMdIvara-suMdara-cChavim |

aMbhOja-nAbhaM sa bhujaMga-shAyinaM shrI-vallabhaM shrImadanaMta-satpurE ||5.36||

vEdAMta-sUtrANi kRutAMta-vit-tamO vyAkhyAdasau shiShya-gaNAya saMsadi |

vi-lakShaNaM jIva-gaNAd guNArNavaM brahmAcyutAkhyaM prati-pAdayan muhuH ||5.37||

aprAMshu-nUtnOpa-padAdhi-vAsa-jaH sa saMkarO vaira-parAyaNaH punaH |

asUyayOcE&tra mahAnati-kramaH sUtrArtha vAdO&kRuta-bhAShyakEshviti ||5.38||

vadOttaraM bhAti yadIha kurmahE bhAShyaM kRutirnAsya hi daMDa-vAritA |

jagad-gurUNAmiti tAM gurOrgiraM janaH samastO&bhinanaMda sa-smitAm ||5.39||

prAj~jairmahA-pUruSha-sarva-lakShaNaiH saMpanna-dEhO&yamitIritE prabhau |

parE parasyApyati-pInatA-dRushaH sphi~g-mAtra-saMshaMsanamEva cakrirE ||5.40||

sphig-dUShaNAni pratipAdayatyalaM saMpUrNa-saMkhyE&sya tu lakShma-SAstrataH |

tad-daMDa-saMkhaMDana-saMshravaM vyadhAt tadakShamO&sau prakRutirhi sA&satAm ||5.41||

snAtvA&tra tIrtheShvacirENa kanyakAtIrthE su-tIrthE sukha-tIrtha AplutaH |

samudra-sEtau ca ni-majya viShNavE shrI-rAma-nAthAya namAScakAra saH ||5.42||

tamA-vrajaMtaM yativESha-dhAriNaM daMDaM prakAshyaiSha hasannabhAShata | khaMDyEta daMDO yadi caMDa na tvayA tvaM paMDakO&paMDita vaMdhya-vAgiti ||5.43||

lajjAnataH svArthamathArthayannasan upaikShyatAsau dvija-nAyakaistadA |

AnaMdayaMtaM vadanEMdunA jagat taM dvEShTi kaH prAj~jamihEti vAdibhiH ||5.44||

yA-yAH prasaktAH pariShatsu pUruShaiH vidyA vidagdhairvividhaiH samAgamE |

sa tAsu-tAsu pratibhAti-bhAsurO vidyAsu vidyAdhi-patirjigAya tAn ||5.45||

acAlyamAnaH sa-guruH sa cApalaiH asajjanAnAmabalIyasAmiha |

uvAsa mAsAMshcaturO mahA-manAH siMhO guhAMtOpa-gataH shunAmiva ||5.46||

shRuMgAra-siMdhuM sa bhujaMga-shAyinaM shrIraMga-vAsaM kRuta-maMgalaM satAm |

amaMda-dhIrdEvamavaMdatA&gataH kavEra-kanyA-hima-vAyu-sEvitam ||5.47||

tatO nivRuttaH paramEva pUruShaM praNamya nAnAyatanEShu saM-caran |

pra-kAshayan svAti-shayAnamAnuShAn AshAmudIcIM pra-yayAvasau kramAt ||5.48||

tatastatO vismita-lOcanairnaraiH nirIkShyamANO&ti-su-lakShaNAkRutiH |

grAmOttamAn prApya payasvinI-taTE vivEsha dEvAyatanaM sa kiMcana ||5.49||

adhItya dharmENa ShaDaMgamAgamaM tadartha-saM-varNana-nirNayAnvitAH |

prApurdvijEMdrAstamapUrva-pUruShaM jij~jAsavaH su-prathitaM jagat-trayE ||5.50||

susmitendumaravindalocanaM svarN avarN amatibhadrabhAsh aN am

vItabhUsh amapi vishvabhUsh aN aM taM diDrksh uralamApatajjanaH ||5.51||

vidyOru-dyuti-dhIra-tAraka-tiraskArE pataMgAyitO durvAdIbha-kutarka-kuMbha-dalanE siMha-prabarhAyitaH |

lOlAlOkaka-lOka-dRuk-kumudinI saMhlAdanE&bjAyitaH saMsanmaMDala-maMDanAyita uta svAnaMdatIrthO babhau ||5.52||

iti shrImatkavi-kula-tilaka trivikrama-paMDitAcArya-suta SrI-nArAyaNa-paMDitAcArya-viracitE shrI-madhva-vijayE-mahA-kAvyE AnaMdAMkitE paMcamaH sargaH