مواصفاته

البيت بول من الكلاب التي لم يوضع لها مواصفات قياسية ثابته زي الجيرمن مثلا، علشان كذا بنلقاه في كل دوله شكله مختلف بصورة طفيفه عن الدوله التانيه، واشهر الدول اقتناء للبيت بول هي الولايات المتحدة، وهناك في اندية معترف بيها للبيت بول وتم اخيرا الاستقرار على نوع وسموه American Pitbull Terrier اللي هي بنشوف اختصارها كثير APBT. ومن الدول المحبة جدا للبيت بول دول امريكا اللاتينية زي بيرو و الارجنتين على وجه الخصوص، وبعدهم روسيا ودول الاتحاد السوفيتي السابق، وبعدين أوروبا.وذي مجموعة صور لكلاب بيت بول أمريكية

وأكيد طبعا نلاحظ الفرق في البنية الجسدية بين الأمريكي و الروسي، فالأمريكان بيميلوا للضخامه الزايدة مع قصر القامة، في حين ان الروس بيحبوا الرشاقه والجسد المعتدل ومعاهم أمريكا اللاتينية.

والبيت بول من الكلاب اللتي تتمتع ببنية عضلية رائعة وشراسه طبيعية زائدة وسمات شخصية مميزة، وهذا خلاها أداة مناسبة لكل أصحاب النفوس الضعيفه علشان يستخدموها في أعمال العنف والسطو المسلح و التظاهر والمنظرة. وطبعا الكلب مجرد حيوان لو تم تدريبه على اعمال العنف بيبدع فيها وبالتالي البيت بول اكتسب السمعة السيئة ذي، وتم منعه في العديد من الدول منعا للمشاكل، ونقدر نمثل البيت بول بسيارة الهامر مثلا، سيارة قوية و امكانياتها جباره، لكن ممكن تستخدم غلط وهذا بالظبط اللي حصل مع البيت بول وطبعا ما نقدر نظلم الكلب انما الذنب واقع على اللي بيربي الكلب على الاعمال الوحشية هاذي.

لكن على الجانب الآخر، البيت بول اثبت كفائه تامة في كل الاعمال اللي تم تدريبه عليها زي اعمال الحراسه واعمال الانقاذ ومكافحة المخدرات، ذا غير تألقه الدائم في الحراسه الشخصية، وحراسة الأماكن المغلقة، زي المستودعات و المخازن لقابليته الكبيره على القفز والمناوره في أماكن مزدحمة وضيقة.

الحجم: كبير

التمارين: يتقبل التدريب

إرتفاعه: 66 - 71 سم

التغذية :متوسطه

الوزن: 50 كلج

المزاج :شجاع ، وسائد

المسايسة: متوسطة